جب دعائیں بھی کچھ اثر نہ کریں
کیا کریں، صبر ہم اگر نہ کریں
داستاں ختم ہو ہی جائے گی
آپ قصہ مختصر نہ کریں
چھوڑتا ہی نہیں ہمیں صیاد
ہُو کا عالم حرم میں ہے اے شیخ
ہم تو دو دن یہاں بسر نہ کریں
قابل عفو میں نہیں، نہ سہی
نہ کریں آپ درگزر نہ کریں
ان کو احساسِ دردِ دل کیسا
مر بھی جاؤں تو آنکھ تر نہ کریں
اس کی بے چارگی کا کیا کہنا
جس کی آہیں بھی کچھ اثر نہ کریں
یہ بھی تشہیرِ شاعری ہے جوشؔ
آپ دیوان مشتہر نہ کریں
جوش ملسیانی
No comments:
Post a Comment