کم بھی تھے اگر فن کے خریدار بہت تھے

کم بھی تھے اگر فن کے خریدار بہت تھے

بکنے پر اتر آتے تو بازار بہت تھے

پھر بھی نہ کھلی آنکھ تو کیا کیجیے ورنہ

احباب کے جھٹکے ہمیں دو چار بہت تھے

دن نکلا بہتّر کے سوا کوئی نہیں تھا

کل رات تو سر دینے کو تیار بہت تھے

بہ عنوان خلوص دل کہیں ایسا نہ کر لینا

بہ عنوانِ خلوصِ دل کہیں ایسا نہ کر لینا

تماشا بن کے اپنے آپ کو رسوا نہ کر لینا

تقاضا ابر باراں کا ہے پی لے جھوم کر واعظ

پھر اس کے بعد سو توبہ سر مۓ خانہ کر لینا

بہت نازک زمانہ ہے ضمیر اپنا سلامت رکھ

کہیں نا سمجھی میں ایمان کا سودا نہ کر لینا

مشکل ہے مری قوت رفتار سمجھنا

مشکل ہے مِری قوتِ رفتار سمجھنا
اس پار نظر آؤں تو اس پار سمجھنا
طوفاں سے خطرناک ہے ساحل کے مگر مچھ
جو بچ کے نکل جائے اسے پار سمجھنا
سر درد نہ بن جائے کہیں چارہ گرِ درد
اس کو بھی ذرا اے دلِ بیمار سمجھنا

کیا کرے گا دوسروں کو جان کر

 کیا کرے گا دوسروں کو جان کر

پہلے اپنے آپ کی پہچان کر

یہ زمانہ لا ابالی کا نہیں

پھونک کر پی چھاچھ پانی چھان کر

کیوں الجھتے جا رہے ہو بار بار

دل میں آخر آئے ہو کیا ٹھان کر

بن کر مری محفل سے تو خورشید ازل جا

بن کر مِری محفل سے تو خورشیدِ ازل جا
مغرب میں اگر ڈوبے تو مشرق سے نکل جا
دریا ہے تو دریا کی طرح رہ، کہا کس نے
برسات کے نالے کی طرح بھر کے ابل جا
اے شامِ بلا،۔ شامِ مصیبت،۔ مِری شامت
کیوں سر پہ کھڑی ہے مِرے، ٹل جا ارے ٹل جا

لا ملے تو میرے زخم قلب مضطر کا جواب

لا ملے تو، میرے زخمِ قلبِ مضطر کا جواب
ڈھونڈ کچھ دن اے بہار اور اس گلِ تر کا جواب
اپنی ویرانی میں دونوں ایک سے بڑھ کر ایک ہیں
گھر بیاباں کا بیاباں ہے، مِرے گھر کا جواب
میری خاموشی سے چلا اٹھے گا ایک دن رقیب
طعنہ زن کو آدمیت دے گی نشتر کا جواب

نام ہی رہ گیا دنیا میں وفاداری کا

نام ہی رہ گیا دنیا میں وفاداری کا
یہ زمانہ ہے تصنع کا، اداکاری کا
روز مر مر کے جئے جانے میں حاصل تھا کمال
موت نے دیکھا تماشا، مِری جیداری کا
گھر پہ روزانہ وہ آتے تھے، عیادت کیلئے
کیا سہانا تھا زمانہ مِری بیماری کا

آپ حد سے گزر گئے شاید

آپ حد سے گزر گئے شاید 

پستیوں میں اتر گئے شاید

غم، خوشی بے اثر ہیں دونوں ہی

اپنے جذبات مر گئے شاید

ہے پریشاں خیال دل جمعی

ٹوٹ کر ہم بکھر گئے شاید

بازار محبت کی تو اپنی ہی ہوا ہے

بازارِ محبت کی تو اپنی ہی ہوا ہے 

بِکتی ہی نہیں جو کبھی وہ جنسِ وفا ہے 

دشمن کو بھی ڈالے نہ خدا شک کے مرض میں 

اس کے لیے دنیا میں دوا ہے، نہ دعا ہے 

سنتا ہی نہیں وہ بتِ بے مہر کسی کی

معلوم نہیں کون سی مٹی کا بنا ہے 

اک اضطراب ہے الجھن ہے کیا کیا جائے

اک اضطراب ہے الجھن ہے کیا کیا جائے
دل و دماغ میں ان بن ہے کیا کیا جائے
درست ہی سہی، دشمن سے دوستی کا خیال
ہمارا دوست ہی دشمن ہے کیا کیا جائے
ہر ایک پھول دہکتا ہوا ہے انگارہ
عجیب صورتِ گلشن ہے کیا کیا جائے

بہ عنوان خلوص دل کہیں ایسا نہ کر لینا

بہ عنوانِ خلوصِ دل کہیں ایسا نہ کر لینا
تماشابن کے اپنے آپ کو رسوا نہ کر لینا
تقاضا ابرباراں کا ہے پی لے جھوم کر واعظ
پھر اس کے بعد سو توبہ سر مے خانہ کر لینا
بہت نازک زمانہ ہے ضمیر اپنا سلامت رکھ
کہیں نا سمجھی میں ایمان کا سودا نہ کر لینا