آئے ہو جب بڑھا کر دل کی جلن گئے ہو

آئے ہو جب بڑھا کر دل کی جلن گئے ہو

جوں سوز دل کہا ہے تم آگ بن گئے ہو

روٹھے سے روٹھے ہم سے منتے نہیں ہو کیونکر

غیروں سے جب لڑے ہو لڑتے ہی من گئے ہو

جاؤ تو جاؤ سوئے دشمن، سوئے فلک کیوں

اے گرم نالہ ہائے آتش فگن گئے ہو

ٹانکنے چاک گریباں کو تو ہر بار لگا

ٹانکنے چاک گریباں کو تو ہر بار لگا

ہاتھ کٹواؤں جو ناصح رہے اب تار لگا

بس کہ اک پردہ نشیں سے دلِ بیمار لگا

جو مریضوں سے چھپاتے ہیں وہ آزار لگا

جذبۂ دل کو نہ چھاتی سے لگاؤ کیونکر

آپ وہ میرے گلے دوڑ کے اک بار لگا

مومن سوے شرق اس بت کافر کا تو گھر ہے

مومن سُوئے شرق اس بت کافر کا تو گھر ہے

ہم سجدہ کدھر کرتے ہیں اور کعبہ کدھر ہے

رندوں پہ یہ بے داد خدا سے نہیں ڈرتے

اے محتسب! ایسا تجھے کیا شاہ کا ڈر ہے

ایسے دمِ آرام اثرِ خفتہ کب اٹھا

ہم کو عبث امیدِ دعا ہاۓ سحر ہے

میں اگر آپ سے جاؤں تو قرار آ جائے

میں اگر آپ سے جاؤں تو قرار آ جائے

پر یہ ڈرتا ہوں کہ ایسا نہ ہو یار آ جائے

کر ذرا اور بھی اے جوشِ جنوں خوار و ذلیل

مجھ سے ایسا ہو کہ ناصح کو بھی عار آ جائے

نامِ بد بختئ عشاقِ خزاں ہے بلبل

تُو اگر نکلے چمن سے تو بہار آ جائے

موے نہ عشق میں جب تک وہ مہرباں نہ ہوا

موئے نہ عشق میں جب تک وہ مہرباں نہ ہوا

بلائے جاں ہے وہ دل جو بلائے جاں نہ ہوا

خدا کی یاد دلاتے تھے نزع میں احباب

ہزار شکر کہ اس دم وہ بد گماں نہ ہوا

ہنسے نہ غیر مجھے بزم سے اٹھانے پر

سبک ہے وہ کہ تری طبع پر گراں نہ ہوا

ٹھانی تھی دل میں اب نہ ملیں گے کسی سے ہم

ٹھانی تھی دل میں اب نہ ملیں گے کسی سے ہم

پر کیا کریں کہ ہو گئے ناچار جی سے ہم

ہنستے جو دیکھتے ہیں کسی کو کسی سے ہم

منہ دیکھ دیکھ روتے ہیں کس بے کسی سے ہم

ہم سے نہ بولو تم اسے کیا کہتے ہیں بھلا

انصاف کیجے پوچھتے ہیں آپ ہی سے ہم

شب غم فرقت ہمیں کیا کیا مزے دکھلائے تھا

شب غمِ فرقت ہمیں کیا کیا مزے دکھلائے تھا

دم رکے تھا سینے میں کمبخت جی گھبرائے تھا

یا تو دم دیتا تھا وہ، یا نامہ بر بہکائے تھا

تھے غلط پیغام سارے، کون یاں تک آئے تھا

بل بے عیاری عدو کے آگے وہ پیماں شِکن

وعدۂ وصل آج پھر کرتا تھا اور شرمائے تھا

دل بستگی سی ہے کسی زلف دوتا کے ساتھ

دل بستگی سی ہے کسی زلفِ دوتا کے ساتھ

پالا پڑا ہے ہم کو خدا کس بلا کے ساتھ

کب تک نبھائیے بتِ نا آشنا کے ساتھ

کیجیے وفا کہاں تلک اس بے وفا کے ساتھ

یاد ہوائے یار نے کیا کیا نہ گُل کھلائے

آئی چمن سے نکہتِ گل جب صبا کے ساتھ

ہم جان فدا کرتے گر وعدہ وفا ہوتا

ہم جان فدا کرتے، گر وعدہ وفا ہوتا

مرنا ہی مقدر تھا وہ آتے تو کیا ہوتا

اس حسن پہ خلوت میں جو حال کیا کم تھا

کیا جانیے کیا کرتا گر تُو مِری جا ہوتا

ایک ایک ادا سو سو دیتی ہے جواب اس کے

کیونکر لبِ قاصد سے، پیغام ادا ہوتا

اثر اس کو ذرا نہیں ہوتا

اثر اس کو ذرا نہیں ہوتا

