اور اس سے قبل کہ حرف یقیں گماں ہو جائے

 عارفانہ کلام حمد نعت منقبت

اور اِس سے قبل کہ حرفِ یقیں گماں ہو جائے

تِری نظر کی طلب ہے،۔اگر یہاں ہو جائے

یہ وہ کمال نہیں ہے،۔ زوال ہو جس کو

یہ وہ چراغ نہیں ہے کہ جو دھواں ہو جائے

یہ میرا دل ہے، گلستاں بھی اِس میں، صحرا بھی

یہ تیری بارشِ رحمت پہ ہے، جہاں ہو جائے

دنیا کی بنیادیں رکھنے والا شخص

 عارفانہ کلام حمد نعت منقبت

دنیا کی بنیادیں رکھنے والا شخص

دور کہیں اک غار میں بیٹھا تنہا شخص

سب تاریخیں اس میں گم ہو جاتی ہیں

دنیا کی تاریخ میں ہے اک ایسا شخص

پہلے کے اور بعد کے سب قانون حذف

آخری خطبہ دینے والا پہلا شخص

جانے ہم یہ کن گلیوں میں خاک اڑا کر آ جاتے ہیں

 جانے ہم یہ کن گلیوں میں خاک اڑا کر آ جاتے ہیں 

عشق تو وہ ہے جس میں ناموجود میسر آ جاتے ہیں 

جانے کیا باتیں کرتی ہیں دن بھر آپس میں دیواریں 

دروازے پر قُفل لگا کر ہم تو دفتر آ جاتے ہیں 

کام مکمل کرنے سے بھی شام مکمل کب ہوتی ہے 

ایک پرندہ رہ جاتا ہے، باقی سب گھر آ جاتے ہیں 

چرچ کی سیڑھیاں وائلن پر کوئی دھن بجاتا ہوا

 چرچ کی سیڑھیاں، وائلن پر کوئی دُھن بجاتا ہوا

دیکھتا ہے مجھے،۔ اِک ستارہ کہیں ٹمٹماتا ہوا

ڈوب جاتا ہوں، پھِر اُڑنے لگتا ہوں، پِھر ڈوب جاتا ہوں میں

اِک پری کو کسی جل پری کی کہانی سناتا ہوا

میں خدا سے تو کہہ سکتا ہوں؛ دیکھ، سُن، پر خلا سے نہیں

اپنے اندر ہی پھر لوٹ جاتا ہوں میں، باہر آتا ہوا

کس کو سمجھائیں کہ حضرت سمجھو

 کس کو سمجھائیں کہ حضرت سمجھو

دل کو دنیا کی طرح مت سمجھو

تم مجھے کچھ بھی سمجھ سکتے ہو

کچھ نہیں ہوں تو غنیمت سمجھو

یہ جو دریا کی خموشی ہے اِسے

ڈوب جانے کی اجازت سمجھو

پیڑوں سے بات چیت ذرا کر رہے ہیں ہم

 پیڑوں سے بات چیت ذرا کر رہے ہیں ہم

نادیدہ دوستوں کا پتا کر رہے ہیں ہم

دل سے گزر رہا ہے کوئی ماتمی جلوس

اور اس کے راستے کو کھلا کر رہے ہیں ہم

اک ایسے شہر میں ہیں جہاں کچھ نہیں بچا

لیکن اک ایسے شہر میں کیا کر رہے ہیں ہم

مجھ کو یہ وقت وقت کو میں کھو کے خوش ہوا

مجھ کو یہ وقت، وقت کو میں، کھو کے خوش ہوا

کاٹی نہیں وہ فصل، جسے بو کے خوش ہوا

وہ رنج تھا، کہ رنج نہ کرنا محال تھا

آخر میں ایک شام، بہت رو کے خوش ہوا

صاحب، وہ بُو گئی، نہ وہ نشہ ہوا ہُوا

اپنے تئیں میں جام و سبو دھو کے خوش ہوا

سارا باغ الجھ جاتا ہے ایسی بے ترتیبی سے

سارا باغ الجھ جاتا ہے ایسی بے ترتیبی سے

مجھ میں پھیلنے لگ جاتی ہے خوشبو اپنی مرضی سے

ہر منظر کو مجمع میں سے یوں اٹھ اٹھ کر دیکھتے ہیں

ہو سکتا ہے شہرت پا لیں ہم اپنی دلچسپی سے

ان آنکھوں سے دو اک آنسو ٹپکے ہوں تو یاد نہیں

ہم نے اپنا وقت گزارا ہر ممکن خاموشی سے

ہم جانا چاہتے تھے جدھر بھی نہیں گئے

ہم جانا چاہتے تھے جدھر بھی، نہیں گئے

اور انتہا تو یہ ہے کہ گھر بھی نہیں گئے

وہ خواب جانے کیسے خرابے میں گم ہوئے

اس پار بھی نہیں ہیں، اُدھر بھی نہیں گئے

صاحب! تمہیں خبر ہی کہاں تھی کہ ہم بھی ہیں

ویسے تو اب بھی ہیں، کوئی مر بھی نہیں گئے

اسٹیشن پر آتی جاتی گاڑی کی آواز

شجاع آباد

اسٹیشن پر آتی جاتی گاڑی کی آواز

