یاد اس کی اب تو رونق جاں بھی نہیں رہی

قندیلِ عشقِ نور فشاں بھی نہیں رہی

یاد اس کی اب تو رونقِ جاں بھی نہیں رہی

صحرا بس ایک قطرے میں غرقاب ہو گئے

اب آرزوئے تشنہ لباں بھی نہیں رہی

اب لوٹنا پڑے گا انا کے محاذ سے

اب طاقتِ گرفتِ کماں بھی نہیں رہی

تیری جنت سے میں نکلا ہوں ستارے لے کر

کوثرِ چشم کے بہتے ہوِئے دھارے لے کر

تیری جنت سے میں نکلا ہوں ستارے لے کر

بیکراں لگتا ہے اب مجھ کو یہ دریائے فراق

جانے کس سمت گیا ہے وہ کنارے لے کر

اب یہ سوچا ہے کہ گر گر کے سنبھلنا اچھا

کچھ وقار آیا نہ چلنے میں سہارے لے کر

جشن قرب یار کا دل پر نشہ رہ جائے گا

جشنِ قربِ یار کا دل پر نشہ رہ جائے گا

شب گزر جائے گی لیکن رت جگا رہ جائے گا

پھول ہے تو میرے دل کا اور میں خوشبو تری

شاخ سے ٹوٹے اگر دونوں میں کیا رہ جائے گا

میں تو سمجھا تھا گلے ملنے سے دل مل جائیں گے

کیا خبر تھی پھر بھی کوئی فاصلہ رہ جائے گا

کوثر چشم کے بہتے ہوئے دھارے لے کر

کوثرِ چشم کے بہتے ہوئے دھارے لے کر

تیری جنت سے میں نکلا ہوں ستارے لے کر

بے کراں لگتا ہے اب مجھ کو یہ دریائے فراق

جانے کس سمت گیا ہے وہ کنارے لے کر

اب یہ سوچا ہے کہ گر گر کے سنبھلنا اچھا

کچھ وقار نہ آیا چلنے میں سہارے لے کر

کرب کے شہر میں رہ کر نہیں دیکھا تو نے

کرب کے شہر میں رہ کر نہیں دیکھا تُو نے

کیا گزرتی رہی ہم پر نہیں دیکھا تو نے

کانچ کا جسم لیے شہر میں پھرنے والے 

دستِ حالات میں پتھر نہیں دیکھا تو نے

اے مجھے صبر کے آداب سکھانے والے 

جب وہ بچھڑا تھا وہ منظر نہیں دیکھا تو نے

کبھی ہم پہ مہر و مہ کا یہ نظام مہرباں ہو

کبھی ہم پہ مہر و مہ کا یہ نظام مہرباں ہو

کوئی صبح دوست ٹھہرے کوئی شام مہرباں ہو

یہ خدائے بحر و بحر بر کی بھی عجیب حکمتیں ہیں

کبھی تشنگی ہو قرباں، کبھی جام مہرباں ہو

کبھی شب کی خلوتوں میں نہ سنے وہ دل کی باتیں

کبھی مہربان ہو تو سرِ عام مہرباں ہو

سرخئ شام لگے مجھ کو شہیدوں کا لہو

سرخئ شام لگے مجھ کو شہیدوں کا لہو

اور ستارے کسی بیوہ کے لرزتے آنسو

آج خود ریگ اڑاتے ہوئے غزلیں گائیں

آج صحرا میں بگولہ تھا، نہ کوئی آہو

اس کی یادیں ہیں کہ کانٹوں سے بھرا سینہ ہے

چین ملتا ہی نہیں دل کو کسی بھی پہلو

ہر ایک شعر تری ہی مثال ہے کہ نہیں

ہر ایک شعر تِری ہی مثال ہے کہ نہیں

سخنوری میں یہ دستِ کمال ہے کہ نہیں

میں تیرے نام کی خاطر ہی ٹوٹ کر بکھرا

مِری شکست کا تجھ کو ملال ہے کہ نہیں

جواب دے کہ نہ دے یہ تِری رضا لیکن

سوال یہ ہے کہ اِذنِ سوال ہے کہ نہیں

وہ شخص لے تو گیا سر اتار کر میرا

