سب کے سب کہنے لگے ہیں یہ میری تائید میں

بلاگ کی طرف سے تمام فالورز اور قارئین کو عید مبارک ہو

سب کے سب کہنے لگے ہیں یہ میری تائید میں

عید کی خوشیاں ہیں پوشیدہ تمہاری دید میں

مجھ سے اس طرح تعلق رکھنا اے یارانِ من

جس طرح سے ہے تعلق چاند رات اور عید میں

وقت کم ہے جلدی جلدی کیجئے مطلب کی بات

وقت مت برباد کیجے آپ بھی تمہید میں

خود فریبی کا جال میں اور تو

 خود فریبی کا جال میں اور تُو

عشق ہجر و وصال میں اور تو

شازشیں ان کی ہو گئی ناکام

بچ گئے بال بال میں اور تو

تیسرا شہر میں کوئی بھی نہیں

ہیں فقط ہم خیال میں اور تو

گر یہ کاغذ قلم نہیں ہوتا

 گر یہ کاغذ قلم نہیں ہوتا

حال دل کا رقم نہیں ہوتا

ہم کہاں تجھ کو ڈھونڈتے اے دل

گر یہ دیر و حرم نہیں ہوتا

ایک میں ہی نہیں ہوں رنجیدہ

کون ہے جس کو غم نہیں ہوتا

ہوش میں آ گیا زمانۂ دل

 ہوش میں آ گیا زمانۂ دل

جب پڑا دل پہ تازیانۂ دل

کیسے نظروں کے تیر کو روکوں

جب لگائے کوئی نشانۂ دل

بول صندوق جسم سے تُو نے

کیوں چرایا مِرا خزانۂ دل

حکم ان کا ہے میرے یار زرا صبر کرو

حکم ان کا ہے میرے یار زرا صبر کرو

دن گزر جانے دو چار، زرا صبر کرو

اس بلا میں تو فقط تم ہی گرفتار نہیں

عشق میں میں بھی ہوں بیمار زرا صبر کرو

دیکھنا تم پہ ہی آنکر یہ گرے گی اک دن

حسن کی یہ حسیں دیوار زرا صبر کرو

وہ بھی جا کر وہیں پہ ٹھہرا ہے

 وہ بھی جا کر وہیں پہ ٹھہرا ہے

خوشبوؤں کا جہاں بسیرا ہے

بس یہی سوچنے میں گم تھا میں

آئینہ ہے کہ تیرا چہرا ہے

میرے دل کے مکان میں جاناں

تیرے ہی نام کا پھریرا ہے

دسترس میں میری کہاں ہو تم

 دسترس میں میری کہاں ہو تم

میں زمیں اور آسماں ہو تم

تنکا تنکا جہاں سجا ہوں میں

وہ نشیمن، وہ آشیاں ہو تم

میں مسافر ہوں تپتے صحرا کا

میری نظروں میں سائباں ہو تم

الفت میں تیری راہ صداقت کے باوجود

 الفت میں تیری راہ صداقت کے باوجود

بدنام ہو گیا ہوں شرافت کے باوجود

لرزش ہو ہاتھ میں کہ بہے اشک آنکھ سے

پڑھنا پڑے گا خط کو طوالت کے باوجود

آخر کہ تونے شیشۂ دل توڑ ہی دیا

اے پیکر جمال حفاطت کے باوجود

کہیں بلند خدا پھر صدائے آہ نہ ہو

 کہیں بلند خدا پھر صدائے آہ نہ ہو

میری طرح سے کسی کو کسی کی چاہ نہ ہو

خدا ملا دے تو اس پیکرِ حیا سے مجھے

تیری نظر میں محبت اگر گناہ نہ ہو

زمانے بھر کی نگاہوں سے تو رہے محفوظ

میرے سوا تجھے دیکھے کوئی نگاہ نہ ہو

میری چاہت مرے الفت کی کہانی سن لو

 میری چاہت مِرے الفت کی کہانی سن لو

لب تو خاموش ہیں اشکوں کی زبانی سن لو

چھوڑ کر جانا ہے تم کو تو چلی جاؤ مگر

یاد آئے گا بہت دلبر و جانی، سن لو

خواہشوں کے لیے بند کر کے در دل سوچا

عمر تھوڑی ہے یہ دنیا بھی ہے فانی سن لو

صحرائے محبت کو گلزار کریں گے ہم

صحرائے محبت کو گلزار کریں گے ہم

ہاں جان سے بھی بڑھ کر تمہیں پیار کریں گے ہم

