خطا کو کب اہلِ کرم دیکھتے ہیں
ہنرمند عیبوں کو کم دیکھتے ہیں
جو اہلِ ہُنر ہیں، ہنر دیکھتے ہیں
نہ دولت نہ جاہ و حشم دیکھتے ہیں
کھنچی آج تیغِ دو دم دیکھتے ہیں
ہے سر کس کا ہوتا قلم دیکھتے ہیں
ہمیں تھے کہ آ گئے ان کے دم میں
کسے آج دیتے ہیں دم دیکھتے ہیں
رقیبوں کی مانند گستاخ کب ہیں
تیرے ہم ہمیشہ قدم دیکھتے ہیں
جو ہیں لے گئے ساتھ دنیا کی حسرت
وہ کیا سیرِ ملکِ عدم دیکھتے ہیں
تماشائے ہر دو جہاں پی کے ساغر
اگر دیکھتے ہیں تو ہم دیکھتے ہیں
سردار گنڈا سنگھ مشرقی
No comments:
Post a Comment