رنگ اردو دنیا بھر کے نامور کلاسیک اور نوجوان اردو شعراء کے شاہکار کلام پر مبنی بلاگ🌷Rung E Urdu a blog of worldsfamous poetry of past & present era
طوفانوں کی آہٹ ہے تو ڈر جانے سے کیا ہو گا
آؤ میرا ہاتھ پکڑ لو، گھبرانے سے کیا ہو گا
میٹھی میٹھی بات سے دل کو بہلانے سے کیا ہو گا
وقت پہ جب تم آئے نہیں تو اب آنے سے کیا ہو گا
اس نے مجھ کو دیکھ کے شاید ایسا ہی کچھ سوچا تھا
فرزانوں کی بھیڑ لگی ہے، دیوانے سے کیا ہو گا
یہ رنگ و نور کی برسات چار سُو کیا ہے
یہ تُو نہیں ہے تو پھر اور رُو برُو کیا ہے
تِرے سوا دلِ ناداں کی آرزو کیا ہے
جو مل گیا ہے مجھے تُو، تو جستجو کیا ہے
قریب جا کے جو دیکھا تو ہو گیا روشن
تِرے وجود میں شامل رفُو رفُو کیا ہے
عجیب شہر ستمگر ہے کیا کِیا جائے
لہو لہان کبوتر 🕊 ہے کیا کیا جائے
ٹھہر ٹھہر کے اسے پڑھ رہا ہوں میں لیکن
وہ ایک حرفِ مکرّر ہے کیا کیا جائے
بہت قریب سے مِلنے میں ڈر سا لگتا ہے
’’ہر آستین میں خنجر ہے کیا کیا جائے‘‘
سارے جہاں کو میں نے اکٹھا نہیں کِیا
بس صبر کر لیا ہے، تماشہ نہیں کیا
دُنیا مجھے فریب تو دیتی رہی، مگر
میں نے کسی کے ساتھ بھی دھوکا نہیں کیا
اُس کو بھی میرے ساتھ عدالت میں لائیے
میں نے گُناہ ایک بھی تنہا نہیں کیا