جیسے اگلی پچھلی، ساری، صدیوں کی ہمراز

نامقبول دعاؤں جیسے بڑھتے یکہ بان

اور مسافر آنے والے، جیسے رب کا دھیان

ٹوٹی پھوٹی، اونچی نیچی، ناہموار سڑک

گزرے وقت کی گرد پڑی ہے جس پہ دور تلک

نکلا ہوں شہر خواب سے ایسے عجیب حال میں

نکلا ہوں شہرِ خواب سے، ایسے عجیب حال میں

غرب مِرے جنوب میں، شرق مِرے شمال میں

کوئی کہیں سے آئے اور مجھ سے کہے کہ زندگی

تیری تلاش میں ہے دوست بیٹھا ہے کس خیال میں

ڈھونڈتے پھر رہے ہیں سب میری جگہ مِرا سبب

کوئی ہزار میل میں، کوئی ہزار سال میں

شب بھر یہ ہم تھے اور وہ ماہ تمام تھا

شب بھر، یہ ہم تھے اور وہ ماہِ تمام تھا

دل نے جو کر دیا ہے، سمندر کا کام تھا

دریا تو اپنی موج میں جانے کہاں گیا

دل میں وہ پھول ہے جو کناروں پہ عام تھا

رنجِ سفر میں ایک سے تھے، دشت و آبجو

رستے میں جو بھی تھا، وہ دعا کا مقام تھا

یوں جو پلکوں کو ملا کر نہیں دیکھا جاتا

یوں جو پلکوں کو مِلا کر نہیں دیکھا جاتا

ہر طرف ایک ہی منظر نہیں دیکھا جاتا

کام اتنے ہیں بیابانوں کے، ویرانوں کے

شام ہو جاتی ہے اور گھر نہیں دیکھا جاتا

جھانک لیتے ہیں گریباں میں، یہی ممکن ہے

ایسی پستی ہے کہ اُوپر نہیں دیکھا جاتا

کبھی خوشبو کبھی آواز بن جانا پڑے گا

کبھی خوشبو کبھی آواز بن جانا پڑے گا

پرندوں کو کسی بھی شکل میں آنا پڑے گا

خدا حافظ، بلند آواز سے کہنا پڑے گا

پھر اس آواز سےآگے نکل جانا پڑے گا

خود اپنے سامنے آتے ہوئے حیران ہیں ہم

ہمیں اب اس گلی سے گھوم کر جانا پڑے گا

سفر پہ جیسے کوئی گھر سے ہو کے جاتا ہے

سفر پہ جیسے کوئی گھر سے ہو کے جاتا ہے

ہر آبلہ مِرے اندر سے ہو کے جاتا ہے

جہاں سے چاہے گزر جائے موجۂ امید

یہ کیا کہ میرے برابر سے ہو کے جاتا ہے

جنوں کا پوچھیے ہم سے کہ شہر کا ہر چاک

اسی دکانِ رفوگر سے ہو کے جاتا ہے

ہمیں یونہی نہ سر آب و گل بنایا جائے

ہمیں یونہی نہ سرِ آب و گِل بنایا جائے

ہمارے خواب دئیے جائیں، دل بنایا جائے

دکھائی دیتا ہے تصویرِ جاں میں دونوں طرف

ہمارا زخم ذرا مندمل بنایا جائے

اگر جلایا گیا ہے کہیں دِیے سے دِیا

تو کیا عجب کہ کبھی دل سے دل بنایا جائے

وہ شہر کسی شہر میں محدود نہیں تھا

وہ شہر، کسی شہر میں محدود نہیں تھا

اس میں وہ سبھی کچھ تھا جو موجود نہیں تھا

گم ہو گئی زنجیر کی آواز میں آواز

افسوس، کہ ہم میں کوئی داؤد نہیں تھا

خاموش کچھ ایسا تھا کہ بس تھا ہی نہیں دل

آباد بس اتنا تھا کہ نابود نہیں تھا

ہوئی آغاز پھولوں کی کہانی

ہوئی آغاز پھولوں کی کہانی

وہ پہلا دل، وہ پہلی خوشگمانی

اداسی کی مہک آتی ہے مجھ سے

مِری تنہائی ہے اتنی پرانی

ہمیں دونوں کنارے دیکھنے ہیں

توجہ چاہتی ہے یہ روانی

جتنا آب و دانہ ہے

جتنا آب و دانہ ہے

اُتنا ہی ویرانہ ہے

ہم نے اپنی نیندوں کو

خوابوں سے پہچانا ہے

باغ کا تُربت ہو جانا

پھولوں کا اٹھ جانا ہے

میں جہاں تھا وہیں رہ گیا معذرت

میں جہاں تھا وہیں رہ گیا، معذرت

اے زمیں! معذرت، اے خدا! معذرت

کچھ بتاتے ہوئے، کچھ چھپاتے ہوئے

میں ہنسا، معذرت،۔ رو دیا، معذرت

خود تمہاری جگہ جا کے دیکھا ہے اور

خود سے کی ہے تمہاری جگہ معذرت