آج کی رات ضیاؤں کی ہے بارات کی رات

 عارفانہ کلام نعتیہ کلام

آج کی رات ضیاؤں کی ہے بارات کی رات

فضلِ نو شاہِ دو عالمﷺ کے بیانات کی رات

شبِ معراج وہ اَوحیٰ کے اشارات کی رات

کون سمجھائے وہ کیسی تھی مناجات کی رات

چھائی رہتی ہیں خیالوں میں تمہاری زُلفیں

کوئی موسم ہو یہاں رہتی ہے برسات کی رات

ہر نظر کانپ اٹھے گی محشر کے دن خوف سے

 عارفانہ کلام حمد نعت منقبت

ہر نظر کانپ اٹھے گی محشر کے دن خوف سے ہر کلیجہ دہل جائے گا

پر یہ ناز ان کے بندے کا دیکھیں گے سب تھام کر ان کا دامن مچل جائے گا

موج کترا کے ہم سے چلی جائے گی، رُخ مخالف ہوا کا بدل جائے گا

جب اشارہ کریں گے وہ نامِ خدا، اپنا بیڑا بھنور سے نکل جائے گا

یوں تو جیتا ہوں حکم خدا سے مگر میرے دل کی ہے ان کو یقیناً خبر

حاصل زندگی ہو گا وہ دن مِرا ان کے قدموں پہ جب دم نکل جائے گا

شجاعت ناز کرتی ہے جلالت ناز کرتی ہے

 عارفانہ کلام حمد نعت منقبت

شجاعت ناز کرتی ہے جلالت ناز کرتی ہے

وہ سلطانِ زماں ہیں ان پہ شوکت ناز کرتی ہے

صداقت ناز کرتی ہے امانت ناز کرتی ہے

حمیت ناز کرتی ہے، مروت ناز کرتی ہے

شہ خوباں پہ ہر خوبی و خصلت ناز کرتی ہے

کریم ایسے ہیں وہ ان پر کرامت ناز کرتی ہے

منور میری آنکھوں کو مرے شمس الضحیٰ کر دیں

 عارفانہ کلام حمد نعت منقبت

منور میری آنکھوں کو مِرے شمس الضحیٰؐ کر دیں

غموں کی دھوپ میں وہ سایۂ زلف دو تا کر دیں

جہاں بانی عطا کر دیں، بھری جنت ہبہ کر دیں

نبیؐ مختارِ کل ہیں جس کو جو چاہیں عطا کر دیں

جہاں میں ان کی چلتی ہے وہ دم میں کیا سے کیا کر دیں

زمیں کو آسماں کر دیں، ثریا کو ثریٰ کر دیں

بوالہوس سن سیم و زر کی بندگی اچھی نہیں

 عارفانہ کلام حمد نعت منقبت

بُوالہوس سُن، سیم و زر کی بندگی اچھی نہیں

انؐ کے در کی بھیک اچھی، سروری اچھی نہیں

سروری کیا چیز ہے، انؐ کی گدائی کے حضور

انؐ کے در کی بھیک اچھی، سروری اچھی نہیں

انؐ کی چوکھٹ چوم کر خود کہہ رہی ہے سروری

انِ کے در کی بھیک اچھی، سروری اچھی نہیں

سرور کہوں کہ مالک و مولیٰ کہوں تجھے

 عارفانہ کلام حمد نعت منقبت

سرور کہوں کہ مالک و مولیٰ کہوں تجھے 

باغِ خلیل کا گُلِ زیبا کہوں تجھے

حرماں نصیب ہوں تجھے امید گہ کہوں 

جانِ مراد و کانِ تمنا کہوں تجھے

گلزارِ قُدس کا گُلِ رنگیں ادا کہوں 

درمانِ دردِ بلبلِ شیدا کہوں تجھے

فرقت طیبہ کی وحشت دل سے جائے خیر سے

 عارفانہ کلام حمد نعت منقبت

فرقت طیبہ کی وحشت دل سے جائے خیر سے

میں مدینے کو چلوں وہ دن پھر آئے خیر سے

دل میں حسرت کوئی باقی رہ نہ جائے خیر سے

راہِ طیبہ میں مجھے یوں موت آئے خیر سے

میرے دن پھر جائیں یا رب شب وہ آئے خیر سے

دل میں جب ماہِ مدینہ گھر بنائے خیر سے

دور اے دل رہیں مدینے سے

 عارفانہ کلام نعتیہ کلام

دور اے دل رہیں مدینے سے

موت بہتر ہے ایسے جینے سے

انﷺ سے میرا سلام کہہ دینا

جا کے تُو اے صبا قرینے سے

ہر گل گلستاں معطر ہے

جانِ گلزارؐ کے پسینے سے

ترے دامن کرم میں جسے نیند آ گئی ہے

 عارفانہ کلام نعتیہ کلام

تِرےﷺ دامنِ کرم میں جسے نیند آ گئی ہے

جو فنا نہ ہو گی ایسی اسے زندگی ملی ہے

مجھے کیا پڑی کسی سے کروں عرضِ مدعا میں

مِری لَو تو بس انہیں کے درِ جود سے لگی ہے

وہ جہان بھر کے داتا مجھے پھیر دیں گے خالی

مِری توبہ اے خدا! یہ مِرے نفس کی بدی ہے

زندگی یہ نہیں ہے کسی کے لیے

 عارفانہ کلام نعتیہ کلام

زندگی یہ نہیں ہے کسی کے لیے

زندگی ہے نبیؐ کی نبیﷺ کے لیے

نا سمجھ مرتے ہیں زندگی کے لیے

جینا مرنا ہے سب کچھ نبیؐ کے لیے

چاندنی چار دن ہے سبھی کے لیے

ہے صدا چاند عیدالنبیﷺ کے لیے

نہاں جس دل میں سرکار دو عالم کی محبت ہے

 عارفانہ کلام نعتیہ کلام

نہاں جس دل میں سرکارِ دو عالم کی محبت ہے

وہ خلوت خانۂ مولیٰ ہے وہ دل رشکِ جنت ہے

خلائق پر ہوئی روشن ازل سے یہ حقیقت ہے

دو عالم میں تمہاری سلطنت ہے بادشاہت ہے

خدا نے یاد فرمائی قسم خاکِ کفِ پا کی

ہوا معلوم طیبہ کی دو عالم پر فضیلت ہے

تمہارے در پہ جو میں باریاب ہو جاؤں

عارفانہ کلام نعتیہ کلام

تمہارے در پہ جو میں باریاب ہو جاؤں

قسم خدا کی، شہاﷺ کامیاب ہو جاؤں

جو پاؤں بوسۂ پائے حضورﷺ کیا کہنا

میں ذرّہ شمس و قمر کا جواب ہو جاؤں

مِری حقیقت فانی بھی کچھ حقیقت ہے

مروں تو آج خیال اور خواب ہو جاؤں