جو قطرہ قطرہ گرا دل پہ انگبین درود

 عارفانہ کلام حمد نعت منقبت

جو قطرہ قطرہ گرا دل پہ انگبینِ درود

کہ شرح صدر ہوئی مل گیا یقینِ درود

یہ میری خاک پہ کیسی تجلیاں اتریں

فلک بھی رشک سے دیکھیں مِری زمینِ درود

میں وردِ جان کروں صبح شام نام اُن کا

فرشتے میری جبیں پر لکھیں جبینِ درود

حنوط سلسلے رکھے ہوئے خیالوں کے

 حنوط سلسلے رکھے ہوئے خیالوں کے

عجائبات ہیں دل میں پری جمالوں کے

کہیں خموش کہیں گونجتے اندھیرے ہیں

بجھے چراغ ہیں ماتم کدے اجالوں کے

کہیں پہ آئینے حیرت کے انتظار میں ہیں

کہیں پہ سنگ بھی رکھے ہیں کچھ سوالوں کے

دسمبر جاتے جاتے کہہ گیا ہے

 دسمبر جاتے جاتے کہہ گیا ہے

بہت کچھ نا مکمل رہ گیا ہے

بہت سے زخم سینے میں لگے ہیں

بہت سا خونِ نا حق بہہ گیا ہے

وہی قربت کے غم دوری کے صدمے

سلیقے سے یہ دل بھی سہہ گیا ہے

ستارے ہیں ابھی شب کے سفر میں

ستارے ہیں ابھی شب کے سفر میں 

کئی چہرے ہیں سوچوں کے بھنور میں

کبھی برسا تھا جو تلخابۂ ابر 

اسی کا رس رہا برگ و ثمر میں

جو پلکوں سے پلٹ جاتے ہیں آنسو 

لہو بن کر وہ رہتے ہیں جگر میں

لفظ کچھ میر کے اڑاتے ہیں

لفظ کچھ میر کے اڑاتے ہیں

شعر کی شاخ پر بٹھاتے ہیں

تتلیاں یاد کی جب آتی ہیں

درد کے پھول ہم کھلاتے ہیں

دل وغیرہ کا اب یہاں کیا کام 

رسم جینے کی ہم نبھاتے ہیں

دل کو اس زلف کی زنجیر میں رکھے ہوئے ہیں

دل کو اس زلف کی زنجیر میں رکھے ہوئے ہیں 

یہ غمِ دل ہے، جو تحریر میں رکھے ہوئے ہیں 

چشمِ قاتل نے ہمیں خواب ہی کچھ ایسے دیئے 

خود کو ہم مقتلِ تعبیر میں رکھے ہوئے ہیں 

ان کی تصویر سے بھی آنکھ ملائی نہ گئی 

نِگہ زندہ وہ تصویر میں رکھے ہوئے ہیں 

صحرا اٹھا کے پھینک یہ دریا اٹھا کے پھینک

صحرا اٹھا کے پھینک یہ دریا اٹھا کے پھینک

موجود کا یہ سلسلہ سارا اٹھا کے پھینک

ترتیب کائنات کی کچھ اور ہی بنا 

بوسیدہ ہو گیا ہے یہ نقشہ اٹھا کے پھینک

سکے کھنک رہے ہیں عزازیل کے یہاں 

میرے خدا یہ کاسۂ دنیا اٹھا کے پھینک

جو اپنے ہونٹوں میں لفظ اس نے دبا لیا تھا

جو اپنے ہونٹوں میں لفظ اس نے دبا لیا تھا 

اسی سے میں نے غزل کا مطلع اٹھا لیا تھا

بڑی مہارت سے گفتگو میں ملا لیا تھا 

وہ جھوٹ جو اس نے آتے آتے بنا لیا تھا

مجھے پتہ تھا وہ کن ہواؤں میں اڑ رہا تھا 

سو میں نے بھی اپنے دل کی لو کو بڑھا لیا تھا

جس ستارے کا وہ حواری ہے

جس ستارے کا وہ حواری ہے 

اس سے میرے پرانی یاری ہے

کیا سروکار اس کو ماضی سے 

آئینہ حال کا پجاری ہے

یہ جو وحشت زدہ سی بیٹھی ہے 

یہ محبت ہوس کی ماری ہے

یہ جو ہم دوستی اٹھا لائے

یہ جو ہم دوستی اٹھا لائے

