نہ ان کو اور نہ ان کی انجمن کو یاد کرتے ہیں

 نہ ان کو اور نہ ان کی انجمن کو یاد کرتے ہیں

یہاں ہم صرف یارانِ کہن کو یاد کرتے ہیں

صبا کے ساتھ بوئے گل بھی آج آئی ہے زنداں تک

چمن والے اسیرانِ چمن کو یاد کرتے ہیں

نہ جانے مصر کی تاریکیوں میں کب بہار آۓ

کئی یعقوب بوئے پیرہن کو یاد کرتے ہیں

چاند کی بڑھیا ماں سے اک بچے نے پوچھا

 چاند کی بڑھیا

ماں سے اک بچے نے پوچھا

چاند میں یہ دھبا کیسا ہے

ماں یہ بولی؛

چندا بیٹے

جس کو تم دھبا کہتے ہو، وہ تو اک پاگل بڑھیا ہے

کٹ گئی رات مگر رات ابھی باقی ہے

 کٹ گئی رات

مگر

رات ابھی باقی ہے

حسرت دید ابھی زندہ ہے

دل دھڑکتا ہے ابھی

شوق ملاقات ابھی زندہ ہے

تجھ کو چاند نہیں کہہ سکتا

 تشبیب

تجھ کو چاند نہیں کہہ سکتا

کیونکہ یہ چاند تو اس دھرتی کے چار طرف ناچا کرتا ہے

میں البتہ دیوانہ ہوں

تیرے گرد پھرا کرتا ہوں

جیسے زمیں کے گرد یہ چاند اور سورج کے گرد اپنی زمیں ناچا کرتی ہے

لیکن میں بھی چاند نہیں ہوں

اس سفر میں نیند ایسی کھو گئی

 اس سفر میں نیند ایسی کھو گئی

ہم نہ سوئے رات تھک کر سو گئی

دامنِ موجِ صبا خالی ہوا

بُوئے گل دشتِ وفا میں کھو گئی

ہائے اس پرچھائیوں کے شہر میں

دل سی ایک زندہ حقیقت کھو گئی

مجنوں کی سچائی کتنی سارا تو افسانہ ہے

مجنوں کی سچائی کتنی سارا تو افسانہ ہے

شہرت جس کو راس آ جائے وہ کیسا دیوانہ ہے

میرے رقیب سندیسہ لائے اپنے قد کی بلندی پر

سرو قدوں، شمشاد قدوں میں ان کا آنا جانا ہے

اپنا سر وہ کیسے جھکائے اس ساگر کی چوکھٹ پر

گنگا جی کے تٹ پر یارو جس جوگی کا ٹھکانہ ہے

پیاسی راتیں کاٹی ہیں دن بھی گزارے الجھن کے

پیاسی راتیں کاٹی ہیں دن بھی گزارے الجھن کے

جیٹھ سے ہم نے ہار نہ مانی، گھر نہ گئے ہم ساون کے

چارہ گر بھی شاید اپنے زخموں سے گھبراتے ہیں

میری غزل پر کوئی نہ جھُوما، قصے تھے گھر آنگن کے

ان سے پوچھو فصلِ جنوں کی قیمت کیسے دیتے ہیں

بادل بن کر ناچ رہے ہیں ٹکڑے جن کے دامن کے

کیا کروں طنز بنی جاتی ہے اب پیار کی بات

کیا کروں طنز بنی جاتی ہے اب پیار کی بات

دل کے ویرانے میں شہرِ لب و رخسار کی بات

رات جب ڈھلتی ہے، کیا جانے بکھرنا کیا ہے

وہ نہ سمجھی، تِری زلفوں کے گرفتار کی بات

اے شکستِ درِ زِنداں! یہ نظر آتا ہے کی بات

اب کے شاید نہ کریں ہم رسن و دار کی بات

خوشبو نکل پڑی ہے کھلے سر یہ کیا ہوا

خوشبو نکل پڑی ہے کھُلے سر، یہ کیا ہُوا

فصلِ جنوں کی خیر، کوئی حادثہ ہوا

اک آرزو سے کم نہیں ہر ماہ وش، مگر

مل جائے جس کرن کو دریچہ کھُلا ہوا

آباد تھا یہ دل تو نہ مہماں ہُوا کوئی

ویران ہو گیا ہے تو اک راستہ ہوا

دل کے زخم چھپاؤ گے کب تک کب تک بات بناؤ گے

دل کے زخم چھپاؤ گے کب تک، کب تک بات بناؤ گے

راہیؔ جی! لوگوں نے جو پوچھا، کس کا نام بتاؤ گے؟

اپنے پاؤں کے چھالے دیکھو، صحرا تو سب دیکھ لیے

چلتے چلتے تھک گئے ہو گے، بولو کب گھر جاؤ گے

میں کہتا ہوں اپنے آنکھوں کے دروازے بند کرو

