کونین کا سردار حسین ابن علی ہے

 عارفانہ کلام حمد نعت منقبت سلام

کونین کا سردار حسینؑ ابنِ علیؑ ہے

سر چشمۂ انوارِ حسینؑ ابن علیؑ ہے

دانندہ اسرارِ حسینؑ ابن علیؑ ہے

اُمت کا سپردار حسینؑ ابن علیؑ ہے

مقدور کسے مدحِ امامِؑ دو سرا کا

حقا کہ وہ محبوبؑ ہے محبوبِؐ خدا کا

دل عشق کی مے سے چھلک رہا ہے

دل عشق کی مے سے چھلک رہا ہے

اک پھول ہے جو مہک رہا ہے

آنکھیں کب کی برس چکی ہیں

کوندا اب تک لپک رہا ہے

اب آئے بہار یا نہ آئے

آنکھوں سے لہو ٹپک رہا ہے

رہے جو ہوش تو وہ جان جاں نہیں ملتا

 رہے جو ہوش تو وہ جانِ جاں نہیں ملتا

بغیر کھوئے ہوئے کچھ یہاں نہیں ملتا

ہزار جلوۂ رنگیں،۔ ہزار ذوقِ نظر

بیانِ حُسن کو حُسنِ بیاں نہیں ملتا

مذاقِ دید کی تکمیل ہو تو کیوں کر ہو

کہ وہ ملے تو پھر اپنا نشاں نہیں ملتا

نوید وصل یار آئے نہ آئے

 نویدِ وصلِ یار آئے نہ آئے

برابر ہے بہار آئے نہ آئے

تجھے کرنا ہے جو کچھ آج کر لے

کہ پھر یہ روزگار آئے نہ آئے

کئے جا دردِ دل اے نامرادی

کسی کو اعتبار آئے نہ آئے

بھولے افسانے وفا کے یاد دلواتے ہوئے

 بھولے افسانے وفا کے یاد دلواتے ہوئے

تم تو آئے اور دل کی آگ بھڑکاتے ہوئے

موجِ مے بل کھا گئی، گل کو جماہی آ گئی

زلف کو دیکھا جو اس عارض پہ لہراتے ہوئے

بے مروت یاد کر لے، اب تو مدت ہو گئی

تیری باتوں سے دلِ مضطر کو بہلاتے ہوئے

دلہن بنی ہوئی اب کے چمن میں آئی ہے

دلہن بنی ہوئی اب کے چمن میں آئی ہے

بہار ہو کے تِری انجمن میں آئی ہے

شمیم دوست لیے پیرہن میں آئی ہے

نسیم ہوش اڑاتی چمن میں آئی ہے

ظہورِ عشق حقیقت طراز تھا، ورنہ

یہ دلکشی کہیں دارورسن میں آئی ہے

ہے عشق جنہیں دل کا وہ کہنا نہیں کرتے

ہے عشق جنہیں دل کا وہ کہنا نہیں کرتے

مر جائیں مگر عرضِ تمنا نہیں کرتے

مقدور اگر کچھ ہو تو کیا کیا نہ کریں ہم

مقدور نا ہونے پہ تو کیا کیا نہیں کرتے

اچھا نہیں ہوتا کبھی بیمارِ محبت

اچھا ہے کہ تم فکرِ مداوا نہیں کرتے

دل گیا بیقراریاں نہ گئیں

دل گیا بے قراریاں نہ گئیں

عشق کی خام کاریاں نہ گئیں

مر مٹے نام پر وفا کے ہم

تیری بے اعتباریاں نہ گئیں

لب پہ آیا نہ اس کا نام کبھی

غم کی پرہیزگاریاں نہ گئیں

اپنے بیماروں کو درد لادوا دینے لگے

اپنے بیماروں کو دردِ لا دوا دینے لگے

آہ، کیا دینا تھا تم کو اور کیا دینے لگے

دیکھنا شوخی کہ محوِ درس خاموشی ہوا

جب مجھے طعنے ستمگر کے مزا دینے لگے

غم نہیں، پیشانیاں خالی ہوں مثلِ ماہِ نو

دھن یہی ہے سنگِ در تیرا ضیا دینے لگے

اپنا چمن نہیں تو خزاں کیا بہار کیا

اپنا چمن نہیں تو خزاں کیا بہار کیا

بلبل ہو نغمہ سنج سرِ شاخسار کیا

منت پذیرِ شوق، نہ مانوسِ اضطراب

تجھ کو قرار آئے دلِ بے قرار کیا

غفلت کا ہے یہ حال کہ اب تک خبر نہیں

اس انجمن میں کیا ہے نہاں، آشکار کیا

ساتھ دے گا کوئی اب کیا سر منزل میرا

ساتھ دے گا کوئی اب کیا سرِ منزل میرا