اصل میں دشمنی اٹھا لائے

ایک پل بھی خوشی کا جس میں نہیں 

ہم بھی کیا زندگی اٹھا لائے

اب جو فرصت نہیں ہے رونے سے 

کن لبوں کی ہنسی اٹھا لائے

بس اتنی سی مری تقدیر بدلی

بس اتنی سی مِری تقدیر بدلی 

کبھی زنداں کبھی زنجیر بدلی

نہ ان آنکھوں نے اپنے خواب بدلے 

نہ خوابوں نے کوئی زنجیر بدلی

کسی نے حسن کے بدلے معانی 

کسی نے عشق کی تفسیر بدلی

وحشت شب چراغوں میں ڈھلتی رہی

وحشتِ شب چراغوں میں ڈھلتی رہی 

روشنی رنگ اپنے بدلتی رہی

اس ستارے میں تھی بے کلی جس کی لو 

گاہے بجھتی رہی، گاہے جلتی رہی

اس کی دستار سورج نما تھی بہت

سامنے اک دِیے کے پگھلتی رہی

لے گئے وہ ساتھ اپنے حسن سارا شام کا

لے گئے وہ ساتھ اپنے حسن سارا شام کا 

ہجر کی تصویر ہے اب ہر نظارا شام کا 

خیمہ زن ہیں چاند کے رستے میں گہری بدلیاں 

آندھیوں کی زد میں ہے پہلا ستارا شام کا 

روشنی اور تیرگی کی سرحدیں تھامے ہوئے 

درمیاں دن رات کے بہتا ہے دھارا شام کا 

ہمارے دل میں جو کچھ تھا وہی دیوار و در میں ہے

ہمارے دل میں جو کچھ تھا وہی دیوار و در میں ہے

کہ اس دیوانگی کے عکس کا آئینہ، گھر میں ہے

ہم اپنی روشنی کی جستجو میں اب کہاں جائیں 

دِیے کی لو کہیں بھی ہو ہواؤں کی نظر میں ہے

سفر کا انت ہے، اب راستے معدوم ہیں سارے 

مگر تسکینِ دل کو کارواں اپنا سفر میں ہے

میان چشم و دل ہیں آتشیں موجوں کے دریا

میانِ چشم و دل ہیں آتشیں موجوں کے دریا 

سلگتے آنسوؤں میں ڈھل گئے یادوں کے دریا

رہی زیرِ قدم کیوں نیند میں بھی ارضِ وحشت 

تلاطم خیز تھے دل میں کئی خوابوں کے دریا

ٹھہرتی کیا نظر کوئی تڑپتے آئینے پر

پسِ آئینہ تھے زنگارئ پر خوں کے دریا

اپنے وجود کو کھلے پانی میں آ کے دیکھ

اپنے وجود کو کھلے پانی میں آ کے دیکھ

اے برف برف موج روانی میں آ کے دیکھ

اک بے کراں طلسم ہے بہتا ہوا خیال 

لفظوں کی آبجو کو معانی میں آ کے دیکھ

بے کیف و بے مراد ہے آزادئ عمل 

کردار کا جواز کہانی میں آ کے دیکھ

کسی کی سمت رہے رات پرفشاں مرے خواب

کسی کی سمت رہے رات پرفشاں مِرے خواب 

ستارے پھول ہوئے اور تتلیاں مرے خواب

یہ کیا سفر ہے کہ جس کا کوئی قیام نہیں 

زرا قدم جو رکے تو ہوئے رواں مرے خواب

غبار تھا، میں سدا کارواں سے دور رہا 

کہ شعلہ شعلہ تھی منزل دھواں دھواں مرے خواب

لکھا ہے امن کی اور جنگ کی تمثیل سے پہلے

لکھا ہے امن کی اور جنگ کی تمثیل سے پہلے

لہو کا ایک دریا ہے،۔ مِری تکمیل سے پہلے

کہا ں سے ہے کہاں تک یہ تِرے انکار کا ماضی

کہ وہ سیلِ بلا کیا تھا فرات و نیل سے پہلے 

ابھی تو روشنی کا سلسلہ آگے بڑھانا ہے 

تِرا ایواں لرزتا ہے ہر اک قندیل سے پہلے