غمِ دو روزہ نے آرام سے رہنے نہ دیا
مجھ کو جی بھر کے تِرا جور بھی سہنے نہ دیا
خُود نُمائی کی ہوا ایسی چلی، جس نے کہِیں
ایک بھی پردہ نشیں پردے میں رہنے نہ دیا
مُوجزن دل میں سمندر تھے، مگر اُن کے حضُور
ضبطِ کم بخت نے اک اشک بھی بہنے نہ دیا
گھر میں محفل میں چمن زاروں میں، صحراؤں میں
بے قراری نے کہیں چین سے رہنے نہ دیا
آگ لگ جائے جگر ایسی وفاداری کو
جس نے قاتل کو بھی قاتل ہمیں کہنے نہ دیا
جگر جالندھری
دھرم پال مرواہا
No comments:
Post a Comment