شب کو پھرے وہ رشک ماہ خانہ بہ خانہ کو بہ کو

شب کو پِھرے وہ رشکِ ماہ خانہ بہ خانہ کو بہ کو

دن کو پِھروں میں داد خواہ، خانہ بہ خانہ کو بہ کو

قبلہ! نہ سرکشی کرو، حُسن پہ اپنے اس قدر

تم سے بہت ہیں کج کلاہ خانہ بہ خانہ کو بہ کو

خانہ خراب عشق نے کھو کے مِری حیا و شرم

مجھ کو کِیا ذلیل آہ، خانہ بہ خانہ کو بہ کو

ایک ہی جام کو پلا ساقی

ایک ہی جام کو پلا ساقی

عدل اور ہوش لے گیا ساقی

ابر ہے مجھ کو مے پلا ساقی

اس ہوا میں نہ جی کڑھا ساقی

لبِ دریا پہ چاندنی دیکھوں

ہو اگر مجھ سے آشنا ساقی

ساقی ہو اور چمن ہو مینا ہو اور ہم ہوں

ساقی ہو اور چمن ہو، مینا ہو اور ہم ہوں

باراں ہو اور ہوا ہو، سبزہ ہو اور ہم ہوں

زاہد ہو اور تقویٰ، عابد ہو اور مصلیٰ

مالا ہو اور برہمن، صہبا ہو اور ہم ہوں

مجنوں ہیں ہم ہمیں تو اس شہر سے ہے وحشت

شہری ہوں اور بستی، صحرا ہو اور ہم ہوں

تو مل اس سے ہو جس سے دل ترا خوش

تو مل اس سے ہو جس سے دل تِرا خوش 

بلا سے تیری میں نا خوش ہوں یا خوش 

خوشی تیری جسے ہر دم ہو درکار 

کوئی اس سے نہیں ہوتا ہے نا خوش 

کوئی اب کے زمانہ میں نہ ہو گا 

الٰہی آشنا سے آشنا خوش

داغ دل اپنا جب دکھاتا ہوں

داغِ دل اپنا جب دکھاتا ہوں

رشک سے شمع کو جلاتا ہوں

وہ مِرا شوخ ہے نپٹ چنچل

بھاگ جاتا ہے جب بلاتا ہوں

اس پری رو کو دیکھتا ہوں جب

ہو کے دیوانہ سُدھ بھلاتا ہوں

یار روٹھا ہے مرا اس کو مناؤں کس طرح

یار روٹھا ہے مِرا، اس کو مناؤں کس طرح؟

منتیں کر پاؤں پڑ اس کے لے آؤں کس طرح

جب تلک تم کو نہ دیکھوں تب تلک بے چین ہوں

میں تمہارے پاس ہر ساعت نہ آؤں کس طرح

دل دھڑکتا ہے مبادا اٹھ کے دیوے گالیاں

یار سوتا ہے مِرا اس کو جگاؤں کس طرح

کس سے پوچھوں ہائے میں اس دل کے سمجھانے کی طرح

کس سے پوچھوں ہائے میں اس دل کے سمجھانے کی طرح

ساتھ طفلاں کے لگا پھرتا ہے، دیوانے کی طرح

یار کے پاؤں👣 پہ سر رکھ جی کو اپنے دیجئے

اس سے بہتر اور نہیں ہوتی ہے مر جانے کی طرح

کب پلاوے گا تو اے ساقی! مجھے جام شراب

جاں بلب ہوں آرزو میں مے کی پیمانے کی طرح

عیش سب خوش آتے ہیں جب تلک جوانی ہے

عیش سب خوش آتے ہیں جب تلک جوانی ہے

مردہ دل وہ ہوتا ہے جو کہ شیخ فانی ہے

جب تلک رہے جیتا چاہئے ہنسے بولے

آدمی کو چپ رہنا، موت کی نشانی ہے

جو کہ تیرا عاشق ہے، اس کا اے گلِ رعنا

رنگ زعفرانی ہے،۔ اشک ارغوانی ہے

مرا خورشید رو سب ماہ رویاں بیچ یکا ہے

مِرا خورشید رو سب ماہ رویاں بیچ یکا 🂱 ہے

کہ ہر جلوے میں اسکے کیا کہوں اور ہی جھمکا ہے

نہیں ہونے کا چنگا گر سلیمانی لگے مرہم

ہمارے دل پہ کاری زخم اس ناوک پلک کا ہے

کئی باری بنا ہو جس کی پھر کہتے ہیں ٹوٹے گا

یہ حُرمت جس کی  ہو اے شیخ کیا تیرا وہ ٭مَکا ہے

یار سے اب کے گر ملوں تاباں

یار سے اب کے گر ملوں تاباں

تو پھر اس سے جدا نہ ہوں تاباں

یا بھرے اب کے اس سے دل میرا

عشق کا نام پھر نہ لوں تاباں

مجھ سے بیزار ہے مِرا ظالم

یہ ستم کس طرح سہوں تاباں

نہیں تم مانتے میرا کہا جی

نہیں تم مانتے میرا کہا جی

کبھی تو ہم بھی سمجھیں گے بھلا جی

تمہارے خط کے آنے کی خبر سن

میاں صاحب! نِپٹ میرا کُڑھا جی

زکٰوۃِ حسن دے، میں بے نوا ہوں

یہی ہے تم سے اب میری صدا جی

غم میں روتا ہوں ترے صبح کہیں شام کہیں

غم میں روتا ہوں تِرے صبح کہیں شام کہیں

چاہنے والوں کو ہوتا بھی ہے آرام کہیں

وصل ہو وصلِ الٰہی کہ مجھے تاب نہیں

دور ہوں دور مِرے ہجر کے ایام کہیں

لگ رہی ہیں تِرے عاشق کی جو آنکھیں چھت سے

تجھ کو دیکھا تھا مگر ان کے لب بام کہیں