ہم تو بار غم عشق اٹھا کر چلے

ہم تو بارِ غمِ عشق اٹھا کر چلے

اور جنابِ خضر آپ کیا کر چلے

سارے عالم کو موسٰیؑ بنا کر چلے

ان کے جلوے قیامت بپا کر چلے

رہ گئے دیکھتے آسمان و زمیں

ہم  جو بارِ امانت اٹھا کر چلے

خوشی جانتے ہیں نہ غم جانتے ہیں

خوشی جانتے ہیں نہ غم جانتے ہیں

جو ان کی رضا ہو وہ ہم جانتے ہیں

جو کچھ چار تنکوں کو ہم جانتے ہیں

وہ گلچین و صیاد کم جانتے ہیں

تمہارے ہی جلووں کی ہم روشنی کو

تجلیٔ دَیر و حرم جانتے ہیں

مری ہستی کا جلووں میں ترے روپوش ہو جانا

مِری ہستی کا جلووں میں تِرے روپوش ہو جانا

یہیں تو ہے بس اک قطرہ کا دریا نوش ہو جانا

تمہیں کیا غم، مبارک ہو تمہیں روپوش ہو جانا

ہُوا جاتا ہے افسانہ مِرا بے ہوش ہو جانا

یہ اچھی ابتدا کی آپ نے اے حضرتِ موسیٰ

دمِ دیدار اب لازم ہُوا بے ہوش ہو جانا

ابھی سے عالم ہے بے خودی کا ابھی تو پردہ اٹھا نہیں ہے

خرد ہے مجبور عقل حیراں پتہ کہیں ہوش کا نہیں ہے 

ابھی سے عالم ہے بے خودی کا ابھی تو پردہ اٹھا نہیں ہے 

ہے وہ بھی کوئی جبین سجدہ اٹھے تمہارے جو نقشِ پا سے 

نہ جذب کر لے اگر جبیں کو تمہارا وہ نقشِ پا نہیں ہے 

نظر نظر اک نیا ہے جلوہ نفس نفس اک نئی ہے دنیا 

نگاہ کی پھر بھی انتہا ہے،۔ جمال کی انتہا نہیں ہے 

چھوڑ جانے کی وہ جرأت بھی نہیں کر سکتا

چھوڑ جانے کی وہ جرأت بھی نہیں کر سکتا

بوڑھی رسموں سے بغاوت بھی نہیں کر سکتا

تو مِری جاں ہے مگر، ہے تو طوائف ہی ناں

میں تِری کھل کے حمایت بھی نہیں کر سکتا

وہ جسے پوجتے اک عمر گزاری ہم نے

کیا وہ اک بار عنایت بھی نہیں کر سکتا

فلک سے ٹوٹے ستارے کا دکھ سمجھتے ہو

فلک سے ٹوٹے ستارے کا دکھ سمجھتے ہو

خود اپنی ذات سے ہارے کا دکھ سمجھتے ہو

شجر لگانے پہ "دریا" نے ایک بات کہی

تمہی تو ہو جو کنارے کا "دکھ" سمجھتے ہو

تمہیں حساب پہ ہے کتنی دسترس، لیکن

محبتوں میں خسارے کا دکھ سمجھتے ہو

ہم بگولے کہ ہوا ہیں یارو

کوئی بتلائے کہ کیا ہیں یارو

ہم بگولے کہ ہوا ہیں یارو

تنگ ہے وسعت صحرائے جنوں

ولولے دل کے سوا ہیں یارو

سرد و بے رنگ ہے ذرہ ذرہ

گرمئ رنگ صدا ہیں یارو

وہ بے نیاز مجھے الجھنوں میں ڈال گیا

وہ بے نیاز مجھے الجھنوں میں ڈال گیا

کہ جس کے پیار میں احساسِ ماہ و سال گیا

ہر ایک بات کے یوں تو دئیے جواب اس نے

جو خاص بات تھی ہر بار ہنس کے ٹال گیا

کئی سوال تھے جو میں نے سوچ رکھے تھے

وہ آ گیا تو مجھے بھول ہر سوال گیا

سبھی کی راہ دیا اب جلانا لازم ہے

سبھی کی راہ دیا اب جلانا لازم ہے 

یہ دور وہ ہے کہ ہنسنا ہنسانا لازم ہے 

خدا کی یاد بھی لازم ہے اس گھڑی لیکن 

خدا کے بندوں کی ہمت بڑھانا لازم ہے

ہے احتیاط ہی واحد علاج بستی کا

بس اس کے ساتھ ترا مسکرانا لازم ہے

چار دن احتیاط کر لیجے

دشمنِ جاں کو مات کر لیجے

چار دن احتیاط کر لیجے

اپنے گھر کے حسیں مکینوں کو

اپنی کل کائنات کر لیجے

رحم خود پر اگر نہیں آتا

اپنے بچوں کے ساتھ کر لیجے

درگزر میری ہر خطا کر دے

درگزر میری ہر خطا کر دے

بے سکوں ہوں سکوں عطا کر دے

میرے لب پر وہی دعا کر دے

جو معطل مِری سزا کر دے

جو نہ بھولے کبھی تجھے اک پل

حافظہ وہ مجھے عطا کر دے