ہیں آج بھی کچھ کام پہ مزدور ہمارے

 یوم مئی یوم مزدور پہ

چہرے ہیں ندامت سے شرابور ہمارے 

ہیں آج بھی کچھ کام پہ مزدور ہمارے

غربت کے پسینے سے بدن ڈھانپ رہے ہیں 

کچھ اتنی تھکاوٹ ہے کہ سب ہانپ رہے ہیں 

بے کار ہیں سب عنبر و کافور ہمارے 

ہیں آج بھی کچھ کام پہ مزدور ہمارے

کون کہتا ہے کہ تصویر میں کم آتا ہے

 کون کہتا ہے کہ تصویر میں کم آتا ہے

آنکھ کا خواب ہی تعبیر میں کم آتا ہے

آپ چل کر میں تِرے دل کی طرف کیا جاتا

یہ علاقہ مِری جاگیر میں کم آتا ہے

مجھ پہ یوں چھاوں نہ کر آ کے گھٹا کی صورت

دل مِرا زلفِ گِرہ گیر میں کم آتا ہے

کیا بتاؤں کہ کس مکان سے ہوں

 کیا بتاؤں کہ کس مکان سے ہوں

میں زمیں پر بھی آسمان سے ہوں

عشق میں کیسے جھوٹ بولوں میں

روزہ رکھی ہوئی زبان سے ہوں

تُو اندھیرے میں دیکھ حُسن مِرا

میں چراغوں کے خاندان سے ہوں

عذاب جان کا یا رب یوں امتحان نہ ہو

 عذابِ جان کا یا رب یوں امتحان نہ ہو

خزاں کا پھول بہاروں کے درمیان نہ ہو

زرا سی دیر کوئی مسکرا دیا ہے تو کیا

اب اس قدر بھی مِری جان خوشگمان نہ ہو

کہیں زمیں پہ کوئی راستہ بتا ایسا

کہ ساری عمر چلوں جس پر اور تھکان نہ ہو

پہلے چادر یہ سر پہ تان کے دیکھ

 پہلے چادر یہ سر پہ تان کے دیکھ

پھر، سبھی رنگ آسمان کے دیکھ

عشق میں کیسی حجتیں جاناں؟

میں نے جو کچھ كہا ہے مان کے دیکھ

اپنی مٹی کو زر نہیں کرتا

مجھ سے کہتا ہے خاک چھان کے دیکھ

کسی کے ہجر کی پہلی نشانی لگتی ہے

 ضعیفی اس لیے مجھ کو سہانی لگتی ہے

اسے کمانے میں پوری جوانی لگتی ہے

نتیجہ یہ ہے کہ برسوں تلاشِ ذات کے بعد

وہاں کھڑا ہوں جہاں ریت پانی لگتی ہے

تُو میرے جسم کو چھو کر بتا میں کیسا ہوں

مجھے تو خاک یہ صدیوں پرانی لگتی ہے

پلا دے تو ہی کبھی چش یار ساری شراب

پلا دے تُو ہی کبھی چشم یار ساری شراب

کہ اب مزہ نہیں دیتی ہمیں ہماری شراب

یہ بات بات پہ لڑنے کا کوئی مطلب ہے؟

حضور چاہتی ہے دل کی بے قراری شراب

بچھڑ کے اس سے کہاں اب خماری کا

وہ چشمِ یار کہاں اور کہاں ہماری شراب

محبتوں کے ہر اک سمت شادیانے تھے

محبتوں کے ہر اک سمت شادیانے تھے

گزشتگاں کے زمانے بھی کیا زمانے تھے

سروں پہ رات جو آئی ہمیں خیال آیا

ابھی چراغ ہمیں اور بھی جلانے تھے

میں اس سے اس کا پتہ پوچھ کر بھی کیا کرتا

ہوا کے اپنے بھلا کون سے ٹھکانے تھے

منظر بنا ہوا ہوں نظارے کے ساتھ میں

