بہت گھبرائے پھرتے ہیں بہت مرجھائے جاتے ہیں

 بہت گھبرائے پھرتے ہیں بہت مُرجھائے جاتے ہیں

مِرے رہبر کو شاید قوم کے غم کھائے جاتے ہیں

یہ میری خامشی ہے، بے مروت قوم ہوں شاید

وگرنہ کس میں جرأت ہے ستم یوں ڈھائے جاتے ہیں

کوئی تو خامشی توڑے، کوئی تو گورکن روکے

دھڑا دھڑ عشق، غیرت، صدق ہی دفنائے جاتے ہیں

اپنے مطلب ہی تلک جب رابطے رہ جائیں گے

 اپنے مطلب ہی تلک جب رابطے رہ جائیں گے

رشتوں میں بھی دوستو! فاصلے رہ جائیں گے

اس قدر سُرعت سے گَر گِرتی رہے گی یہ وفا

پھر محبت کے فقط کچھ تذکرے رہ جائیں گے

گرچہ یہ عالم ہے فانی، ہو گا سب اک دن فنا

پھر بھی تیری یاد کے جلتے دِیے رہ جائیں گے

اثاثہ نکلا جہاں سے وہیں سے نکلے گا

 اثاثہ نکلا جہاں سے وہیں سے نکلے گا

یہ دل کا سرقہ کسی مہ جبیں سے نکلے گا

جو عقدہ وہم و گماں میں الجھ کے بیٹھا ہے

مجھے یقیں ہے وہ پختہ یقیں سے نکلے گا

لٹا ہے جس کا بھی ایماں خدا کی بستی میں

کسی یہ پِیر یا گدی نشیں سے نکلے گا

مساجد بیچ ڈالیں گے یہ قرآں بیچ ڈالیں گے

مساجد بیچ ڈالیں گے، یہ قرآں بیچ ڈالیں گے

یہ دولت کے پجاری ہیں یہ ایماں بیچ ڈالیں گے

چُنے ہیں باغباں جتنے، خیانت کار ہیں سارے

شجر بھی کاٹ لیں گے، یہ گلستاں بیچ ڈالیں گے

سُنو، اے قافلے والو! کوئی منزل نہیں آگے

یہ رہزن ہیں، تمہیں بشمول ساماں بیچ ڈالیں گے

دل کے خوابوں میں آتی رہی رات بھر

 دل کے خوابوں میں آتی رہی رات بھر

سُونا آنگن سجاتی رہی رات بھر

خوشبو اس کی تخیل پہ چھائی رہی

یاد اس کی ستاتی رہی رات بھر

ہجر میں یاس و امید کی کشمکش

دل مِرے کو جلاتی رہی رات بھر