جب کربلا میں داخلہ شاہ دیں ہوا

 عارفانہ کلام حمد نعت منقبت

میدانِ کربلا

جب کربلا میں داخلۂ شاہ دیں ہوا 

دشت بلا نمونۂ خلد بریں ہوا

سر جُھک گیا فلک کا یہ اوج زمیں ہوا

خُورشید محو حُسنِ حسینِؑ حسیں ہوا 

پایا فروغ نیر دیں کے ظہور سے 

جنگل کو چاند لگ گئے زہراؑ کے نور سے 

پائے حسین عرش کا سرتاج ہو گیا

 عارفانہ کلام حمد نعت منقبت

بولا یہ ہاتھ جوڑ کے دستِ خدا کا لالؑ

حضرتؐ کو برقرار رکھے رب ذوالجلال

پوشاک یہ پہن کے تو ہم خوش ہوئے کمال

ناقہ نہیں کہ جس پہ چڑھیں اب ہے یہ ملال

عزت میں ہیں بزرگ، شرف میں زیادہ ہیں

لڑکے تو سب سوار ہیں، اور ہم پیادہ ہیں

آئی مہ صیام کی انیسویں جو شب

عارفانہ کلام حمد نعت منقبت

 آئی مہِ صیام کی انیسویں جو شب

کلثومؑ سے طعام علیؑ نے کیا طلب

وہ لائیں نانِ جو، نمک و شیر اور رُطَب

بیٹی سے تب علیؑ نے کہا از رہِ غضب

کیا چاہتی ہو تم کہ علیؑ پر عتاب ہو

محشر میں میرے واسطے طولِ حساب ہو

آ کے جو بزم عزا میں رو گئے

 عارفانہ کلام حمد نعت منقبت سلام

آ کے جو بزمِ عزا میں رو گئے​

مجرئی! وہ فردِ عصیاں دھو گئے​

یاد آیا دامنِ مادر کا چین

پاؤں پھیلا کر لحد میں سو گئے​

اشک کیا نکلیں کڑے احوال پر​

سنتے سنتے قلب پتھر ہو گئے

دنیا میں آج حشر کا دن آشکار ہے

عارفانہ کلام حمد نعت منقبت سلام

دنیا میں آج حشر کا دن آشکار ہے​

سبطِ نبیؐ کے سینے پہ قاتل سوار ہے​

چلّا رہی ہے خیمے سے زینبؑ اتر لعیں​

بھائی کا میرے زخموں سے سینہ فگار ہے​

کہتے تھے شاہؑ شمر سے مجھ کو نہ ذبح کر​

دنیائے چند روزہ کا کیا اعتبار ہے

سنبل تر ہے پریشاں زلف اکبر دیکھ کر

 عارفانہ کلام حمد نعت منقبت سلام

سُنبلِ تر ہے پریشاں زُلفِ اکبرؑ دیکھ کر​

کٹ گیا ہے ماہِ تاباں رُوئے انور دیکھ کر​

آب ہو جائے گا حُسنِ رُوئے اکبرؑ دیکھ کر​

سامنے آئینہ لانا، اے سکندر دیکھ کر​

جب چلی اعداء پہ تیغِ شہؑ، پکارے جبرئیلؑ​

یا حسینؑ ابنِ علیؑ! خادم کے شہپر دیکھ کر

نہ منصب سے غرض نہ خواہشِ جاگیر رکھتے ہیں

 عارفانہ کلام حمد نعت منقبت سلام

نہ منصب سے غرض، نہ خواہشِ جاگیر رکھتے ہیں​

جو رکھتے ہیں تو عشقِ روضۂ شبیرؑ رکھتے ہیں​

خیالِ زلف و روئے حضرتِ شبیرؑ رکھتے ہیں​

ہم اپنی چشم میں دن رات کی تصویر رکھتے ہیں​

شبِ ہفتم سے ہے غیظ و غضب عباسِؑ غازی کو​

نہ کاندھے سے سپر، نہ ہاتھ سے شمشیر رکھتے ہیں

دشمن کو بھی خدا نہ دکھائے پسر کا داغ

 عارفانہ کلام حمد نعت منقبت سلام

دشمن کو بھی خدا نہ دکھائے پسر کا داغ​

دل کو فگار کرتا ہے، لختِ جگر کا داغ​

آنکھوں کا نُور کھوتا ہے، نُورِ نظر کا داغ​

مرنا جوان بیٹے کا ہے، عمر بھر کا داغ​

یہ حال ابنِ فاطمہؑ کے دل سے پوچھیے​

زخمِ جگر کے درد کو، گھائل سے پوچھیے

ہم صورت محبوبِ خدا تھے علی اکبر

 عارفانہ کلام حمد نعت منقبت سلام

ہم صورتِ محبوبِؐ خدا تھے علی اکبرؑ ​

شوکت میں شہِ عقدہ کشا تھے علی اکبر​ؑ

شپیرؑ کی پیری کے عصا تھے علی اکبر​ؑ

اور بانو کی آنکھوں کی ضیا تھے علی اکبر​ؑ

جلوہ رخِ پُر نُور پہ تھا نُورِ نبیﷺ کا​

روشن تھا گھر اس ماہ سے زہراؑ و علیؑ کا

میں بھی تو دیکھوں شان علی کے نشان کی

عارفانہ کلام منقبت سلام مرثیہ

 ناگاہ آ کے بالی سکینہؑ نے یہ کہا

کیسا ہے یہ ہجوم کدھر ہیں مِرے چچا

