کر لوں گا جمع دولت و زر اس کے بعد کیا

 ‎کر لوں گا جمع دولت و زر، اس کے بعد کیا

‎لے لوں گا شاندار سا گھر، اس کے بعد کیا

‎مے کی طلب جو ہو گی تو بن جاؤں گا میں رند

‎کر لوں گا مے کدوں کا سفر، اس کے بعد کیا

‎ہو گا جو شوق حسن سے راز و نیاز کا

‎کر لوں گا گیسوؤں میں سحر، اس کے بعد کیا

وہ ستمگر ہے خیالات سمجھنے والا

وہ ستم گر ہے خیالات سمجھنے والا

مجھ سے پہلے مِرے جذبات سمجھنے والا

میں نے رکھا ہے ہمیشہ ہی تبسم لب پر

رو دیا کیوں مِرے حالات سمجھنے والا

جو نہ سمجھے تیری منزل وہ یوں ہی چلتا رہا

رک گیا تیرے مقامات سمجھنے والا

تیرے خوابوں میں محبت کی دہائی دوں گا

تیرے خوابوں میں محبت کی دہائی دوں گا

جب کوئی اور نہ ہو گا تو دکھائی دوں گا

میری دنیا میں فقط ایک "خدا" کافی ہے

دوستو! کتنے خداؤں کو خدائی دوں گا

دل کو میں قیدِ قفس سے تو بچا لے آیا

کب اسے قیدِ نشیمن سے رہائی دوں گا

چھوٹی سی بے رخی پہ شکایت کی بات ہے

چھوٹی سی بے رخی پہ شکایت کی بات ہے

اور وہ بھی اس لیے کہ محبت کی بات ہے

“میں نے کہا کہ ”آۓ ہو کتنے دنوں کے بعد

“کہنے لگے ”حضور یہ فرصت کی بات ہے

“میں نے کہا کہ ”مل کے بھی ہم کیوں نہ مل سکے

“کہنے لگے ”حضور یہ قسمت کی بات ہے

دنیا میں پی کے خلد میں توبہ کریں گے ہم

یا رب تِرے کرم سے یہ سودا کریں گے ہم

دنیا میں پی کے خُلد میں توبہ کریں گے ہم

یوں رسمِ حسن و عشق کو رسوا کریں گے ہم

تم منتظر رہو گے،۔ نہ آیا کریں گے ہم

آئینے میں خود اپنا تماشا کریں گے ہم

یوں بھی شبِ فراق گزارا کریں گے ہم

ڈم ڈم ڈیگا ڈیگا موسم بھیگا بھیگا

فلمی گیت

ڈم ڈم ڈِیگا ڈِیگا، موسم بھیگا بھیگا

بِن پیۓ میں تو گِرا، میں تو گِرا

میں تو گِرا، ہائے اللہ

صورت آپ کی سبحان اللہ

تیری ادا واہ، واہ، کیا بات ہے

اکھیاں جھکی جھکی، باتیں رکی رکی

دیکھو کوئی رے آج لٹ گیا، ہائے اللہ

صورت آپ کی سبحان اللہ

ایک پردیسی میرا دل لے گیا جاتے جاتے میٹھا میٹھا غم دے گیا

فلمی گیت

ایک پردیسی میرا دل لے گیا، جاتے جاتے میٹھا میٹھا غم دے گیا

کون پردیسی تیرا دل لے گیا، موٹی موٹی اکھیوں میں آنسو دے گیا

میرے پردیسیا کی یہی ہے نشانی، اںکھیاں بلور کی شیشے کی جوانی

ٹھنڈی ٹھنڈی آہوں کا سلام دے گیا، جاتے جاتے میٹھا میٹھا غم دے گیا

کون پردیسی تیرا دل لے گیا، موٹی موٹی اکھیوں میں آںسو دے گیا

ڈھونڈ رہے ہیں لاکھوں دل والے، کر دے او گوری انکھیوں سے اجالے

انکھیوں کا اجالا پر دیسی لے گیا، جاتے جاتے میٹھا میٹھا غم دے گیا

کون پردیسی تیرا دل لے گیا، موٹی موٹی اکھیوں میں آنسو دے گیا

واعظ نہ سنے گا ساقی کی لالچ ہے اسے پیمانے کی

واعظ نہ سنے گا ساقی کی، لالچ ہے اسے پیمانے کی

مجھ سے ہوں اگر ایسی باتیں، میں نام نہ لوں میخانے کا

کیا جانے کہے گا کیا آ کر، ہے دور یہاں پیمانے کا

اللہ کرے واعظ کو کبھی، رستہ نہ ملے مۓ خانے کا

جنت میں پئے گا تو کیوں کر، اے شیخ یہاں گر مشق نہ کی

اب مانے نہ مانے تیری خوشی، ہے کام مِرا سمجھانے کا

یار آتا نظر نہیں آتا

یار آتا نظر نہیں آتا

درد جاتا نظر نہیں آتا

جھولی پھیلا چکے محبت کی

کوئی داتا نظر نہیں آتا

اب تو کوئی بھی کُوئے الفت میں

آتا جاتا نظر نہیں آتا 

میں تو اک خواب ہوں اس خواب سے تو پیار نہ کر

فلمی گیت

میں تو اک خواب ہوں اس خواب سے تُو پیار نہ کر
پیار ہو جائے تو پھر پیار کا اظہار نہ کر
میں تو اک خواب ہوں ۔۔۔۔۔

یہ ہوائیں کبھی چپ چاپ چلی جائیں گی
لوٹ کے پھر کبھی گلشن میں نہیں آئیں گی
اپنے ہاتھوں میں خوابوں کو گرفتار نہ کر
میں تو اک خواب ہوں ۔۔۔۔۔

وہ پاس رہیں یا دور رہیں نظروں میں سمائے رہتے ہیں

فلمی گیت

وہ پاس رہیں یا دور رہیں نظروں میں سمائے رہتے ہیں
اتنا تو بتا دے کوئی ہمیں کیا پیار اسی کو کہتے ہیں
وہ پاس رہیں یا دور رہیں نظروں میں۔۔۔

چھوٹی سی بات محبت کی اور وہ بھی کہی نہیں جاتی
کچھ وہ شرمائے رہتے ہیں کچھ ہم شرمائے رہتے ہیں
وہ پاس رہیں یا دور رہیں نظروں میں سمائے رہتے ہیں
اتنا تو بتا دے کوئی ہمیں کیا پیار اسی کو کہتے ہیں

ان کی طرف سے ترک ملاقات ہو گئی

ان کی طرف سے ترکِ ملاقات ہو گئی

ہم جس سے ڈر رہے تھے وہی بات ہو گئی

آئینہ دیکھنے میں نئی بات ہو گئی

ان سے ہی آج ان کی ملاقات ہو گئی

طے ان سے روزِ حشر ملاقات ہو گئی

اتنی سی بات کتنی بڑی بات ہو گئی

جمال رخ پہ ٹھہرتی نہیں نظر پھر بھی

جمالِ رخ پہ ٹھہرتی نہیں نظر پھر بھی

اتاری جاتی ہے ان کی نظر مگر پھر بھی

کوئی ٹھکانہ ہے شاید بدگمانی کا

قفس میں قید ہوں کاٹے ہیں میرے پر پھر بھی

ملال کر دلِ مضطر! نہ ان کے جانے کا

خُدا نے چاہا تو آئیں گے وہ اِدھر پھر بھی