نہ بڑھ جائے حد سے خبردار دیکھو
یہ تقلیدِ مغرب کی رفتار دیکھو
بچایا جو کچھ سینما میں گنوایا
ذرا قومِ مُسلم کے اطوار دیکھو
اصول اور آئین کا فُقدان یکسر
پھر اس پر عزائم کا طومار دیکھو
عمل کچھ نہیں صرف نخوت ہی نخوت
یہ ہے وجہِ افلاس و ادبار دیکھو
حریفِ مُخالف بنیں گے وہ کیونکر
جو باہم ہیں سرگرمِ پیکار دیکھو
صد افسوس کس طرح بھائی مُسلماں
اخُوّت کو کرتے ہیں اظہار دیکھو
انیسہ ہارون شروانیہ
No comments:
Post a Comment