ہم لوگ زمانے سے کچھ بھی نہ چھپائیں گے

ہر بات کو اب اپنی اخبار کریں گے ہم

خوابوں میں کبھی ہم نے سوچا نہ تھا اس طرح

چاہت میں تِری خود کو بیمار کریں گے ہم

دونوں میں کوئی ایک ہے اے خوبرو غلط

 دونوں میں کوئی ایک ہے اے خوبرو غلط

میں ہوں اگر صحیح، تو یقیناً ہے تو غلط

میں بدگماں ہوں ان سے زرا سچ بتائے

کس نے اڑائی ہے یہ خبر کو بکو غلط

مجھ کو یہ خوف ہے کہ زمانے کے نام سے

دل میں نہ جاگ جائے کوئی آرزو غلط

لمحہ لمحہ سانس ہارے جاؤ گے

 لمحہ لمحہ سانس ہارے جاؤ گے

تم بنا مارے ہی مارے جاؤ گے

آسماں پر ہے اٹھایا اس لیے

تم زمیں پر پھر اتارے جاؤ گے

اس کی رسی تھام لو اے دوستو

ورنہ اس تک کس سہارے جاؤ گے

تو بے رخی سے سہی ہم سے ہمکلام تو ہے

 تُو بے رخی سے سہی ہم سے ہمکلام تو ہے

تِرے حیسن لبوں پہ ہمارا نام تو ہے

تُو دیکھتے ہی جھکا لیتا ہے نگاہوں کو

تِری نظر میں مِرا اتنا احترام تو ہے

یہ اور بات کے ملتے نہیں ہیں ہم دونوں

ہمارے بیچ میں لیکن دعا سلام تو ہے

میری جاں کے واسطے ہے تیری غمخواری عذاب

 میری جاں کے واسطے ہے تیری غمخواری عذاب

ہو رہا ہے روز میری روح پر طاری عذاب

اک طرف تو تیرا غم ہے اک طرف تنہائیاں

جھیلنا پڑتا ہے جاناں مجھ کو دو دھاری عذاب

خواب میں دیدار تیرا ہورہا تھا خیر سے

لگ رہی ہے مجھ ہی اب میری بیداری عذاب

یاد آتا ہے وہ بھولے ہوئے خوابوں کی طرح

 یاد آتا ہے وہ بھولے ہوئے خوابوں کی طرح

کاش تعبیر بھی ہو جائے گلابوں کی طرح

تجھ کو شاید نہ خبر ہو کے تِرے چہرے پہ

حال دل پڑھ لیا میں نے بھی کتابوں کی طرح

میں نے اے دل یہی چاہا تھا کہ وقتِ رخصت

اشک حائل نہ ہو آنکھوں پہ نقابوں کی طرح

بجلیوں کا کرم ہوا کہ نہیں

 بجلیوں کا کرم ہوا کہ نہیں

پھر کوئی آشیاں جلا کے نہیں

جا رہا تھا جو اپنی دُھن میں مگن

میری آرزو پہ روکا کہ نہیں

اس کے آنے سے آج محفل میں

شور محشر سا اک بپا کہ نہیں

نظریں خرید لوں کہ نظارہ خرید لوں

 نظریں خرید لوں کہ نظارا خرید لوں

بتلاؤ کیا میں تم سے تمہارا خرید لوں

کچھ بھی بچا کہ رکھوں نہ غیروں کے واسطے

سب کچھ میں آج تم سے تمہارا خرید لوں

نقد و ادھار جیسے بھی ہو دل کا حکم ہے

تم سے میں تم کو سارا کہ سارا خرید لوں

تیری عنایتوں کی زبانی زمین پر

 تیری عنایتوں کی زبانی زمین پر

بکھری پڑی ہے کتنی کہانی زمین پر

جگنو کی خواہشات کی تکمیل کے لیے

خوشبو بکھیرے رات کی رانی زمین پر

اے آسمان! دل میں چھپا کر تِری طلب

ہم نے گزار دی ہے جوانی زمین پر

حیرت سے تک رہے ہیں یہ شمش و قمر مجھے

 حیرت سے تک رہے ہیں یہ شمش و قمر مجھے

لگ جائے پھر نہ آج کسی کی نظر مجھے

کیوں ہچکیاں ستاتی ہے شام و سحر مجھے

کرتا ہے کون یاد یہاں اس قدر مجھے?

اے خوشبوؤ! بتاؤ انہیں کہ میں کون ہوں

پہجانتے نہیں ہیں یہ دیوار و در مجھے