وطن کی سر زمیں سے عشق و الفت ہم بھی رکھتے ہیں

 وطن کی سر زمیں سے عشق و الفت ہم بھی رکھتے ہیں

کھٹکتی جو رہے دل میں وہ حسرت ہم بھی رکھتے ہیں

ضرورت ہو تو مر مٹنے کی ہمت ہم بھی رکھتے ہیں

یہ جرأت، یہ شجاعت، یہ بسالت ہم بھی رکھتے ہیں

زمانے کو ہلا دینے کے دعوے باندھنے والو

زمانے کو ہلا دینے کی طاقت ہم بھی رکھتے ہیں

نالۂ جاں گداز نے مارا

نالۂ جاں گداز نے مارا

سوزِ الفت کے ساز نے مارا

یہ کہا پڑھ کے میرا نامۂ شوق

اس سراپا نیاز نے مارا

منہ سے اف بھی تو کر نہیں سکتے

خوفِ افشائے راز نے مارا

حوادث پر نہ اے ناداں نظر کر

حوادث پر نہ اے ناداں! نظر کر

قضا سے جنگ بے خوف و خطر کر

معافی بھی سزا سے کم نہیں ہے

بس اب اس درگزر سے درگزر کر

جہاں ڈوبی تھی کشتی آرزو کی

اسی گرداب میں نکلی ابھر کر

تیری یاد میں کب قیامت نہ ٹوٹی

تیری یاد میں کب قیامت نہ ٹوٹی تِرے غم میں کب حشر برپا نہ دیکھا

بجُز اک نگاہِ مسیحا نفس کے محبت کے ماروں نے کیا کیا نہ دیکھا

بہت سیر کی باغ جنت کی ہم نے مگر کچھ مزا زندگی کا نہ دیکھا

کسی دل میں درد محبت نہ پایا، کسی دل میں داغ تمنا نہ دیکھا 

بہت مردِ میداں بھی دنیا میں دیکھے شجاعت پہ نازاں بھی دنیا میں دیکھے

مگر چوٹ سہہ جاۓ تیرِ نظر کی یہ دل پہ کلیجا کسی کا نہ دیکھا

بحث میں دونوں کو لطف آتا رہا

بحث میں دونوں کو لطف آتا رہا

مجھ کو دل میں دل کو سمجھاتا رہا

ان کی محفل میں دل پر اضطراب

ایک شعلہ تھا جو تھراتا رہا

موت کے دھوکے میں ہم کیوں آ گئے

زندگی کا بھی مزا جاتا رہا

بندۂ مہر بہ لب ہوں میں ثنا خواں تیرا

بندۂ مہر بہ لب ہوں میں ثنا خواں تیرا

دل میں رہتا ہے مقفل غم پنہاں تیرا

زندگی کچھ بھی نہیں سوز محبت کے بغیر

آگ اس دل کو لگے جو نہیں خواہاں تیرا

قلزم عشق کے طوفان سے بچنا معلوم

اے دلِ زار! اب اللہ نگہباں تیرا

زہر غم پی کر جو لہراتا نہیں

زہرِ غم پی کر جو لہراتا نہیں

پینے والوں میں گِنا جاتا نہیں

بال و پر تو ہیں مگر یہ حال ہے

آشیانے تک اڑا جاتا نہیں

اور تو سب کچھ ہے ان کی بزم میں

اک خدا اس میں نظر آتا نہیں

حسن جس جس کو ملا اس کو جفا بھی آئی

حسن جس جس کو ملا اس کو جفا بھی آئی

ناز کے ساتھ تغافل کی ادا بھی آئی

چار جانب تھا اندھیرا ہی اندھیرا گھر میں

آپ آئے تو آنکھوں میں ضیا بھی آئی

تیغِ قاتل نے جو مقتل میں کیا قتل مجھے

جان کے ساتھ مِرے لب پہ دعا بھی آئی

صبر سے اب تو گزارا ہو گا

صبر سے اب تو گزارا ہو گا

چارہ سازوں سے نہ چارا ہو گا

تُو بھی دشمن ہے تو اے دردِ نہاں

کون ہمدرد ہمارا ہو گا؟

دل ہے کیوں جنسِ وفا کا گاہک

جانتا ہے کہ خسارا ہو گا

جب دعائیں بھی کچھ اثر نہ کریں

جب دعائیں بھی کچھ اثر نہ کریں

کیا کریں، صبر ہم اگر نہ کریں

داستاں ختم ہو ہی جائے گی

آپ قصہ مختصر نہ کریں

چھوڑتا ہی نہیں ہمیں صیاد

ورنہ پرواہِ بال و پر نہ کریں

دل بھی کیا جور آشنا نکلا

دل بھی کیا جور آشنا نکلا

سو بلاؤں کی اک بلا نکلا

جس کی الفت میں ہم ہوئے برباد

وہی بے گانۂ وفا نکلا

غم کی تلخی تو پھر بھی تلخی تھی

عیش کا پھل بھی بے مزا نکلا

بلا سے کوئی ہاتھ ملتا رہے

بلا سے کوئی ہاتھ ملتا رہے

تِرا حسن سانچے میں ڈھلتا رہے

ہر اک دل میں چمکے محبت کا داغ

یہ سِکہ زمانے میں چلتا رہے

ہو ہمدرد کیا جس کی ہر بات میں

شکایت کا پہلو نکلتا رہے