میرے گھر سے تو سر شام ہوئے رخصت

میرے گھر سے تو سرِ شام ہوئے رخصت

میرے گھر سے تو سرِ شام ہوئے ہو رخصت

میرے خلوت کدۂ دل سے نہ جانا ہو گا

ہجر میں اور تو سب موت کے ساماں ہوں گے

اک یہی یاد بہلنے کا بہانا ہو گا

تم تو جانے کو ہو اس شہر کو ویراں کر کے

اب کہاں اس دلِ وحشی کا ٹھکانا ہو گا

بھیگی راتوں میں فقط درد کے جگنو پکڑیں

سُونی راتوں میں کبھی یاد کے تارے چومیں

خواب ہی خواب میں سینے سے لگائیں تجھ کو

تیرے گیسو ہی کبھی درد کے مارے چومیں

اپنے زانو پہ تِرا سر ہی کوئی دم رکھ لیں

اپنے ہونٹوں سے تِرے ہونٹ بھی پیارے چومیں

ابن انشا