شاید مری فریاد سنائی نہیں دیتی

 شاید مِری فریاد سنائی نہیں دیتی

قدرت جو مجھے حکم رہائی نہیں دیتی

تھا پہلے بہت شورِ نہاں خانۂ دل میں

اب تو کوئی سسکی بھی سنائی نہیں دیتی

خوابوں کی تجارت میں یہی ایک کمی ہے

چلتی ہے دُکاں خوب، کمائی نہیں دیتی

جانے والے مجھے کچھ اپنی نشانی دے جا

 جانے والے مجھے کچھ اپنی نشانی دے جا

روح پیاسی نہ رہے آنکھ میں پانی دے جا

وقت کے ساتھ خد و خال بدل جاتے ہیں

جو نہ بدلے وہی تصویر پرانی دے جا

تِرے ماتھے پہ مِرا نام چمکتا تھا کبھی

ان دنوں کی کوئی پہچان پرانی دے جا

جانے والے مجھے کچھ اپنی نشانی دے جا

 جانے والے مجھے کچھ اپنی نشانی دے جا

روح پیاسی نہ رہے آنکھ میں پانی دے جا

وقت کے ساتھ خد و خال بدل جاتے ہیں

جو نہ بدلے وہی تصویر پرانی دے جا

تِرے ماتھے پہ مِرا نام چمکتا تھا کبھی

ان دنوں کی کوئی پہچان پرانی دے جا

درد آنسو نہیں بنتا سو تبسم تو بنے

درد آنسو نہیں بنتا سو تبسم تو بنے

کوئی پیرایۂ آغاز تکلم تو بنے

ہے طبیعت میں سکوت ازلی حیرت سا

اس سمندر کی کوئی موج تلاطم تو بنے

کون منظور کرے نام کی دریا بخشی

میں سبو تک نہ بھروں گا کوئی قلزم تو بنے

دکان اور کی ہے اختیار اس کا ہے

دکان اور کی ہے، اختیار اس کا ہے

بہت دنوں سے یہی کاروبار اس کا ہے

بس اس کے نام کا سِکہ ڈھلا نہیں، ورنہ

وزیر اس کے ہیں سب شہریار اس کا ہے

کسی سے کچھ نہیں کہتا سوائے حرفِ دعا

اسی ادا سے ہنر آشکار اس کا ہے

اچھا اگر نہیں تو برا مان لے مجھے

اچھا اگر نہیں تو برا مان لے مجھے

بہتر یہی ہے تو ابھی پہچان لے مجھے

چہرہ بدل لیا ہے رقیبوں کے خوف سے

ایسا نہ ہو کہ پھر کوئی پہچان لے مجھے

انسان ہوں خطاؤں کا پتلا, خیال رکھ

میں نے یہ کب کہا کہ خدا مان لے مجھے

بہت دنوں سے یہی ہو رہا ہے آج ہی کیا

بہت دنوں سے یہی ہو رہا ہے آج ہی کیا

پلک جھپکتے بدل جائے تو سماج ہی کیا

نظر جھکا کے مگر سر اٹھا کے چلتے تھے

رہا نہ شہر کی گلیوں میں وہ رواج ہی کیا

لگائے بیٹھے رہو دوربین آنکھوں سے

ہمارے دیدہ ورو! تم کو کام کاج ہی کیا

شاید مری لے اس کو سنائی نہیں دیتی

شاید مِری لے اس کو سنائی نہیں دیتی

کیوں میری انا مجھ کو رہائی نہیں دیتی

تھا پہلے بہت شور نہاں خانۂ دل میں

اب تو کوئی سِسکی بھی سنائی نہیں دیتی

خوابوں کی تجارت میں یہی ایک کمی ہے

چلتی ہے دکاں خوب، کمائی نہیں دیتی

وہ اب کبھی نہ ملے گا یقین سا کیوں ہے

وہ اب کبھی نہ ملے گا یقین سا کیوں ہے

یہ انتظار کا گھر بے مکین سا کیوں ہے

بسے بسائے ہوئے ہیں یہ گھر زمانوں کے

نظارہ ان کا نئی سر زمین سا کیوں ہے

نہ اس کے حسن کا ثانی نہ اس کی فطرت کا

وہ بے مثال سہی بے یقین سا کیوں ہے

ہم کہاں غیر کا احسان لیا کرتے ہیں

ہم کہاں غیر کا احسان لیا کرتے ہیں

ہاں عزیزوں کا کہا مان لیا کرتے ہیں

دشت سے لا کے بٹھا دیتے ہیں گھر میں ہر دم

شہر والے مجھے پہچان لیا کرتے ہیں

ہم تخیل سے بناتے ہیں خود اپنے قصے

بس تِرے عشق سے عنوان لیا کرتے ہیں

مانا کہ تری ہم نفسی اور ہی کچھ ہے

مانا کہ تِری ہم نفسی اور ہی کچھ ہے

لیکن مِری دنیا میں کمی اور ہی کچھ ہے

ہر آن بدلتے ہوئے منظر نے دکھایا

کچھ اور ابھی تھا جو ابھی اور ہی کچھ ہے

ہم خیر سے دنیا کو بناتے رہے جنت

اب غور سے دیکھا تو بنی اور ہی کچھ ہے

آگ پوری کہاں بجھی ہے ابھی

آگ پوری کہاں بجھی ہے ابھی

دیدۂ تر میں تشنگی ہے ابھی

دوستوں سے چکا رہا ہوں حساب

دشمنوں سے کہاں ٹھنی ہے ابھی

دوست کہہ کر مجھے نہ دے گالی

دل پہ اک زخمِ دوستی ہے ابھی

ستارے توڑ کے دیتا ہے آفتاب مجھے

ستارے توڑ کے دیتا ہے آفتاب مجھے

دکھا رہا ہے وہ چہرہ عجیب خواب مجھے

میں ایک قطرۂ شبنم ہوں دامنِ گل پر

اٹھاۓ سیکڑوں نیزوں سے آفتاب مجھے

میں اپنے آپ میں پہلے تو یوں اسیر نہ تھا

ملا ہے کب کے گناہوں کا یہ عذاب مجھے

تشنگی اپنی بجھانے کے لیے جب گئے ہیں

تشنگی اپنی بجھانے کے لیے جب گئے ہیں
دَشت بے چارے سمندر کے تَلے دَب گئے ہیں
کوچ کرنے کی گھڑی ہے، مگر اے ہمسفرو
ہم ادھر جا نہیں سکتے جدھر سب گئے ہیں
غیر شائستۂ آدابِ 💗محبت💗 نہ سہی

ہم تِرے ہِجر کے آزار میں مر کب گئے ہیں

میں تو سایہ ہوں گھٹاؤں سے اترنے والا

میں تو سایہ ہوں گھٹاؤں سے اترنے والا
ہے کوئی پیاس کے صحرا سے گزرنے والا
تُو سمجھتا ہے مجھے حرفِ مکرّر، لیکن
میں صحیفہ ہوں تِرے دل پہ اترنے والا
تُو مجھے اپنی ہی آواز کا پابند نہ کر
میں تو نغمہ ہوں فضاؤں میں بِکھرنے والا