دل بھی کیا جور آشنا نکلا
سو بلاؤں کی اک بلا نکلا
جس کی الفت میں ہم ہوئے برباد
وہی بے گانۂ وفا نکلا
غم کی تلخی تو پھر بھی تلخی تھی
چارہ گر سے نہ ہو سکا کچھ بھی
درد ہی درد کی دوا نکلا
جس کے معنی سمجھ سکا نہ کوئی
وہ مِرا حرفِ مدعا نکلا
ہے محبت کا یہ عجب قانون
ناروا جور بھی روا نکلا
ہاتھ ان کا نہیں کماں پر اب
تیر نکلا کہ حوصلا نکلا
ہم نے دنیائے حسن میں اے جوشؔ
جس کو دیکھا وہی خدا نکلا
جوش ملسیانی
No comments:
Post a Comment