کھولو تو سہی زلف ذرا شام سے پہلے

کھولو تو سہی زلف ذرا شام سے پہلے

چھا جائے گی گھنگھور گھٹا شام سے پہلے

لٹ جانا بڑی بات نہیں شہر میں تیرے 

حد یہ ہے کہ ہر شخص لٹا شام سے پہلے

اک شب کے لیے اس نے کیا وصل کا اقرار

حیرت ہے کہ پھر بھول گیا شام سے پہلے

صبح گلرنگ کوئی شام سہانی لا دے

صبحِ گل رنگ کوئی شام سہانی لا دے

کوئی تو وصل کے موسم کی نشانی لا دے

اتنا بے مول نہیں ہوں کہ سہارا مانگوں

ہو جو ممکن تو مجھے میری جوانی لا دے

کتنی پژمردہ ہیں اس شہر میں دل کی فصلیں 

بارشیں پیار کی لا، درد کا پانی لا دے

کیا ترے ملنے کا امکان بھی پورا ہو گا

 کیا تِرے ملنے کا امکان بھی پورا ہو گا 

جو مِرے دل میں ہے ارمان بھی پورا ہو گا

جو تِرے عہدِ ستمگر میں ہوا ہے اب تک 

ہم فقیروں کا وہ نقصان بھی پورا ہو گا 

سجدۂ شوق بجا لانے کی توفیق تو دے

پھر تِری سمت مِرا دھیان بھی پورا ہو گا

کیا خریدو گے جو اس شہر میں ہم بیچتے ہیں

 کیا خریدو گے جو اس شہر میں ہم بیچتے ہیں 

ہم غریبانِ وطن، رنج و الم بیچتے ہیں

زہر لگتے ہیں مجھے ایسے لکھاری جو یہاں

چند سکوں کے عوض اپنا قلم بیچتے ہیں

ایسے کچھ لوگ تِری دنیا میں ہیں، ربِ جہاں 

اپنا ایمان و یقیں، دِین و دَھرم بیچتے ہیں