کہنے لگا یہ غار حرا کوہ طور سے

 عارفانہ کلام حمد نعت منقبت

کہنے لگا یہ، غارِ حِرا، کوہِ طُور سے

مِلنے کا اشتیاق تو ہو گا، حضورؐ سے

کیسے مِلائے نُور سے نظریں، یہ رُوسیاہ

تکتا ہوں اُنؐ کا روضہ مگر دُور دُور سے

انسان، رب کو سب سے زیادہ عزیز ہے

ظاہر ہُوا یہ راز انہیؐ کے ظہور سے

کہنے لگا یہ غار حرا کوہ طور سے

 عارفانہ کلام حمد نعت منقبت

کہنے لگا یہ، غارِ حرا، کوہِ طُور سے

مِلنے کا اشتیاق تو ہو گا، حضورؐ سے

کیسے مِلائے نُور سے نظریں، یہ رُوسیاہ

تکتا ہوں اُنؐ کا روضہ مگر دُور دُور سے

انسان، رب کو سب سے زیادہ عزیز ہے

ظاہر ہُوا یہ راز انہیؐ کے ظہور سے 

رگوں سے یاد کا نیلا لہو نچوڑتا ہوں

 رگوں سے یاد کا نیلا لہو نچوڑتا ہوں

میں باغِ ہجر سے ہر شام پھول توڑتا ہوں

یہ اور بات کبھی جاگتے نہیں ہیں ہم

اُسے ہلاتا ہوں، خود کو کبھی جھنجوڑتا ہوں

کوئی بھی چاہے تو آسانی سے چھڑا لے جائے

اب ایک ہاتھ پکڑتا ہوں ایک چھوڑتا ہوں

دفعتاً گال پہ اک بوند گری ٹوٹ گئی

 دفعتاً گال پہ اک بوند گِری، ٹُوٹ گئی

کیسے خاموش چھناکے سے ہنسی ٹوٹ گئی

کون سمجھاتا کہ یوں وقت کہاں لوٹتا ہے

سُوئیاں اتنی گُھمائیں کہ گھڑی ٹوٹ گئی

چاپ لگتی رہی قدموں کی، ہتھوڑوں کی طرح

تُو گیا اور مِرے گھر کی گلی ٹوٹ گئی

سنگ کی طرح سماعت پہ ہنسی لگتی ہے

 سنگ کی طرح سماعت پہ ہنسی لگتی ہے

خیر اب چُپ بھی کہاں مجھ کو بھلی لگتی ہے

دوسرے رنگ نظر ہی نہیں آتے مجھ کو

زرد ایسا ہوں کہ ہر چیز ہری لگتی ہے

ایک ہی عمر ہے دونوں کی مگر دیکھنے میں

میری تنہائی ذرا مجھ سے بڑی لگتی ہے

کرچیاں اتنی ہیں کم کم نظر آتا ہے مجھے

 کرچیاں اتنی ہیں، کم کم نظر آتا ہے مجھے

خواب کیا ٹوٹے کہ مدھم نظر آتا ہے مجھے

ہاتھ سے کرتا ہوں محسوس خد و خالِ طرب

کیسا اندھا ہوں کہ بس غم نظر آتا ہے مجھے

بوکھلایا ہوا پھرتا ہوں میں آنکھیں میچے

بیٹھے بیٹھے کوئی یک دم نظر آتا ہے مجھے

نکالنے کو وہی روز و شب دفینے سے

 نکالنے کو وہی روز و شب دفینے سے

اتر رہا ہوں دبے پاؤں زینے زینے سے

خبر نہ تھی کہ جھکا دے گا میرے شانوں کو

جو بوجھ گھٹتا چلا جا رہا تھا سینے سے

سمندروں پہ مِری حکمرانی چلتی تھی

پھر ایک جل پری ٹکرا گئی سفینے سے

میں نے ہونٹوں سے اسے دیکھا بہت

گرچہ کمرے میں اندھیرا تھا بہت

میں نے ہونٹوں سے اسے دیکھا بہت

کب تلک آباد رہتیں کشتیاں

مجھ میں دریا کم تھے اور صحرا بہت

آئینہ دیکھا تو مایوسی ہوئی

میں تو اب بھی ویسا ہوں تھوڑا بہت

وقت کر دے نہ کہیں داغ میں تبدیل مجھے

وقت کر دے نہ کہیں داغ میں تبدیل مجھے

دیکھ! بھرتا چلا جاتا ہوں ابھی چھیل مجھے

جمع کرتا ہوں یہ رس کانٹوں سے قطرہ قطرہ

اتنی آساں بھی نہیں رنج کی تحصیل مجھے

کبھی دیوار سے تصویر اتاری تھی کوئی

اب کہیں دیکھوں تو چبھتی ہے کوئی کیل مجھے

وقت ہی اتنا لگا شام کی مسماری میں

وقت ہی اتنا لگا شام کی مسماری میں

صبح بھی خرچ ہوئی رات کی تیاری میں

کتنی مشکل سے ملی مجھ کو کلیدِ درِ چشم

اور اب دیکھا تو کچھ بھی نہیں الماری میں

اس کو تکنا تھا کہ آنکھوں کی تھکن ختم ہوئی

آخرش نیند مکمل ہوئی بیداری میں

سانس کی دھار ذرا گھستی ذرا کاٹتی ہے

