جب کبھی ہوں گے تو ہم مائل غم ہی ہوں گے

 جب کبھی ہوں گے تو ہم مائلِ غم ہی ہوں گے

ایسے دیوانے بھی اس دور میں کم ہی ہوں گے

ہم تو زخموں پہ بھی یہ سوچ کے خوش ہوتے ہیں

تحفۂ دوست ہیں جب یہ، تو کرم ہی ہوں گے

بزمِ عالم میں جب آئے ہیں تو بیٹھیں کچھ اور

بس یہی ہو گا نا، کچھ اور ستم ہی ہوں گے

مجھے جینا نہیں آتا تجھے جینا نہیں آتا

 مجھے جینا نہیں آتا

میں جیسے درد کا موسم

گھٹا بن کر جو بس جاتا ہے آنکھوں میں

دھنک کے رنگ خوشبو نذر کرنے کی تمنا 

لے کے جس منظر تلک جاؤں

سیہ اشکوں کے گہرے کہر میں ڈوبا ہوا پاؤں

عکس ہر روز کسی غم کا پڑا کرتا ہے

 عکس ہر روز کسی غم کا پڑا کرتا ہے

دل وہ آئینہ کہ چپ چاپ تکا کرتا ہے

بہتے پانی کی طرح درد کی بھی شکل نہیں

جب بھی ملتا ہے نیا روپ ہوا کرتا ہے

میں تو بہروپ ہوں اس کا جو ہے میرے اندر

وہ کوئی اور ہے جو مجھ میں جیا کرتا ہے

جب چھائی گھٹا لہرائی دھنک اک حسن مکمل یاد آیا

 جب چھائی گھٹا لہرائی دھنک اک حُسن مکمل یاد آیا

ان ہاتھوں کی مہندی یاد آئی ان آنکھوں کا کاجل یاد آیا

سو طرح سے خود کو بہلا کر ہم جس کو بھُلائے بیٹھے تھے

کل رات اچانک جانے کیوں وہ ہم کو مسلسل یاد آیا

تنہائی کے سائے بزم میں بھی پہلو سے جُدا جب ہو نہ سکے

جو عمر کسی کے ساتھ کٹی اس عمر کا پل پل یاد آیا

سنو تمہارا جرم تمہاری کمزوری ہے

 وقت کے کٹہرے میں

سنو تمہارا جرم تمہاری کمزوری ہے

اپنے جرم پہ

رنگ برنگے لفظوں کی بے جان ردائیں مت ڈالو

سنو تمہارے خواب تمہارا جرم نہیں ہیں

تم خوابوں کی تعبیر سے ڈر کر

بازار زندگی میں جمے کیسے اپنا رنگ

 بازار زندگی میں جمے کیسے اپنا رنگ

ہیں مشتری کے طور نہ بیوپاریوں کے ڈھنگ

مدت سے پھر رہا ہوں خود اپنی تلاش میں

ہر لمحہ لڑ رہا ہوں خود اپنے خلاف جنگ

اک نام لوح ذہن سے مٹتا نہیں ہے کیوں

کیوں آخر اس پہ وقت چڑھاتا نہیں ہے رنگ

اب کی بار ملو جب مجھ سے

 ایک خواہش

اب کی بار ملو جب مجھ سے

پہلی اور بس آخری بار

ہنس کر ملنا

پیار بھری نظروں سے تکنا

ایسے ملنا

جیسے ازل سے

گھٹتی بڑھتی روشنیوں نے مجھے سمجھا نہیں

 گھٹتی بڑھتی روشنیوں نے مجھے سمجھا نہیں

میں کسی پتھر، کسی دیوار کا سایا نہیں

جانے کن رشتوں نے مجھ کو باندھ رکھا ہے کہ میں

مدتوں سے آندھیوں کی زد میں ہوں، بکھرا نہیں

زندگی بپھرے ہوئے دریا کی کوئی موج ہے

اک دفعہ دیکھا جو منظر پھر کبھی دیکھا نہیں

بہت تھا خوف جس کا پھر وہی قصہ نکل آیا

 بہت تھا خوف جس کا پھر وہی قصہ نکل آیا

مِرے دکھ سے کسی آواز کا رشتہ نکل آیا

وہ سر سے پاؤں تک جیسے سلگتی شام کا منظر

یہ کس جادو کی بستی میں دل تنہا نکل آیا

جن آنکھوں کی اداسی میں بیاباں سانس لیتے ہیں

انہیں کی یاد میں نغموں کا یہ دریا نکل آیا

چھیڑا ذرا صبا نے تو گلنار ہو گئے

چھیڑا ذرا صبا نے تو گلنار ہو گئے 

غنچے بھی مہ جمالوں کے رخسار ہو گئے 

ارزاں خریدی اہلِ زمانہ کی دیکھ کر

ہم آپ خود ہی اپنے خریدار ہو گئے 

وہ لوگ جن کی دشت نوردی کی دھوم تھی

مدت ہوئی کہ سنگِ درِ یار ہو گئے 

چپ چاپ سلگتا ہے دیا تم بھی تو دیکھو

