ہم نے کب درہم و دینار کی خواہش کی ہے

 عارفانہ کلام حمد نعت منقبت

ہم نے کب درہم و دینار کی خواہش کی ہے

جب بھی کی، آپؐ کے دیدار کی خواہش کی ہے

اول اول جہاں "اِقراء" کی صدا گُونجی تھی

دِیدہ و دل نے اُسی غار کی خواہش کی ہے

کیا ہی اچھا ہو، سُنا دے کوئی مُژدہ آ کر

آپﷺ نے مجھ دلِ بیمار کی خواہش کی ہے

نہیں ہو سکتا مرے یار نہیں ہو سکتا

 نہیں ہو سکتا مِرے یار! نہیں ہو سکتا

عشق عاشق کا طرفدار نہیں ہو سکتا

مر رہا ہے جو مِری ایک جھلک کی خاطر

اس کا کہنا تھا اسے پیار نہیں ہو سکتا

چاند سورج کو بھی آغوش میں لے لیتا ہے

اور اس بات سے انکار نہیں ہو سکتا

گر نہیں وصف تو پھر عیب اچھالے میرے

 گر نہیں وصف تو پھر عیب اچھالے میرے

عشق میں کچھ تو رہیں زندہ حوالے میرے

خوش نہیں آیا مجھے اس کا مزاجِ تشکیک

خوش نہیں آئے اسے ڈھنگ نرالے میرے

وہ عجب ساعتِ خوشرنگ میں بچھڑا مجھ سے

رنج و غم بھی نہ کِیے اس نے حوالے میرے

دل کے چرخے پہ سوت سانسوں کا

 دل کے چرخے پہ سُوت سانسوں کا

کاتے جاتے ہیں اور زندہ ہیں

ہو گئی غیر وہ گلی، پھر بھی

آتے جاتے ہیں اور زندہ ہیں

اہلِ دل بول اک محبت کا

گاتے جاتے ہیں اور زندہ ہیں

ہماری آنکھ میں وحشت نہیں تو پھر کیا ہے

 ہماری آنکھ میں وحشت نہیں تو پھر کیا ہے

ہمیں یہ ہجر غنیمت نہیں تو پھر کیا ہے

دھڑک رہے ہیں بہم خوبصورتی سے جو ہم

ہمارے بیچ محبت نہیں تو پھر کیا ہے

یہ مسکرانا،۔ ادائیں دکھانا،۔ اٹھلانا

تِری طرف سے سِفارت نہیں تو پھر کیا ہے

گزر رہے تھے شب و روز شادمانی سے

 گزر رہے تھے شب و روز شادمانی سے

نِکل گیا وہ اچانک مِری کہانی سے

نجانے کِس لیے مجھ سے وہ بدگمان ہوا

کبھی مِلا ہی نہیں مَیں تو بدگمانی سے

اسی نے کہہ دیا آخر کہ تم فریبی ہو

جسے عزیز رکھا اپنی زندگانی سے

رکی ہوئی ہیں گردشیں نظام چل نہیں رہا

 رکی ہوئی ہیں گردشیں، نظام چل نہیں رہا

گیا وہ جب سے چھوڑ کے، سمے بدل نہیں رہا

ہر ایک شے ہے آس پاس جوں کی توں رواں دواں

مگر مِری گرفت میں وہ ایک پل نہیں رہا

میانِ وصل، یک نفس وہ یوں کھلا کہ اس گھڑی

ابد ابد نہیں رہا،۔ ازل ازل نہیں رہا

سنا کے رنج و الم مجھ کو الجھنوں میں نہ ڈال

 سنا کے رنج و الم مجھ کو الجھنوں میں نہ ڈال

تھکن کا خوف مِرے عزم کی رگوں میں نہ ڈال

میں اس جہان کو کچھ اور دینا چاہتا ہوں

تُو کار وقت کے پُر ہول چکروں میں نہ ڈال

ملول دیکھ کے تجھ کو میں رک نہ جاؤں کہیں

خدارا! ہجر کی شدت کو آنسوؤں میں نہ ڈال

آخر میری بوڑھی آنکھیں لاشوں کے انبار پہ کب تک بین کریں

 زمین

آخر میری بوڑھی آنکھیں

لاشوں کے انبار پہ کب تک بین کریں

تم لوگوں سے اک دُکھیاری کہتی ہے

