کب مرا درد ہی دوا نہ ہوا

 کام کب رک کے خود روا نہ ہوا

کب مِرا درد ہی دوا نہ ہوا

اون سے سے میرا کوئی بھلا

یہ بھی سچ پوچھو تو بُرا نہ ہوا

تھا عیاں جس کی بات بات سے رحم

ظلم میں روکشِ زمانہ ہوا

فیصلہ چاہتے ہو غیروں سے

یہ تو جھگڑا ہو گلہ نہ ہوا

کب نہ یاد آئی تلخئ انجام

کب مِرا عیش بے مزا نہ ہوا

کیسے کیسوں نے جان دی اوس پر

وہ کسی کا بھی آشنا نہ ہوا

آمد عشق سنتے ہی سر سے

قافلہ ہوش کا روانہ ہوا

لاگ گزری اوس بت کو ہے خدائی سے

خیر گزری کہ وہ خدا نہ ہوا

ایک گل سے جو کہہ دیا شمشاد

رازِ الفت مِرا فسانہ ہوا

شمشاد لکھنوی

محمد عبدالاحد