ورنہ پھر سپنے دیکھو گے، پھر ان سے شرماؤ گے

سچ تو یہ ہے اپنی وحشت ناکام ہوئی

سچ تو یہ ہے اپنی وحشت ناکام ہوئی

اس کی گلی یارو! ناحق بدنام ہوئی

رفتہ، رفتہ، وقت کا نِشتر تیز ہوا

دِھیرے دِھیرے درد کی دولت عام ہوئی

مشکل سے اپنے غم پر ہنسنا آیا

مشکل سے یہ چنچل ہرنی رام ہوئی

مضمحل ہارا ہوا تنہا ملا

مضمحل ہارا ہوا، تنہا مِلا

جو مِلا اس شہر میں ایسا مِلا

کھِنچ گئے ہیں اس قدر اب فاصلے

اپنے پائیں باغ میں صحرا مِلا

کل جن آنکھوں میں اُگا کرتے تھے خواب

آج ان میں کل کا اندیشہ مِلا

میں جو وحشت میں اکیلا نکلا

میں جو وحشت میں اکیلا نکلا

میرے پیچھے مِرا صحرا نکلا

جب جنوں والوں کا قصہ نکلا

سب میں اک درد کا رشتہ نکلا

میرے ہاتھوں میں لکیروں کے سوا

اے منجم! یہ بتا کیا نکلا؟

آرزوئیں ہیں پریشان، نجانے کیا ہو

آرزوئیں ہیں پریشان، نجانے کیا ہو

راستے ہو گئے ویران، نجانے کیا ہو

اپنے سائے کی طرف دیکھ کے ڈر جاتا ہے

اتنا تنہا نہ تھا انسان،۔۔۔۔ نجانے کیا ہو

سہمے سہمے سے ہیں کچھ لوگ تمناؤں سے

کہ ابھی جان نہ پہچان،۔۔ نجانے کیا ہو

ہر ایک راستہ ویراں ہو گر تو کیا کیجئے

ہر ایک راستہ ویراں ہو گر تو کیا کیجئے

امید سر بہ گریباں ہو گر تو کیا کیجئے

ہزار بار کریں لوگ عہدِ ترکِ وفا

قریب کوچۂ جاناں ہو گر تو کیا کیجئے

جو کھل کے روئیں تو دامن بھی اور دوست بھی ہیں

گھٹا گھٹا کوئی طوفاں ہو گر تو کیا کیجئے

ہم کیا جانیں قصہ کیا ہے ہم ٹھہرے دیوانے لوگ

ہم کیا جانیں قصہ کیا ہے ہم ٹھہرے دیوانے لوگ 

اس بستی کے بازاروں میں روز کہیں افسانے لوگ

یادوں سے بچنا مشکل ہے، ان کو کیسے سمجھائیں

ہجر کے اس صحرا تک ہم کو آتے ہیں سمجھانے لوگ

کون یہ جانے دیوانے پر کیسی سخت گزرتی ہے

آپس میں کچھ کہہ کر ہنستے ہیں جانے پہچانے لوگ

رنگ ہوا سے چھوٹ رہا ہے موسم کیف و مستی ہے

رنگ ہوا سے چھوٹ رہا ہے، موسمِ کیف و مستی ہے

پھر بھی یہاں سے حدِ نظر تک پیاسوں کی اک بستی ہے

دل جیسا انمول رتن تو جب بھی گیا،۔ بے دام گیا

جان کی قیمت کیا مانگیں، یہ چیز تو خیر اب سستی ہے

دل کی کھیتی سُوکھ رہی ہے، کیسی یہ برسات ہوئی

خوابوں کے بادل آتے ہیں، لیکن آگ برستی ہے

جتنے وحشی ہیں چلے جاتے ہیں صحرا کی طرف

جتنے وحشی ہیں چلے جاتے ہیں صحرا کی طرف
کوئی جاتا ہی نہیں خیمۂ لیلیٰ کی طرف
ہم حریفوں کی تمنا میں مرے جاتے ہیں
انگلیاں اٹھنے لگیں دیدۂ بِینا کی طرف
ہر طرف صبح نے اک جال بچھا رکھا ہے
اوس کی بوند کہاں جاتی ہے دریا کی طرف

حدِ نگاہ تلک کیا دکھائی دیتا ہے

حدِ نگاہ تلک کیا دکھائی دیتا ہے

بس ایک پیاس کا صحرا دکھائی دیتا ہے

 پیا تھا اس نے کبھی زہرِ آگہی شاید

یہ آسمان جو نیلا دکھائی دیتا ہے

ہوائیں ننگی چٹانوں پہ رقص کرتی ہیں

وہ کس طرح کا جزیرہ دکھائی دیتا ہے

دوستو جان پہ بن آئی ہے

دوستو! جان پہ بن آئی ہے

یہ بڑے شہر کی تنہائی ہے

سر ہتھیلی پر اگا ہی لے گا

جس نے جینے کی قسم کھائی ہے

مارنا بھی نہیں آتا جن کو

ان کو بھی شوقِ مسیحائی ہے