مجھ سے بیگانہ ہوا جاتا ہے خود دل میرا

دل گم گشتہ کو میں بیٹھ کے دم بھر رو لوں

چھوڑ دے ساتھ زرا حسرتِ منزل میرا

میرا ہر نقشِ قدم درس گاہِ عبرت ہے

اس قدر خاک سے ہموار ہوا دل میرا

ادھر دیکھ لینا ادھر دیکھ لینا

اِدھر دیکھ لینا،۔ اُدھر دیکھ لینا

پھر ان کی طرف اک نظر دیکھ لینا

وہ میرا نہ کہنے میں کہہ جانا سب کچھ

وہ ان کا اچانک اِدھر دیکھ لینا

عبث میری جانب سے تُو بدگماں ہے

نہیں مدعا کچھ،۔ مگر دیکھ لینا

یہاں تک ہو اے دل خراب محبت

یہاں تک ہو اے دل! خرابِ محبت

کہ آنکھوں سے چھلکے شرابِ محبت

رگوں میں لہو سانس لیتا ہے گویا

اب اس حد پہ ہے اضطرابِ محبت

صبا گنگنائی،۔ فضا گونج اٹھی

جہاں دل نے چھیڑا ربابِ محبت

دل سے رخصت ہر اک امید ہوئی

دل سے رخصت ہر اک امید ہوئی

آج ہم غم زدوں کی عید ہوئی

دور سے گاہ گاہ ایک نگاہ

اس کو بھی مدتِ مدید ہوئی

میرے ہی شوق کا وہ پرتو تھا

میں سمجھتا تھا ان کی دید ہوئی

چپکے سے نام لے کے تمہارا کبھی کبھی

چپکے سے نام لے کے تمہارا کبھی کبھی

دل ڈوبنے لگا تو ابھارا کبھی کبھی

ہر چند اشک یاس سے جب امڈے تو پی گئے

چمکا فلک پہ ایک ستارا کبھی کبھی

میں نے تو ہونٹ سی لیے، اس دل کو کیا کروں

بے اختیار تم کو پکارا کبھی کبھی

نگہ شوق کو یوں آئینہ سامانی دے

نِگہِ شوق کو یوں آئینہ سامانی دے

عشق کو حسن بنا حسن کو حیرانی دے

دلنوازی میں بھی ایذا ہے محبت کی قسم

تجھ کو فرصت جو کبھی شغلِ ستم رانی دے

کچھ تِری چشمِ سخن ساز کا ایما نہ کھلا

لبِ مے نوش کو تکلیفِ گل افشانی دے

نگاہ ناز تیری فتنہ سامانی نہیں جاتی

نگاہِ ناز! تیری فتنہ سامانی نہیں جاتی

کبھی جو دل ٹھہرتا ہے تو حیرانی نہیں جاتی

نظر اس حسنِ تاباں تک بآسانی نہیں جاتی

مگر جا کر پلٹتی ہے تو پہچانی نہیں جاتی

ہوئی مدت کہ اس نے ناز سے دامن کو جھٹکا تھا

ابھی تک موجۂ گل کی پریشانی نہیں جاتی

جب سے ان سے آنکھ لڑی ہے آنکھوں میں اپنی خواب نہیں

جب سے ان سے آنکھ لڑی ہے آنکھوں میں اپنی خواب نہیں

اُس پہ مصیبت یہ ہے ہمدم! صبر کی دل کو تاب نہیں

پوچھنے والے تُو نے پوچھا لطف کرم، احسان کیا

لب پر آئے حرف تمنا، عشق کے یہ آداب نہیں

عشق و جنوں کچھ فرداً فرداً کم نہ تھے اور جب سازش کی

ایسے بن میں لا کر مارا کوسوں جس میں آب نہیں

ساغر اٹھا لیا کبھی مینا اٹھا لیا

ساغر اٹھا لیا کبھی مِینا اٹھا لیا
توبہ جو یاد آ گئی رکھا، اٹھا لیا
لاتا ہے روز جان پر آفت نئی نئی
جا تجھ سے ہاتھ اے دلِ شیدا اٹھا لیا
مثلِ نسیم پھر نہ لیا اک جگہ قرار
جس نے تِری تلاش کا بیڑا اٹھا لیا

اک بے وفا پہ جان کو وارے چلے گئے

اک بے وفا پہ جان کو وارے چلے گئے

بازی لگا کے عشق کی ہارے چلے گئے

طعنے وہی ہیں، طنز وہی، چشمگیں وہی

ہم سے تھے جو سلوک تمہارے چلے گئے

رعنائیوں کے ساتھ ہی دشواریاں بڑھیں

جتنا بھی زندگی کو سنوارے چلے گئے