مسکان لبوں پر آنکھوں میں تاروں کا سجانا مشکل ہے

 مسکان لبوں پر آنکھوں میں تاروں کا سجانا مشکل ہے

دل توڑنا ہے آساں لیکن روتے کو ہنسانا مشکل ہے

ہے کانچ صفت دل سینے میں جب ٹوٹتا ہے پھر جڑتا نہیں

جس چیز سے دل اٹھ جاتا ہے پھر اس سے لگانا مشکل ہے

اے بلبل دل یوں غم پی کر مت چہک کہ اب لب کو سی لے

سب ساز بریدہ حال ہوئے اب راگ پرانا مشکل ہے

ہر ایک پل مجھے دکھ درد بے شمار ملے

 ہر ایک پل مجھے دکھ درد بے شمار ملے

خدا کبھی تو میرے دل کو بھی قرار ملے

زمانہ دشمنِ جاں ہو گیا یہ غم ہے مگر

میرا نصیب کے خنجر بدست یار ملے

کیا ہو گی اس سے بھی بڑھ کر کسی کی محرومی

جسے نصیب میں تا مرگ انتظار ملے

لفظ یوں خامشی سے لڑتے ہیں

 لفظ یوں خامشی سے لڑتے ہیں

جس طرح غم ہنسی سے لڑتے ہیں

جانور جانور سے لڑتا ہے

آدمی آدمی سے لڑتے ہیں

موت کی آرزو میں دیوانے

عمر بھر زندگی سے لڑتے ہیں

آج انساں کو تپتے صحرا میں بہتا دریا تلاش کرنا ہے

 مالِ دنیا تلاش کرنا ہے 

یعنی رتبہ تلاش کرنا ہے 

آج انساں کو تپتے صحرا میں 

بہتا دریا تلاش کرنا ہے 

تُو کنواری ہے کب سے اے دنیا 

تیرا رشتہ تلاش کرنا ہے 

لگا کے دل کوئی کچھ پل امیر رہتا ہے

 لگا کے دل کوئی کچھ پل امیر رہتا ہے

پھر اک عمر وہ غم میں اسیر رہتا ہے

کیوں ہاتھ دل سے لگاتے ہو بار بار اپنا

کیا دل میں اب بھی کوئی بے نظیر رہتا ہے

تیری زباں پہ قناعت کی بات ٹھیک نہیں

تیرے بدن پہ لباسِ حرِیر رہتا ہے

دیدہ تر میں کون رہے گا

 دیدۂ تر میں کون رہے گا

ڈوبتے گھر میں کون رہے گا

سب ہی آدھی موت مریں گے

رات نگر میں کون رہے گا

تجھ پہ جمی ہیں سب کی نظریں

تیری نظر میں کون رہے گا