رنج راحت فزا نہیں ہوتا

بے وفا کہنے کی شکایت ہے

تو بھی وعدہ وفا نہیں ہوتا

ذکرِ اغیار سے ہوا معلوم

حرفِ ناصح برا نہیں ہوتا

مار ہی ڈال مجھے چشم ادا سے پہلے

مار ہی ڈال مجھے چشمِ ادا سے پہلے 

اپنی منزل کو پہنچ جاؤں قضا سے پہلے

اک نظر دیکھ لوں، آ جاؤ قضا سے پہلے 

تم سے ملنے کی تمنا ہے خدا سے پہلے 

حشر کے روز میں پوچھوں گا خدا سے پہلے 

تُو نے روکا نہیں کیوں مجھ کو خطا سے پہلے

محشر میں پاس کیوں دم فریاد آ گیا

محشر میں پاس کیوں دمِ فریاد آ گیا

رحم اس نے کب کیا تھا کہ اب یاد آ گیا

الجھا ہے پاؤں یار کا زلفِ دراز میں

لو آپ اپنے دام میں صیاد آ گیا

ناکامیوں میں تم نے جو تشبیہ مجھ سے دی

شیریں کو دردِ تلخئ فرہاد آ گیا

اعجاز جاں وہی ہے ہمارے کلام کو

اعجازِ جاں وہی ہے ہمارے کلام کو

زندہ کیا ہے ہم نے مسیحا کے نام کو

لِکھو سلام غیر کے خط میں غلام کو

بندے کا بس سلام ہے ایسے سلام کو

اب شور ہے مثال جو دی اس خرام کو

یوں کون جانتا تھا قیامت کے نام کو

جلتا ہوں ہجر شاہد و ياد شراب ميں

جلتا ہوں ہجر شاہد و ياد شراب ميں

شوق ثواب نے مجھے ڈال عذاب ميں 

کہتے ہيں تم کو ہوش نہيں اضطراب ميں

سارے گلے تمام ہوئے اک جواب ميں

رہتے ہيں جمع کوچہ جاناں ميں خاص و عام

آباد ايک گھر ہے جہاں خراب ميں

قہر ہے موت ہے قضا ہے عشق

قہر ہے موت ہے قضا ہے عشق

سچ تو يہ ہے بری بلا ہے عشق

اثرِ غم ذرا بتا دينا

وہ بہت پوچھتے ہيں کيا ہے عشق

آفت جاں ہے کوئی پردہ نشيں

مِرے دل ميں آ چھپا ہے عشق

اگر غفلت سے باز آیا جفا کی​

اگر غفلت سے باز آیا جفا کی​

تلافی کی بھی ظالم نے تو کیا کی​

موئے آغازِ الفت میں ہم افسوس

اسے بھی رہ گئی حسرت جفا کی

کبھی انصاف ہی دیکھا نہ دیدار​

قیامت اکثر اس کُو میں رہا کی​

گر غیر کے گھر سے نہ دل آرام نکلتا

گر غیر کے گھر سے نہ دل آرام نکلتا 

دم کاہے کو یوں اے دلِ ناکام نکلتا 

میں وہم سے مرتا ہوں وہاں رعب سے اس کے 

قاصد کی زباں سے نہیں پیغام نکلتا 

کرتے جو مجھے یاد شبِ وصل عدو تم 

کیا صبح کو خورشید نہ تا شام نکلتا 

رات کس کس طرح کہا نہ رہا

رات کس کس طرح کہا نہ رہا

نہ رہا پر وہ مہ لقا نہ رہا

غیر آ کر قریب خانہ رہا

شوق اب تیرے آنے کا نہ رہا

تیرے پردہ نے کی یہ پردہ دری

تیرے چھپتے ہی کچھ چھپا نہ رہا

سیماب ہے پہلو میں مرے دل تو نہیں یہ

سیماب ہے پہلو میں مِرے، دل تو نہیں یہ 

اس دل نے ستایا مجھے، غارت ہو کہیں یہ

معلوم رسائی تِرے کانوں تک اگرچہ

نالہ مِرا کہتا ہے کہ ہے عرشِ بریں یہ

کچھ شورِ محبت کی تو لذت ہی نہ پوچھو

ہے آپ کے بھی حسن سے کتنا نمکیں یہ

میں احوال دل مر گیا کہتے کہتے

میں احوالِ دل مر گیا کہتے کہتے

تھکے تم نہ 'بس سنا' کہتے کہتے

مجھے چپ لگی 'مدعا' کہتے کہتے

رکے ہیں وہ کیا جانے کیا کہتے کہتے

زباں گنگ ہے عشق میں گوش کر ہے

برا سنتے سنتے، بھلا کہتے کہتے