شب وصال سے آگے ترے خیال سے آگے

شبِ وصال سے آگے، تِرے خیال سے آگے

مِری حیات کا قصہ ہے ماہ و سال سے آگے

کہیں پہ سانس ہے ساکن، کہیں پہ درد ہے پیہم 

ملے ہیں زخم جو ہم کو، ہیں اندمال سے آگے

یہ آبلے یہ رسوائی، یہ چشمِ تر یہ تنہائی

یہ خستگی ہنر میرا، ہنر کمال سے آگے

کچھ سوچ مرے یار خدا دیکھ رہا ہے

کچھ سوچ مِرے یار، خدا دیکھ رہا ہے

اس طرح نہ کر وار، خدا دیکھ رہا ہے

یہ مولوی واعظ سے تو کافر ہی بھلے ہم

یوں دین کا پرچار، خدا دیکھ رہا ہے

کب کم ہیں کسی سے یہ فراعینِ زمانہ

یہ طرز، یہ گفتار، خدا دیکھ رہا ہے

رات تو پرائی ہے اس کو صبح جانا ہے

رات تو پرائی ہے، اس کو صبح جانا ہے

اور دن ہے آوارہ،۔ کیا پتا ٹھکانہ ہے

سانس سانس جڑتی ہے دل کا تانا بانا ہے

ٹیم ٹام برسوں کا پل میں لوٹ جانا ہے

نیند کے درختوں پر خواب پھیکے لگتے ہیں

مفلسی کی جیبوں میں خواب کا خزانہ ہے

کاش ہوتا مزاج پانی کا

عارفانہ کلام منقبت سلام مرثیہ

کاش ہوتا مزاج پانی کا

ہم پہ ہوتا نہ راج پانی کا

پیاس ہی پیاس کربلا اور تم

خون تھا بس خراج پانی کا

سوچا تھا آنکھ بند کر کے حسین

ہو گیا امتزاج پانی کا

خواب تعبیر ہونے والے ہیں

خواب تعبیر ہونے والے ہیں

ہم بھی تحریر ہونے والے ہیں

یہ جو سچ کا الاپ ہیں کرتے

یہ بھی تصویر ہونے والے ہیں

اب دکھاتا ہوں تم کو میں جادو

لفظ شمشیر ہونے والے ہیں

ٹوٹے دل کا ملال کر لوں کیا

ٹوٹے دل کا ملال کر لوں کیا

ربط پھر سے بحال کر لوں کیا

یار مجھ کو اگر اجازت دے

میں بھی تھوڑی دھمال کر لوں کیا

کھو کہ خود کو میں ذات میں تیری

عشق اپنا کمال کر لوں کیا

بر صلیب آرزو رات تنہائی دیا

بر صلیبِ آرزو، رات، تنہائی، دِیا

کر رہے تھے گفتگو، رات، تنہائی، دیا

درد کو فرصت نہ تھی، دیکھتے ہی رہ گئے

آنکھ سے بہتا لہو،۔ رات، تنہائی، دیا

کام تھا مشکل مگر عمر بھر کرتے رہے

اک خراشِ دل رفو، رات، تنہائی، دیا

منزلیں کچھ اور ہیں اور رہگزر کچھ اور ہے

منزلیں کچھ اور ہیں اور رہگزر کچھ اور ہے 

آبلے کچھ اور ہیں، لطفِ سفر کچھ اور ہے

تیری نظروں میں ہے سورج میری نظروں میں شرر 

مجھ پہ ظاہر اور ہے،۔ تیری نظر کچھ اور ہے

آپ پر قربان ہوں بزمِ طرب کی رونقیں

میرا حاصل اور ہے مجھ کو ثمر کچھ اور ہے

مجھ کو مشکل نہیں اک پل میں کنارہ کر لوں

مجھ کو مشکل نہیں اک پل میں کنارہ کر لوں

اور چاہوں تو محبت میں گزارا کر لوں

پیار، الفت، ہو کہ عشق و فراق و وصال

سب بلائیں ہیں، بلاؤں کا اتارا کر لوں

مشقِ گِریہ کی ریاضت کا ثمر پایا ہے

آنکھ سے بہتے ہوئے اشک سِتارہ کرلوں