منظر بنا ہوا ہوں نظارے کے ساتھ میں

کتنی نظر ملاؤں ستارے کے ساتھ میں

دریا سے ایک گھونٹ اٹھانے کے واسطے

بھاگا ہوں کتنی دور کنارے کے ساتھ میں

اک روز اپنے دل سے جھٹک دوں گا تیرا عشق

کھیلوں گا کتنی دیر شرارے کے ساتھ میں

کوچہ عشق میں جو شور اٹھا ہے کوئی

کوچۂ عشق میں جو شور اٹھا ہے کوئی

تیری دہلیز کا دیوانہ ہوا ہے کوئی 

بس یہی سوچ کے میں خود میں سمٹ جاتا ہوں

پسِ دیوار مجھے دیکھ رہا ہے کوئی

میں تو مشکل سے گزر جاتا ہوں آسانی سے

میرے ہمراہ مِری ماں کی دعا ہے کوئی

دستکیں دے کے یہ اندازہ لگایا جائے

دستکیں دے کے یہ اندازہ لگایا جائے

کیسے دیوار میں دروازہ لگایا جائے

خوب تر جس کے خد و خال نہیں ہو سکتے

ایسے پتھر پہ بھی کیا غازہ لگایا جائے

اب ہمیں راس نہیں کوئی پرانی تہمت

ہم پہ الزام کوئی تازہ لگایا جائے

سفر دشوار اور رستہ بہت ہے

سفر دشوار، اور رستہ بہت ہے

سو گم ہونے کا بھی خدشہ بہت ہے

تجھے رخصت کروں گا ہنس کے بیٹی

رلانے کو تِری 🎎 گڑیا بہت ہے

یہ انسانوں کی بستی ہے کہ جنگل

جسے دیکھو وہی لڑتا بہت ہے

نہ ہم برگد نہ ہم پیپل ہیں پھر بھی

ہمارا دھوپ میں سایہ بہت ہے

اس نے فقط سلام کیا زیر لب مجھے

اس نے فقط سلام کیا زیرِ لب مجھے 

دل تک سنائی دینے لگا سب کا سب مجھے

اچھا کِیا ہے گھر میں پرندوں کو پال کر 

کچھ اور رزق دینے لگا میرا رب مجھے

تبدیل کر رہی ہے مِرے دن کو کس لیے 

اے رات دیکھنا ہی نہیں خواب اب مجھے

اک دیا جلتا رہا جس کو منانے کے لیے

اک دیا جلتا رہا جس کو منانے کے لئے 

اب وہ تیار نہیں خواب میں آنے کے لئے

گھوم کر دیکھ لی دنیا بھی مگر یہ نہ کھلا 

کون سا شہر مناسب ہے ٹھکانے کے لئے

لوٹ کر آیا نہیں چھوڑ کے جانے والا 

میں نے آواز تو دی اس کو بلانے کے لئے

تیرے چہرے کے ابھی خواب نہیں دیکھتا میں

تیرے چہرے کے ابھی خواب نہیں دیکھتا میں 

اس لئے رات کو مہتاب نہیں دیکھتا میں

اپنی مٹی کے اجالوں پہ یقیں ہے مجھ کو 

اب چراغوں کی تب و تاب نہیں دیکھتا میں

جو بھی سچ ہو میں اسے منہ پہ کہا کرتا ہوں 

خواہشِ حلقۂ احباب نہیں دیکھتا میں

یہی تو زیست میں سب سے بڑا خسارہ ہوا

یہی تو زیست میں سب سے بڑا خسارہ ہوا 

کہ لوٹ کر کبھی آیا نہ دن گزارا ہوا

پلک جھپکتے ہی بدلے ہیں اس جمال کے رنگ 

میں کیا بتاؤں کہاں کون سا نظارہ ہوا

وفا کے نام پر اس کو غلام چاہیئے تھا 

پھر اس کے ہاتھ کا میری طرف اشارہ ہوا