چپ چاپ سلگتا ہے دِیا، تم بھی تو دیکھو

کس درد کو کہتے ہیں وفا، تم بھی تو دیکھو

مہتاب بکف رات کسے ڈھونڈ رہی ہے

کچھ دور چلو، آؤ ذرا، تم بھی تو دیکھو

کس طرح کناروں کو ہے سینے سے لگائے

ٹھہرے ہوئے پانی کی ادا تم بھی تو دیکھو

اس شہر کی گلیوں میں چرچے ہیں مرے دل کے

اس شہر کی گلیوں میں چرچے ہیں مِرے دل کے

افسانہ در افسانہ قصے ہیں مرے دل کے

کس درد کے چہرے سے الٹوں میں نقاب آخر

ہر درد سےانجانے رشتے ہیں مرے دل کے

بھٹکے ہوئے خوابوں کو ڈھونڈوں تو کہاں ڈھونڈوں

رستے تو کئی دن سے سُونے ہیں مرے دل کے

ہر قدم پر نارسائی کا تماشا کیجئے

ہر قدم پر نارسائی کا تماشا کیجئے

کب تک آخر ایک پرچھائیں کا پیچھا کیجئے

پاس آتے ہیں بدل جاتے ہیں چہروں کے نقوش

دور سے ان چاند کے ٹکڑوں کو دیکھا کیجئے

مان کر چلیے کہ وہ ہے پارسا بھی نیک بھی

پارسائی کیا ہے، کیا نیکی نہ سوچا کیجئے

ربط ہر بزم سے ٹوٹے تیری محفل کے سوا

ربط ہر بزم سے ٹوٹے تیری محفل کے سوا

رنجشیں سب کی گوارا ہیں تیرے دل کے سوا

صرف آواز سے پہچان لیں ہم تو ان کو

یہ کھنک اور کہاں، لہجۂ قاتل کے سوا

ایسے پہلو میں سما جاؤ کہ جیسے دل ہو

چین ملتا ہے کہاں موج کو ساحل کے سوا

برف سورج میں سمندر میں بیاباں دیکھا

برف سورج میں سمندر میں بیاباں دیکھا

رات کو ہم نے عجب خوابِ پریشاں دیکھا

جس کو پردے میں بھی دیکھے سے ہوں خیرہ آنکھیں

ہم نے اس شعلۂ بے باک کو عریاں دیکھا

تشنہ لب ریت کی ہر موج کو دریا سمجھے

ڈوبنے والے کی آنکھوں میں بیاباں دیکھا

کوئی صنم تو ہو کوئی اپنا خدا تو ہو

کوئی صنم تو ہو کوئی اپنا خدا تو ہو

اس دورِ بے کسی میں کوئی آسرا تو ہو

کچھ دھندلے دھندلے خواب ہیں کچھ کانپتے چراغ

زادِ سفر یہی ہے کچھ اس کے سوا تو ہو

ہر چہرہ مصلحت کی نقابوں میں کھو گیا

مل بیٹھیں کس کے ساتھ، کوئی آشنا تو ہو

ان نگاہوں کا اگر ساتھ اجالا ہوتا

ان نگاہوں کا اگر ساتھ اجالا ہوتا

کچھ تو بے وجہ اداسی کا ازالہ ہوتا

چڑھ گئے حق کیلئے دار پہ ہم بھی لیکن

سوچتے ہیں کہ کوئی دیکھنے والا ہوتا

اور کچھ روز تو دامن کو بچائے رکھتے

اور کچھ روز برے وقت کو ٹالا ہوتا

جز غم کوئی انعام وفا ہو تو کہیں بھی

جز غم کوئی انعامِ وفا ہو تو کہیں بھی

کچھ اس کے سوا ہم کو ملا ہو تو کہیں بھی

جینا ہے فقط جلتی ہوئی ریت پہ چلنا

اس راہ میں سائے کا پتا ہو تو کہیں بھی

ہر لمحہ بکھرتے ہیں، لٹے جاتے ہیں لیکن

کچھ اپنی تباہی کا گِلہ ہو تو کہیں بھی

پتہ نہیں وہ کون تھا

پتہ نہیں وہ کون تھا

پتہ نہیں وہ کون تھا جو میرے ہاتھ میں
موتیے کی ڈال، پنکھ مور کا تھما کے چل دیا
پتہ نہیں وہ کون تھا
ہوا کے جھونکے کی طرح جو آیا اور گزر گیا
نظر کو رنگ، دل کو نکہتوں کے دکھ سے بھر گیا
میں کون ہوں؟ گزرنے والا کون تھا؟

کرو گے یاد تو ہر بات یاد آئے گی

گیت

کرو گے یاد تو ہر بات یاد آئے گی
گزرتے وقت کی ہر موج ٹھہر جائے گی

یہ چاند بیتے زمانوں کا آئینہ ہو گا
بھٹکتے اَبر میں چہرہ کوئی بنا ہو گا
اداس راہ کوئی داستاں سُنائے گی
کرو گے یاد تو ہر بات یاد آئے گی