گلوں کی سمت بھنوروں سے زیادہ کون دیکھے گا

 گُلوں کی سمت بھنوروں سے زیادہ کون دیکھے گا

💗رخِ گُلنار پر اُلفت کاغازہ کون دیکھے گا؟💗

نظر کے سامنے جو ہے اسے سب دیکھ لیتے ہیں

کسی کے دل کے حُجرے کا تماشہ کون دیکھے گا

تمہارے بِن اداسی دن پہ اکثر چھائی رہتی ہے

شبِ فُرقت فلک پر چاند تارا کون دیکھے گا

میرا نہ آیا اب بھی ارادے سے باز دل

 میرا نہ آیا اب بھی ارادے سے باز دل

اس نے تو سنگ کر لیا اپنا گداز دل

پھر بھی لگائے رہتا ہوں سینے سے رات دن

ہے دل ہی زندگی میں مِری غم نواز دل

رہتی ہے نغمہ ریز ہر اک گام زندگی

چھپ کر بجاتا رہتا ہے ہر لمحہ ساز دل

محبت سے بھرے الفاظ کو پتوار کر لوں گا

 محبت سے بھرے الفاظ کو پتوار کر لوں گا

تِرے خط کو بنا کر ناؤ، دریا پار کر لوں گا

محبت کے سفر میں دونوں کی یکساں ضرورت ہے

اگر ٹوٹا یہ دل، آنکھوں کو بھی مسمار کر لوں گا

بڑی عجلت میں ہوں قدموں کو زحمت کون دیتا ہے

بلندی کے لیے زینے کو میں خودکار کر لوں گا

عشق محنت کا صلہ حد سے سوا مانگتا ہے

 عشق محنت کا صلہ حد سے سوا مانگتا ہے 

دل وہ مزدور ہے اجرت میں وفا مانگتا ہے 

بے سبب سڑکوں پہ آوارہ سا اک ننگا بدن 

کوئی دیوانہ ہے زخموں کی قبا مانگتا ہے 

وہ کثافت ہے ہواؤں میں کہ دم گھٹ جائے 

پھر بھی جینے کی ہر انسان دعا مانگتا ہے 

آئے ہیں دینے تسلی وہ سنبھل جانے کے بعد

 آئے ہیں دینے تسلی وہ سنبھل جانے کے بعد

زندگی کی دھوپ کا موسم بدل جانے کے بعد

ہے مِرا بھی اک مسیحا دوستو! تم دیکھنا

آئے گا لیکن وہ میرا دم نکل جانے کے بعد

عمر بھر اب قبر پر میری دعا خوانی کریں

چہرۂ اخلاص پر وہ خاک مَل جانے کے بعد