ہمیں معلُوم ہے
شاید تمہیں بھی عِلم ہو کہ
درد کا آشوب، گھر کے شور میں
تنہائیاں تسخِیر کرتا ہے
زمانے بھر کی وحشت کو
در و دِیوار کی تقدِیر کرتا ہے
زباں کا جبر
آنسُو کے صحِیفے
وقت کے افلاک پر تحرِیر کرتا ہے
شبیہہ دوست کو
منظر بہ منظر کُو بہ کُو تصوِیر کرتا ہے
اور اپنے آپ کو
غم کی عقُوبت گاہ میں زنجِیر کرتا ہے
مگر
جب بھی کبھی ان گھور اندھیروں میں
کہیں
تم مُسکراتے ہو
تو بے حد یاد آتے ہو
ریحانہ روحی
No comments:
Post a Comment