اشک ضائع ہو رہے تھے دیکھ کر روتا نہ تھا

 اشک ضائع ہو رہے تھے، دیکھ کر روتا نہ تھا

جس جگہ بنتا تھا رونا، میں اُدھر روتا نہ تھا

صرف تیری چُپ نے میرے گال گیلے کر دئیے

میں تو وہ ہوں جو کسی کی موت پر روتا نہ تھا

مجھ پہ کتنے سانحے گزرے پر اُن آنکھوں کو کیا

میرا دُکھ یہ ہے کہ میرا ہمسفر روتا نہ تھا

کیا خبر اس روشنی میں اور کیا روشن ہوا

 کیا خبر اس روشنی میں اور کیا روشن ہوا

جب وہ ان ہاتھوں سے پہلی مرتبہ روشن ہوا

وہ مِرے سینے سے لگ کر جس کو روئی کون تھا

کس کے بُجھنے پر میں آج اس کی جگہ روشن ہوا

ویسے میں ان راستوں اور طاقچوں کا تھا نہیں

پھر بھی تُو نے جس جگہ پر رکھ دیا روشن ہوا

طلسم یار یہ پہلو نکال لیتا ہے

 طلسمِ یار یہ پہلو نکال لیتا ہے

کہ پتھروں سے بھی خوشبو نکال لیتا ہے

ہے بے لحاظ کچھ ایسا کہ آنکھ لگتے ہی

وہ سر کے نیچے سے بازو نکال لیتا ہے

کوئی گلی تیرے مفرورِ دو جہاں کی طرف

نہیں نکلتی مگر تُو نکال لیتا ہے

محبت خود اپنے لیے جسم چنتی ہے

 محبت

محبت خود اپنے لیے جسم چنتی ہے

اور جال بنتی ہے ان کے لیے 

جو یہ آگ اپنے سینوں میں بھرنے کو تیار ہیں

گھٹ کے جینے سے بیزار ہوں 

محبت کبھی ایک سے 

ہمیں ایک دعا تھامنے آئے گی

 تیرے ساتھ گزرے دنوں کی کوئی ایک دھندلی سی تصویر 

جب بھی کبھی سامنے آئے گی

تو ہمیں ایک دعا تھامنے آئے گی

بڑھاپے کی گہرائیوں میں اترتے ہوئے

تیری بے لوث بانہوں کے گھیرے نہیں بھول پائیں گے ہم

ہم کو تیرے توسط سے ہنستے ہوئے جو ملے تھے

ہم ملیں گے کہیں اجنبی شہر کی شاہراؤں پہ

 ہم ملیں گے کہیں

اجنبی شہر کی خواب ہوتی ہوئی شاہراؤں پہ

اور شاہراؤں پہ پھیلی ہوئی دھوپ میں

ایک دن ہم کہیں ساتھ ہوں گے

وقت کی آندھیوں سے اٹی ساعتوں پر سے مٹی ہٹاتے ہوئے

ایک ہی جیسے آنسو بہاتے ہوئے

جب سے اس نے کھینچا ہے کھڑکی کا پردہ ایک طرف

 جب سے اس نے کھینچا ہے کھڑکی کا پردہ ایک طرف

اس کا کمرہ ایک طرف ہے باقی دنیا ایک طرف

میں نے اب تک جتنے بھی لوگوں میں خود کو بانٹا ہے

بچپن سے ہی رکھتا آیا ہوں تیرا حصہ ایک طرف

ایک طرف مجھے جلدی ہے اس کے دل میں گھر کرنے کی

ایک طرف وہ کر دیتا ہے رفتہ رفتہ ایک طرف

مسلسل وار کرنے پر بھی ذرہ بھر نہیں ٹوٹا

 مسلسل وار کرنے پر بھی ذرہ بھر نہیں ٹوٹا 

میں پتھر ہو گیا لیکن تِرا خنجر نہیں ٹوٹا 

تِرے ٹکرے مِری کھڑکی کے شیشوں سے زیادہ ہیں 

نصیب اچھا ہے میرا تو مِرے اندر نہیں ٹوٹا 

مجھے برباد کرنے تک ہی اس کے آستاں ٹوٹے 

مرا دل ٹوٹنے کے بعد اُس کا گھر نہیں ٹوٹا 

طلسمِ یار میں جب بھی کمی آئی، نمی آئی 

مجھے یہ بتا میں ترا کون ہوں

 مجھ پہ تیری تمنّا کا الزام ثابت نہ ہوتا 

تو سب ٹھیک تھا

زمانہ تِری روشنی کے تسلسل کی قسمیں اٹھاتا ہے

اور میں تِرے ساتھ رہ کے بھی 

تاریکیوں کے تناظر میں مارا گیا

مجھ پہ نظرِ کرم کر مخاطب ہو مجھ سے

صحرا سے آنے والی ہواؤں میں ریت ہے

 صحرا سے آنے والی ہواؤں میں ریت ہے

ہجرت کروں گا گاؤں سے گاؤں میں ریت ہے

اے قیس! تیرے دشت کو اتنی دعائیں دیں

