درونِ دل اگرچہ تیرگی ہے
شبِ ظلمت کے پیچھے روشنی ہے
نہیں مایوس ہونے کی ضرورت
محبت کے نگر میں بے کلی ہے
جہانِ رنگ و بُو کے رُوپ میں سب
غموں کی دُھوپ ہے اور بے بسی ہے
رسائی ہی نہیں ہے آسماں تک
زمیں زادوں کو بس تیری کمی ہے
خدا آباد رکھے ہر قدم پر
جہاں کی زندگی تجھ سے جُڑی ہے
کسی قیمت پہ یہ راضی نہ ہو گی
قسم لے لو یہ دنیا لالچی ہے
کسی کا ہجر تم دل پر نہ لے لو
یہاں ہر چیز سیفی عارضی ہے
اسماعیل سیفی
No comments:
Post a Comment