اس سفر میں نیند ایسی کھو گئی
ہم نہ سوئے رات تھک کر سو گئی
دامنِ موجِ صبا خالی ہوا
بُوئے گل دشتِ وفا میں کھو گئی
ہائے اس پرچھائیوں کے شہر میں
دل سی ایک زندہ حقیقت کھو گئی
ہم نے جب ہنس کر کہا ممنون ہے
زندگی جیسے پشیماں ہو گئی
راہی معصوم رضا
رنگ اردو دنیا بھر کے نامور کلاسیک اور نوجوان اردو شعراء کی انمول شاعری کا خزانہ🌷 Rung E Urdu a blog of famous poetry of past & present
No comments:
Post a Comment