ایک ہی جام کو پلا ساقی
عدل اور ہوش لے گیا ساقی
ابر ہے مجھ کو مے پلا ساقی
اس ہوا میں نہ جی کڑھا ساقی
لبِ دریا پہ چاندنی دیکھوں
صبح آیا شراب میں مخمور
نیند سے اٹھ کے مسمسا ساقی
سب کے تئیں تُو نے مے پلائی ہے
میں ترستا ہی رہ گیا ساقی
قہر ہے مے اگر نہ دے اس وقت
جھوم آئی ہے کیا گھٹا ساقی
کیا مزے سے کروں چمن کی سیر
گرچہ ہو ابر اور مِرا ساقی
دردِ سر ہے خمار سے مجھ کو
جلد لے کر شراب آ ساقی
گر تُو تاباں کو مے پلا دے گا
تِرا احساں نہ ہو گا کیا ساقی؟
عبدالحئ تاباں
No comments:
Post a Comment