وہ شخص لے تو گیا سر اتار کر میرا

بدل سکا نہ مگر نقطۂ نظر میرا

بجا کہ منزلِ دار و رسن بھی آ ہی گئی

یہیں پہ ختم نہ ہو گا مگر سفر میرا

ستم شعار کو پیارے ہیں خد و خال مِرے

وہ قتل کر کے سجائے گا گھر میں سر میرا

اک حسن ہی تیرا نہیں تصویر تک آیا

اک حسن ہی تیرا نہیں تصویر تک آیا

اک جذبۂ گمنام بھی تشہیر تک آیا

یہ کس نے خزاں چہرہ شفق رنگ کیا ہے

کس خون کا چھینٹا رخِ دلگیر تک آیا

پھر یوں ہے کہ طاقت نہ رہی دستِ کماں میں

پھر یہ ہے کہ خود چل کے ہدف تیر تک آیا

نور بانہوں سے سنبھالا دینا

نور بانہوں سے سنبھالا دینا

تیرہ بختوں کو اجالا دینا

کوئی خود اگر مانگنے آئے

تم کفِ دست پہ چھالا دینا

زرد پتوں کا چمن میں پھرنا

گزرے وقتوں کا حوالا دینا

یہ الگ بات کہ ہم تشنہ نظر جاتے ہیں

یہ الگ بات کہ ہم تشنہ نظر جاتے ہیں

تیرے جلوے تو سرِ طور بکھر جاتے ہیں

دیکھ اے جانِ تغافل! کہ تِری محفل سے

اہلِ دل، اہلِ وفا، اہلِ نظر جاتے ہیں

تیری راہوں میں یہ آنکھوں کو بچھانے والے

تیری ہی بزم سے بادیدۂ نم جاتے ہیں

دے کوئی درد لازوال مجھے

دے کوئی دردِ لازوال مجھے

غمِ محدود سے نکال مجھے

کون سا پھول آپ جیسا ہے

دیکھنا ہو گا ڈال ڈال مجھے

ڈس رہے ہیں بہار بن بن کر

صحنِ زنداں میں کچھ خیال مجھے

میں اپنی راہ کی دیوار کیوں ہوں

میں اپنی راہ کی دیوار کیوں ہوں

ابھی تک صاحبِ کردار کیوں ہوں

غبار اٹھے جہاں بھی پاؤں رکھوں

نہ جانے فرشِ گل پر بار کیوں ہوں

جہاں سب کے بھرم ٹوٹے پڑے ہیں

وہاں میں صاحبِ پندار کیوں ہوں

دن کو جو شخص میری گھات میں تھا

دن کو جو شخص میری گھات میں تھا

شب جو آئی، مِری ہی ذات میں تھا

اس نے مانگا نہ اک ستارہ بھی

آسماں جبکہ میرے ہات میں تھا

درس دیتا ہُوا بغاوت کا

ایک جگنو اندھیری رات میں تھا

دل مرے حوصلے بڑھائے گا

دل مِرے حوصلے بڑھائے گا

ہجر کا لمحہ بِیت جائے گا

بولتا ہے منڈیر پر کوّا

آج کوئی ضرور آئے گا

کشتیوں کو ابھارنے والا

ایک دن خود ہی ڈوب جائے گا

سمندر کی طرف بہتا ملا ہے

سمندر کی طرف بہتا ملا ہے

جو دریا بھی ملا پیاسا ملا ہے

کوئی دیکھے مِری معراجِ وحشت

مجھے دریا میں بھی صحرا ملا ہے

خضرؑ کی رہنمائی میں چلا تھا

یہی جو راہ میں بھٹکا ملا ہے

کرب کے شہر میں رہ کر نہیں دیکھا تو نے

کرب کے شہر میں رہ کر نہیں دیکھا تُو نے
کیا گزرتی رہی ہم پر نہیں دیکھا تُو نے
کانچ کا جسم لیے شہر میں پھِرنے والے
دستِ حالات میں پتھر نہیں دیکھا تُو نے
اے مجھے صبر کے آداب سکھانے والے
جب وہ بچھڑا تھا وہ منظر نہیں دیکھا تُو نے