عہدہ علم کا ان کو مبارک کرے خدا

لوگو! مجھے بلائیں تو لینے دو اک ذرا

شوکت خدا بڑھائے میرے عمّو جان کی

میں بھی تو دیکھوں شان، علیؑ کے نشان کی

صبح عاشور کا منظر یاں خوں بہے گا آج محمد کی آل کا

عارفانہ کلام منقبت سلام مرثیہ

 صبح عاشور کا منظر

جب قطع کی مسافتِ شب آفتاب نے

جلوہ کیا سحر کے رخِ بے حجاب نے

دیکھا سوئے فلک شہ گردوں رکاب نے

مڑ کر صدا رفیقوں کو دی اس جناب نے

آخر ہے رات حمد و ثنائے خدا کرو

اٹھو فریضۂ سحری کو ادا کرو

نمود و بود کو عاقل حباب سمجھے ہیں

نمود و بود کو عاقل حباب سمجھے ہیں 

وہ جاگتے ہیں جو دنیا کو خواب سمجھے ہیں

کبھی برا نہیں جانا کسی کو اپنے سوا 

ہر ایک ذرے کو ہم آفتاب سمجھے ہیں

عجب نہیں ہے جو شیشوں میں بھر کے لے جائیں 

ان آنسوؤں کو فرشتے گلاب سمجھے ہیں

خود نوید زندگی لائی قضا میرے لئے

خود نوید زندگی لائی قضا میرے لیے 

شمع کشتہ ہوں فنا میں ہے بقا میرے لیے 

زندگی میں تو نہ اک دم خوش کیا ہنس بول کر 

آج کیوں روتے ہیں میرے آشنا میرے لیے 

کنجِ عزلت میں مثال آسیا ہوں گوشہ گیر 

رزق پہنچاتا ہے گھر بیٹھے خدا میرے لیے 

مرا راز دل آشکارا نہیں

مِرا رازِ دل آشکارا نہیں 

وہ دریا ہوں جس کا کنارا نہیں 

وہ گل ہوں جدا سب سے ہے جس کا رنگ 

وہ بو ہوں کہ جو آشکارا نہیں 

وہ پانی ہوں شیریں نہیں جس میں شور 

وہ آتش ہوں جس میں شرارا نہیں 

واللہ عجب شان شہنشاہ رسل ہے

بیانِ شانِ ولادت شہِ لولاکﷺ

واللہ عجب شانِ شہنشاہِ رُسل ہے
اس گلشنِ ایجاد کا پہلا وہی گُل ہے
اس شاہ کے اوصاف کا کونین میں غُل ہے
سب جزو کُل اجزاء ہیں، اُسی کا وہی کُل ہے
ہر چند کہ ہے وہ خلفِ آدمؑ و حوّا
بر حق نے کیا ہے شرفِ آدمؑ و حوّا

حضور کی زندگی کے آخری ایام کا بیان

حضورﷺ کی زندگی کے آخری ایام کا بیان

جس وقت ہوا کفر و ضلالت سے جہاں پاک

اور دور ہوا گلشنِ دِیں سے خس و خاشاک

رونے کی ہے جا ہوتا ہے سینے میں جگر چاک

بیمار ہوئے مدینے میں سیدِ لولاکﷺ 

اک بار خزاں آ گئی ہستی کے چمن میں

طاقت نہ رہی اٹھنے بیٹھنے کی بدن میں

میر انیس

وجد ہو بلبل تصویر کو جس کی بو سے

وجد ہو بلبلِ تصویر کو جس کی بُو سے
اس سے گلرنگ کا دعویٰ کرے پھر کس رو سے
کس سے اے شوخ ہوئی رات کو ہاتھا پائی
نورِ تن آج جو ڈھلکا ہے تیرے بازو سے
کل تو آغوش میں شوخی نے ٹھہرنے نہ دیا
آج کی شب تو نکل جاؤ مِرے قابو سے

جنگل سے آئی فاطمہ زہرا کی یہ صدا

عارفانہ کلام منقبت سلام مرثیہ

جنگل سے آئی فاطمہ زہرا کی یہ صدا 

امت نے مجھ کو لوٹ لیا واہ محمدا

اس روز کون حقِ رفاقت کرے ادا 

ہے ہے وہ زخم اور دو عالم کا مقتدا

انیس سو ہیں زخم تنِ چاک چاک پر 

زینب نکل حسین تڑپتا ہے خاک پر

اشارے کیا نگہ ناز دلربا کے چلے

اشارے کیا نگہِ نازِ دل ربا کے چلے

جب انکے تیر چلے نیمچے قضا کے چلے

پکار کہتی تھی حسرت سے لاش عاشق کی

صنم کہاں ہمیں تم خاک میں ملا کے چلے

کسی کا دل نہ کیا ہم نے پائمال کبھی

چلے جو راہ تو چیونٹی کو بھی بچا کے چلے

شہید عشق ہوئے قیس نامور كی طرح

شہیدِ عشق ہوئے قیس نامور كی طرح

جہاں میں عیب بھی ہم نے كئے ہنر كی طرح

كچھ آج شام سے چہرہ ہے فق سحر كی طرح

ڈھلا ہی جاتا ہوں فرقت میں دو پہر كی طرح

تجھ ہی كو دیكھوں گا جب تک ہیں برقرار آنكھیں

میری نظر نہ پھرے گی تیری نظر كی طرح