رنگ اردو دنیا بھر کے نامور کلاسیک اور نوجوان اردو شعراء کے شاہکار کلام پر مبنی بلاگ🌷Rung E Urdu a blog of worldsfamous poetry of past & present era
الٰہی خیر ہو وہ آج کیوں کر تن کے بیٹھے ہیں
کسی کے قتل کرنے کو بھبھوکا بن کے بیٹھے ہیں
سُبک سر ہے وہی جو دوسروں کے گھر پہ جاتا ہے
جو اپنے گھر میں بیٹھے ہیں وہ لاکھوں من کے بیٹھے ہیں
غضب ہے قہر ہے شامت ہے آفت ہے قیامت ہے
بغل میں وہ عدو کے آج کیوں بن ٹھن کے بیٹھے ہیں
ہے عبث حُسن کا غرُور گُھمنڈ
کس کا قائم رہا غرور گھمنڈ
خاک و خُوں میں مِلا دیا اس کو
جس کے سر پر چڑھا غرور گھمنڈ
خاکساری ہے شیوۂ انساں
نہیں ہرگز روا غرور گھمنڈ
خطا کو کب اہلِ کرم دیکھتے ہیں
ہنرمند عیبوں کو کم دیکھتے ہیں
جو اہلِ ہُنر ہیں، ہنر دیکھتے ہیں
نہ دولت نہ جاہ و حشم دیکھتے ہیں
کھنچی آج تیغِ دو دم دیکھتے ہیں
ہے سر کس کا ہوتا قلم دیکھتے ہیں
ہے بہار زندگانی چند روز
رونقِ عہدِ جوانی چند روز
رنج و غم میں زندگی ساری کٹی
پر نہ دیکھی شادمانی چند روز
جب کیے ہم پر کیے جور و ستم
کہ نہ تم نے مہربانی چند روز
کی مے سے ہزار بار توبہ
رہتی نہیں برقرار توبہ
تم مے سے کرو ہزار بار توبہ
تم سے یہ نبھے قرار توبہ
بندوں کو گنہ تباہ کرتے
ہوتی نہ جو غمگسار توبہ
