انگڑائیوں میں پھیلتے ہیں بار بار ہاتھ

انگڑائیوں میں پھیلتے ہیں بار بار ہاتھ

شیشہ کی سمت بڑھتے ہیں بے اختیار ہاتھ 

ڈوبے ہیں ترک سعی سے افسوس تو یہ ہے 

ساحل تھا ہاتھ بھر پہ لگاتے جو چار ہاتھ 

آتی ہے جب نسیم تو کہتی ہے موج بحر 

یوں آبرو سمیٹ اگر ہوں ہزار ہاتھ 

جنوں کے ولولے جب گھٹ گئے دل میں نہاں ہو کر

جنوں کے ولولے جب گھٹ گئے دل میں نہاں ہو کر

تو اٹھے ہیں دھواں ہو کر، گرے ہیں بجلیاں ہو کر

کچھ آگے بڑھ چلی سامانِ راحت لامکاں ہو کر

فلک پیچھے رہا جاتا ہے گردِ آسماں ہو کر

کسی دن تو چلے اے آسماں بادِ مراد ایسی

کہ اتریں کشتئ مے پر گھٹائیں بادباں ہو کر

کیا کہیں کس سے پیار کر بیٹھے

کیا کہیں کس سے پیار کر بیٹھے

اپنے دل کو فگار کر بیٹھے

صبر کی اک قبا جو باقی تھی

اس کو بھی تار تار کر بیٹھے

آج پھر ان کی آمد آمد ہے

ہم خزاں کو بہار کر بیٹھے

چمکا خدا کا نور عرب کے دیار میں

چمکا خدا کا نور عرب کے دیار میں

پھیلی شعاع ہند میں چین و تتار میں

پہنچا ستارہ اوج پہ دینِ حسین کا

اب تک تھا گردشِ فلکِ کج مدار میں

چونکیں ذرا یہود و نصاریٰ تو خواب سے

آئی نسیم صبحِ شبِ انتظار میں

اتنا ہی شکر نعمت و راحت میں چاہیۓ

اتنا ہی شکر نعمت و راحت میں چاہئے

جتنا کہ صبر رنج و مصیبت میں چاہئے

جتنی شراب محفلِ عشرت میں چاہئے

اتنا ہی خونِ دل غمِ فرقت میں چاہئے

مے کش ہو رندِ مست  ہو شاہد پرست ہو

ہاں سمعہ و ریانہ عبادت میں چاہئے

ساقیا خالی نہ جائے ابر یہ آیا ہوا

ساقیا! خالی نہ جائے ابر یہ آیا ہُوا

ہو رہے ہیں سرخ شیشے، دل ہے للچایا ہوا

داغِ دل چمکا جو اس کے طالبِ دیدار کا

جھلملاتا ہے چراغِ طور، شرمایا ہوا

عاشقوں کو ڈھونڈتے پھرتے ہو کیا محشر میں بھی

دھوپ میں پھرنے سے ہے کچھ رنگ سنولایا ہوا

اڑا کر کاگ شیشہ سے مے گلگوں نکلتی ہے

اڑا کر کاگ شیشہ سے مۓ گلگوں نکلتی ہے

شرابی جمع ہیں مے خانہ میں ٹوپی اچھلتی ہے

بہارِ مے کشی آئی، چمن کی رت بدلتی ہے

گھٹا مستانہ اٹھتی ہے ہوا مستانہ چلتی ہے

زخود رفتہ طبیعت کب سنبھالے سے سنبھلتی ہے

نہ بن آتی ہے ناصح سے، نہ کچھ واعظ کی چلتی ہے

ہے آشنا وہ جو کہنے پہ آشنا کے چلے​

بسان نگہتِ گل ساتھ ہم صبا کے چلے​

ہے آشنا وہ جو کہنے پہ آشنا کے چلے​

فضائے دیر میں ہم مثلِ برق آ کے چلے​

تڑپ کے کاٹ دیا وقت مسکرا کے چلے​

روا روی میں ہیں ہم سن لو قافلے والو​

کہ جس کو ساتھ ہو دینا قدم اٹھا کے چلے​

پرسش جو ہو گی تجھ سے جلاد کیا کرے گا

پُرسش جو ہو گی تجھ سے جلاد کیا کرے گا

لے خون میں نے بخشا تُو یاد کیا کرے گا

ہوں دام میں پر افشاں اور سادگی سے حیراں

کیوں تیز کی ہیں چھریاں صیاد کیا کرے گا

ظالم یہ سوچ کر اب دیتا ہے بوسۂ لب

جب ہونٹ سی دیئے پھر فریاد کیا کرے گا

زندگی کیا ہے اک افسانہ کا دہرا جانا

زندگی کیا ہے اک افسانہ کا دُہرا جانا

موت کہتے ہیں کسے زیست سے اکتا جانا

یاد ہے بزمِ مسرت میں تِرا آ جانا

جلوۂ حسن سے وہ شمع کا شرما جانا

کبھی آنے نہ دیا خاطرِ نازک پر ملال

مجھے دیکھا نہ گیا پھول کا کمہلا جانا

سوا جلوہ کے تیرے اور میرے دل میں کیا ہوتا

سوا جلوہ کے تیرے اور میرے دل میں کیا ہوتا

سمجھتا اس کو بت خانہ، جو نقش ماسوا ہوتا

کسی کا ذکر کر کے اس قدر لی چٹکیاں میں نے

گلِ خود رو چمن میں ہنستے ہنستے رو دیا ہوتا

وہ برہم ہو گئے، زلفیں ذرا رخ سے جو سرکائیں

خطا گر اور کچھ ہوتی، نہیں معلوم کیا ہوتا؟