سانس کی دھار ذرا گھِستی ذرا کاٹتی ہے

کیا درانتی ہے کہ خود فصلِ فنا کاٹتی ہے

ایک تصویر جو دیوار سے الجھی تھی کبھی

اب مِری نظروں میں رہنے کی سزا کاٹتی ہے

تیری سرگوشی سے کٹ جاتا ہے یوں سنگِ سکوت

جس طرح حبس کے پتھر کو ہوا کاٹتی ہے

زندگی گھٹنے کی رفتار بڑھی ہے کہ نہیں

زندگی گھٹنے کی رفتار بڑھی ہے کہ نہیں

یہ بتانے کے لیے کوئی گھڑی ہے کہ نہیں

شور سے محض خموشی ہی نہ ٹوٹی ہو گی

جانے کمرے میں کوئی چیز بچی ہے کہ نہیں

پیڑ کے کان میں اک بات کہی تھی میں نے

پھول بکھرے کہ نہیں، شاخ کٹی ہے کہ نہیں

میں جی رہا ہوں کہ ماتم بھی ہو چکا میرا

میں جی رہا ہوں کہ ماتم بھی ہو چکا میرا

سنا ہے جان بہ لب تھا ،سو کیا بنا میرا

بس اپنی منزلِ گمنام تک پہنچ لوں میں

یہ راہ ڈھونڈتی آئے گی پھر پتا میرا

تجھے کہا نا اداسی کی وجہ کوئی نہیں

خدا کا واسطہ ہے یار! سر نہ کھا میرا

اس سے پہلے کہ در صبح پہ مارے جائیں

اس سے پہلے کہ درِ صبح پہ مارے جائیں

کچھ ستارے مِرے سینے سے گزارے جائیں

بار بار آنکھوں سے گزرے وہ ادھورا چہرہ

نام تک یا د نہ ہو،۔ اور پکارے جائیں

سرد موسم کی ہواؤں سے الجھتے ہوئے پات

میں سہاروں انہیں وہ مجھ کو سہارے جائیں

آنکھیں اپنی تھیں غم اپنا تھا نمی اپنی تھی

آنکھیں اپنی تھیں، غم اپنا تھا، نمی اپنی تھی

ہونٹ جس کےبھی تھے لیکن وہ ہنسی اپنی تھی

ہر طرف چہرے تھے، کھلتے ہوئے روشن چہرے

اور ان پھولوں میں اک بند کلی اپنی تھی

یونہی لڑتے رہے لمحوں کی کمی بیشی پر

وقت اپنا تھا کسی کا نہ گھڑی اپنی تھی

سینہ کوبی سے ہوئی حوصلہ افزائی بھی

سینہ کوبی سے ہوئی حوصلہ افزائی بھی

میں تماشا بھی بنا،۔ اور تماشائی بھی

کتنی لہریں تِرے اندر سے رواں تھیں مجھ میں

سو تِرے ساتھ ہوئی کم مِری گہرائی بھی

قفسِ وصل میں سب شور ہمارا تو نہیں

پھڑپھڑاتا ہے بہت، طائرِ تنہائی بھی

ایاغ خواب میں آنکھوں کا رس گھولا نہ جائے

ایاغِ خواب میں آنکھوں کا رس گھولا نہ جائے

بہت کچھ دیکھنا چاہوں، مگر دیکھا نہ جائے

تمازت اس قدر ہو اپنے ہونے کے یقیں کی

کسی نخلِ گماں کے سائے میں بیٹھا نہ جائے

یہ جس کروٹ پہ ہم ہیں اس طرف دیواریں کم ہیں

جگہ کتنی ہے گر پہلو کبھی بدلا نہ جائے

اشک کیسے یہ کوئی اور نمی نکلی ہے

اشک کیسے، یہ کوئی اور نمی نکلی ہے

خوش ہی اتنا ہوں کہ آنکھوں سے ہنسی نکلی ہے

اجنبیت بھری آواز، یہ بدلے ہوئے نقش

مسئلہ میرا ہے، بستی تو وہی نکلی ہے

تین حصوں میں بٹا رہتا ہے اب گھر میرا

تیرے آ جانے سے کب تیری کمی نکلی ہے

نہ جانے کب تلک یہ کیفیت طاری رہے گی

نہ جانے کب تلک یہ کیفیت طاری رہے گی

یہ خالی گٹھڑی کتنی دیر تک بھاری رہے گی

تِری آواز کی ٹھوکر ہو یا ضربِ خموشی

کوئی بھی چوٹ ہو میرے لیے کاری رہے گی

دہانے تک پہنچ آئے ہیں کچھ پتھر لڑھک کر

مگر یہ نہر سینے سے یونہی جاری رہے گی

کوئی کرتا ہے کہاں حوصلہ افزائی بھی

کوئی کرتا ہے کہاں حوصلہ افزائی بھی

میں تماشا بھی ہوں اور اس کا تماشائی بھی

کتنی لہریں تھیں جو مشترکہ تھیں ہم دونوں میں

سو تِرے ساتھ ہوئی کم مِری گہرائی بھی

قفسِ وصل میں سب شور ہمارا تو نہیں

پھڑپھڑاتا ہے بہت، طائرِ تنہائی بھی