تم جس بھی خدا کو مانتے ہو

اس کے نام پہ

بس کر دو

میں دیکھوں تو مجھ پہ محبت کھلتی ہے

 میں دیکھوں تو مجھ پہ محبت کھلتی ہے

وہ دیکھے تو اور حقیقت کھلتی ہے

وہ دل جس پر ہجر میں ہجرت کھلتی ہے

صرف اسی پر رمزِ شہادت کھلتی ہے

جیتے جی آزار سمجھتے ہیں جن کو

وہ نہ رہیں تو قدر و قیمت کھلتی ہے

نہیں ہو سکتا مرے یار نہیں ہو سکتا

 نہیں ہو سکتا مِرے یار نہیں ہو سکتا

عشق عاشق کا طرفدار نہیں ہو سکتا

مر رہا ہے جو مِری ایک جھلک کی خاطر

اس کا کہنا تھا اسے پیار نہیں ہو سکتا

چاند سورج کو بھی آغوش میں لے لیتا ہے

اور اِس بات سے انکار نہیں ہو سکتا

جب بھی اس راہ سے وہ رشک بتاں گزرے گا

 جب بھی اس راہ سے وہ رشکِ بُتاں گُزرے گا

دل میں ٹھہرے گا یقیں اور گماں گزرے گا

ہائے، وہ وقت کہ جب تم نہ میسر ہو گے

ہائے، وہ وقت گزارے سے کہاں گزرے گا

اس طرف منہ نہیں کرتا کوئی ڈرتا، لیکن

ہم جو گزرے تو ادھر سے بھی جہاں گزرے گا

خواب شرمندہ تعبیر نہیں ہو سکتا

 خواب شرمندۂ تعبیر نہیں ہو سکتا

دل مکمل کبھی تسخیر نہیں ہو سکتا

آج روٹھے ہوئے ساجن نے بلایا ہے مجھے

آج تو کچھ بھی عناں گیر نہیں ہو سکتا

ہو نہ ہو یہ کوئی اپنا ہی کھلا ہے مجھ پر

میرے دشمن کا تو یہ تیر نہیں ہو سکتا

اپنی الگ ہی سمت میں راہیں نکال کر

 اپنی الگ ہی سمت میں راہیں نکال کر

وہ لے گیا ہے جسم سے سانسیں نکال کر

لوٹے تو یہ نہ سوچے کہ خط جھوٹ موٹ تھے

میں رکھ چلا ہوں بام پر آنکھیں نکال کر

میرے کفن کے بند نہ باندھو ابھی مجھے

ملنا ہے ایک شخص سے بانہیں نکال کر

کم ترے ضبط کی قیمت نہیں کرنے والے

 کم ترے ضبط کی قیمت نہیں کرنے والے

ہم تری آنکھ سے ہجرت نہیں کرنے والے

اپنے نزدیک محبت ہے عبادت کی طرح

ہم عبادت کی تجارت نہیں کرنے والے

یہ الگ بات کہ اظہار نہیں کر سکتے

یہ نہ سمجھو کہ محبت نہیں کرنے والے

‏خسارے ہی خسارے میں ہوئی تھی

 ‏خسارے ہی خسارے میں ہوئی تھی

محبت استعارے میں ہوئی تھی

اور اس کے بعد سب کچھ بہہ گیا تھا

بس اک جنبش کنارے میں ہوئی تھی

مجھے پیکر میں جب لایا گیا تھا

نموداری ستارے میں ہوئی تھی

در کی سنی نہ تم نے دریچے کی گفتگو

 در کی سنی نہ تم نے دریچے کی گفتگو

آتے ہی کرنے لگ گئے کانٹے کی گفتگو

دنیا تری سمجھ میں نہ آئے، نہ آئیں گے

میں اور میری وقت سے آگے کی گفتگو

کس کو خبر تھی ہو گا وہ یوں مجھ سے ہمکلام

صدیوں پہ پھیل جائے گی لمحے کی گفتگو

لاکھ دیکھے حسین چہرے تو

 لاکھ دیکھے حسین چہرے تو

ایسی حالت نہیں تھی پہلے تو

اک نظر دیکھنے پہ یہ عالم

اک نظر اور دیکھ لیتے تو؟

وہ تو ہم نے تمہیں سنبھال لیا

ہم بھی گر ہوش میں نہ ہوتے تو