ٹانکنے چاک گریباں کو تو ہر بار لگا
ہاتھ کٹواؤں جو ناصح رہے اب تار لگا
بس کہ اک پردہ نشیں سے دلِ بیمار لگا
جو مریضوں سے چھپاتے ہیں وہ آزار لگا
جذبۂ دل کو نہ چھاتی سے لگاؤ کیونکر
شوخ تھا رنگِ حنا میرے لہو سے سو ہے
قتلِ اغیار سے کیا ہاتھ تِرے یار لگا
تُو کسی کا بھی خریدار نہیں پر ظالم
سرفروشوں کا تِرے کوچے میں بازار لگا
یاد آئی مجھے ناصح کی زباں کی تیزی
دیکھ اغواۓ رقیباں سے نہ تلوار لگا
ناگہاں نعش پہ عاشق کی دم نوحہ گری
کوئی مذکور تِرا کرنے ستم گار لگا
دیکھ تو حسرتِ دیدار پسِ مردن بھی
آنکھیں وہ کھول کے تکنے در و دیوار لگا
کعبہ سے جانبِ بت خانہ پھر آیا مومؔن
کیا کرے جی نہ کسی طرح سے زِنہار لگا
مومن خاں مومن
No comments:
Post a Comment