ہم دشت دل کو نقش سے آباد کر سکیں

 ہم دشتِ دل کو نقش سے آباد کر سکیں

ملتے رہا کرو کہ تمہیں یاد کر سکیں

خود پر تو ایک عمر سے بس چل نہیں رہا

چڑیا خرید لاؤ کہ آزاد کر سکیں

اشکوں میں ہے سمائی ہوئی ایک جل ہری

اے کاش اس پری کو زمیں زاد کر سکیں

جاگ کر خواب سے بستر کی طرف دیکھا تھا

 جاگ کر خواب سے بستر کی طرف دیکھا تھا

اور پھر چرخِ ستمگر کی طرف دیکھا تھا

تُو نے دیکھا تھا وہ پل، چشمِ خزاں نے جس وقت

آخری بار گلِ تر کی طرف دیکھا تھا

پھر کنارے پہ پہنچنے میں مجھے عمر لگی

میں نے اک بار سمندر کی طرف دیکھا تھا

ہم دشت دل کو نقش سے آباد کر سکیں

 ہم دشتِ دل کو نقش سے آباد کر سکیں

ملتے رہا کرو کہ تمہیں یاد کر سکیں

خود پر تو ایک عمر سے بس چل نہیں رہا

چڑیا خرید لاؤ کہ آزاد کر سکیں

اشکوں میں ہے سمائی ہوئی ایک جل ہری

اے کاش اس پری کو زمیں زاد کر سکیں

نہیں سمجھے گا یہ خیمہ ہمارا

نہیں سمجھے گا یہ خیمہ ہمارا

ہماری پیاس ہے دریا ہمارا

نہیں ممکن تو آ تقسیم کر لیں

محبت ہی تو ہے ورثہ ہمارا

وہ خود کو پورا کرنا چاہتا ہے

اسے درکار ہے چہرہ ہمارا

اگر خوشی میں تجھے گنگناتے لگتے ہیں

اگر خوشی میں تجھے گنگناتے لگتے ہیں

تو لوگ شہر سے آنسو بہانے لگتے ہیں

نکل کے آنکھ سے لفظوں میں آنے لگتے ہیں

میاں! یہ اشک ہیں، یونہی ٹھکانے لگتے ہیں

گزر چکے ہیں کسی عکس کی معیت میں

ہم ایسے لوگ جو آئینہ خانے لگتے ہیں

عکس کو پھول بنانے میں گزر جاتی ہے

عکس کو پھول بنانے میں گزر جاتی ہے

زندگی، آئینہ خانے مں گزر جاتی ہے

شام ہوتی ہے تو لگتا ہے کوئی روٹھ گیا

اور شب، اس کو منانے میں گزر جاتی ہے

ہر محبت کےلیے دل میں الگ خانہ ہے

ہر محبت اسی خانے میں گزر جاتی ہے

پیلا تھا چاند اور شجر بے لباس تھے

پیلا تھا چاند 🌕اور شجر بے لباس تھے

تجھ سے بچھڑ کے گاؤں میں سارے اداس تھے

سوچا تو، تُو "مگن" تھا فقط میری ذات میں

دیکھا تو، کتنے لوگ تِرے آس پاس تھے

جب ہم نہ مل سکے، تو ہمیں ماننا پڑا

بستی کے لوگ کتنے ستارہ✩ شناس تھے

طائروں کی اڑان میں ہم ہیں

طائروں کی اڑان میں ہم ہیں

اس کھلے آسمان میں ہم ہیں

آخر کار ہجر ختم ہوا

اور پس ماندگان میں ہم ہیں

کیوں نہ ہو خوفِ انہدامِ دل

اسی خستہ مکان میں ہم ہیں

عجب طرح کے کمال کرنے بھی آ گئے ہیں

عجب طرح کے کمال کرنے بھی آ گئے ہیں

بچھڑ کے اب ماہ و سال کرنے بھی آ گئے ہیں

جو میری باتوں کو مانتا تھا بلا تأمل

سنو اسے اب سوال کرنے بھی آ گئے ہیں

سنا ہے لوگوں سے اب وہ ملتا ہے مسکرا کر

اسے تعلق بحال کرنے بھی آ گئے ہیں

دل کسی خواہش کا اکسایا ہوا

دل کسی خواہش کا اُکسایا ہوا

پھر مچل اٹھا ہے بہلایا ہوا

جا تجھے تیرے حوالے کر دیا

کھینچ لے یہ ہاتھ پھیلایا ہوا

جس طرح ہے خشک پتوں کو ہوا

میرے حصے میں ہے تُو آیا ہوا

مجھے خبر ہے کہ ہونا ہے رائیگاں مجھ کو

یہ لوگ ڈھونڈ رہے ہیں یہاں وہاں مجھ کو 

تلاش کرتے نہیں اپنے درمیاں مجھ کو 

میں اگلے پچھلے زمانوں سے ہو کے آیا ہوں 

کہیں نظر نہیں آئے ہیں رفتگاں مجھ کو 

وہ جس میں لوٹ کے آتی تھی ایک شہزادی 

ابھی تلک نہیں بھولی وہ داستاں مجھ کو

رنج جو دیدہ نمناک میں دیکھا گیا ہے

رنج جو دیدۂ نمناک میں دیکھا گیا ہے

یہ فقط سینۂ صد چاک میں دیکھا گیا ہے

اس سے آگے ہے میاں منتظروں کی بستی

اک دِیا🪔 جلتا ہوا طاق میں دیکھا گیا ہے

اے جنوں اس کی کہانی بھی سناؤں گا تجھے

یہ جو پیوند مرے چاک میں دیکھا گیا ہے

یاد رکھے گا مرا کون فسانہ مرے دوست

یاد رکھے گا مِرا کون فسانہ مِرے دوست

میں نہ مجنوں ہوں نہ مجنوں کا زمانہ مرے دوست

ہجر انساں کے خد و خال بدل دیتا ہے

کبھی فرصت میں مجھے دیکھنے آنا مرے دوست

شام ڈھلنے سے فقط شام نہیں ڈھلتی ہے

عمر ڈھل جاتی ہے جلدی پلٹ آنا مرے دوست

عکس کو پھول بنانے میں گزر جاتی ہے

عکس کو پھول بنانے میں گزر جاتی ہے
 زندگی، آئینہ خانے میں گزر جاتی ہے
 شام ہوتی ہے تو لگتا ہے کوئی روٹھ گیا
 اور شب اس کو منانے میں گزر جاتی ہے
 ہر محبت کے لئے دل میں الگ خانہ ہے
 ہر محبت اسی خانے میں گزر جاتی ہے