کچھ بھی نہیں ہے میری دعاؤں میں ریت ہے

صحرا سے ہو کے باغ میں آیا ہوں سیر کو

ہاتھوں میں پھول ہیں مِرے پاؤں میں ریت ہے

تاریکیوں کو آگ لگے اور دیا جلے

 تاریکیوں کو آگ لگے اور دِیا جلے 

یہ رات بین کرتی رہے اور دیا جلے 

اس کی زباں میں اتنا اثر ہے کہ نصف شب 

وہ روشنی کی بات کرے اور دیا جلے 

تم چاہتے ہو تم سے بچھڑ کے بھی خوش رہوں 

یعنی ہوا بھی چلتی رہے اور دیا جلے

نہ نیند اور نہ خوابوں سے آنکھ بھرنی ہے

 نہ نیند اور نہ خوابوں سے آنکھ بھرنی ہے

کہ اس سے ہم نے تجھے دیکھنے کی کرنی ہے

کسی درخت کی حدت میں دن گزارنا ہے

کسی چراغ کی چھاؤں میں رات کرنی ہے

وہ پھول اور کسی شاخ پر نہیں کھلنا

وہ زلف صرف میرے ہاتھ سے سنورنی ہے

پائل کبھی پہنے کبھی کنگن اسے کہنا

 پائل کبھی پہنے، کبھی کنگن اُسے کہنا

لے آئے محبت میں نیا پن اسے کہنا

میکش کبھی آنکھوں کے بھروسے نہیں رہتے

شبنم کبھی بھرتی نہیں برتن اسے کہنا

اک پل سے زیادہ نہیں دنیا کی مسہری

اک شب سے زیادہ نہیں دلہن اسے کہنا

شور کروں گا اور نہ کچھ بھی بولوں گا

 شور کروں گا اور نہ کچھ بھی بولوں گا 

خاموشی سے اپنا رونا رو لوں گا 

ساری عمر اسی خواہش میں گزری ہے 

دستک ہو گی اور دروازہ کھولوں گا 

تنہائی میں خود سے باتیں کرنی ہیں 

میرے منہ میں جو آئے گا بولوں گا

مہینوں بعد دفتر آ رہے ہیں

 مہینوں بعد دفتر آ رہے ہیں

ہم اک صدمے سے باہر آ رہے ہیں

تِری بانہوں سے دل اُکتا گیا ہے

اب اس جُھولے میں چکر آ رہے ہیں

سمندر کر چکا تسلیم ہم کو

خزانے خود ہی اوپر آ رہے ہیں

رات کو دیپ کی لو کم نہیں رکھی جاتی

 رات کو دیپ کی لو کم نہیں رکھی جاتی

دُھند میں روشنی مدھم نہیں رکھی جاتی

کیسے دریا کی حفاظت تِرے ذمے ٹھہراؤں

تجھ سے اک آنکھ اگر نم نہیں رکھی جاتی

اس لیے چھوڑ کے جانے لگے سب چارہ گراں

زخم سے عزتِ مرہم نہیں رکھی جاتی

حسن پہ جتنی دیر کہو گے بولوں گا

 حُسن پہ جتنی دیر کہو گے بولوں گا

جب میں ان آنکھوں سے فارغ ہو لوں گا

ساری عمر اسی خواہش میں گزری ہے

دستک ہو گی اور دروازہ کهولوں گا

تنہائی میں خود سے باتیں کرنی ہیں

میرے منہ میں جو آئے گا بولوں گا

قدم رکھتا ہے جب رستوں پہ یار آ ہستہ آہستہ

 قدم رکھتا ہے جب رستوں پہ یار آ ہستہ آہستہ

تو چھٹ جاتا ہے سب گرد و غبار آ ہستہ آہستہ

بھری آنکھوں سے ہو کے دل میں جانا سہل تھوڑی ہے

چڑھے دریاؤں کو کرتے ہیں پار آہستہ آہستہ

نظر آتا ہے تو یوں دیکھتا جاتا ہوں میں اس کو

کہ چل پڑتا ہے جیسے کاروبار آہستہ آہستہ

تیرے ہونٹوں پہ مکڑی کے جالوں کے جمنے کا دکھ

 تیرے ہونٹوں پہ مکڑی کے جالوں کے جمنے کا دُکھ تو

بہرحال مجھ کو ہمیشہ رہے گا

تُو نے چُپ ہی اگر سادھنی تھی

تو اِظہار ہی کیوں کیا تھا؟

یہ تو ایسے ہے بچپن میں جیسے کہیں کھیلتے کھیلتے

کوئی کسی کو "سٹیچو" کہے

تیرے پورے بدن پر اک مقدس آگ کا پہرہ ہے

 تیرے پورے بدن پر

اک مقدس آگ کا پہرہ ہے

جو تیری طرف بڑھتے ہوئے

ہاتھوں کے ناخن روک لیتا ہے

تیرے ہونٹوں سے نکلے سانس کی خوشبو

در و دیوار سے رستہ بنا کر