غزل کی آگ قلم کی گُھٹن برائے فروخت
یہ کون رکھ گیا ذہنی تھکن برائے فروخت
کتابیں پھینک کے غُربت نے اپنے ہاتھوں سے
یہ لِکھ لیا ہے بدن پر؛ بدن برائے فروخت
بندھے ہوئے ہیں کسی ربط غیب سے دونوں
بدن برائے کفن ہے۔ کفن برائے فروخت
اُٹھا کے رکھ دئیے بازار کی پناہوں میں
سخن فروش نے شعر و سخن برائے فروخت
ضرورتوں نے جواں لڑکیوں کے ماتھے پر
یہ گود رکھا ہے رخت بدن برائے فروخت
یہ کس نے رکھ دئیے مجبوریوں کی منڈی میں
کہیں پہ جسم کہیں پیرہن برائے فروخت
لکی فاروقی حسرت
No comments:
Post a Comment