ہر اک جواب کی تہ میں سوال آئے گا

 ہر اک جواب کی تہ میں سوال آئے گا

گئے یُگوں کے بُتوں کا زوال آئے گا

ہُنر کا عکس بھی ہو آئینہ بھی بن جاؤ

پھر اس کے بعد ہی رنگِ کمال آئے گا

حریف جاں ہے اگر وہ تو پھر کہو اس سے

گئی جو جان تو دل کا سوال آئے گا

درد دل کے طبیب ہوتے ہیں

 دردِ دل کے طبیب ہوتے ہیں 

بعض دشمن عجیب ہوتے ہیں 

وسوسے الجھنیں تمنائیں 

دل کے کتنے رقیب ہوتے ہیں 

ہنستے ہنستے بگڑنا ہو جن کو 

ایسے بھی تو نصیب ہوتے ہیں

سن اے مانجھی سن لے کھویا

 کاغذ کی نیّا

سن اے مانجھی سن لے کھویا

کاغذ کی ہے میری نیُا

ہر مشکل سے لڑنا اس کو

آگے آگے بڑھنا اس کو

جا نیا نانی کے گاؤں

ہمیشہ میں نے دیکھا ہے کہ سورج شام ہوتے ہی

 انجام

ہمیشہ میں نے دیکھا ہے

کہ سورج شام ہوتے ہی

سما جاتا ہے اپنی موت کی آغوش میں

لیکن

عجب ہے موت کی وادی

جہاں سے لوٹ کر کوئی نہیں آتا

کوئی جھونکا ابھی تک منتظر

 کوئی جھونکا

ابھی تک منتظر ہوں میں

کوئی جھونکا ہوا کا اس طرح آئے

کہ اپنے ساتھ لے جائے

اڑا کر آسماں کی بے کرانی میں

جہاں دل میں کوئی خواہش

خیال بن کے مرے دل کے پاس رہتا ہے

خیال بن کے مِرے دل کے پاس رہتا ہے

بچھڑ کے مجھ سے وہ لیکن اداس رہتا ہے

میں سونے پن کو بساتا ہوں اپنے خوابوں میں

وہ لوٹ آئے گا لیکن قیاس رہتا ہے

گزر گیا ہوں میں رد و قبول سے آگے

کسی بھی شے پہ کہاں التباس رہتا ہے

اپنے ہونٹوں پہ کہاں اس نے کہانی رکھی

اپنے ہونٹوں پہ کہاں اس نے کہانی رکھی

بات جو کچھ بھی تھی پلکوں کی زبانی رکھی

دل کی راہوں سے مِری کون ابھی گزرا ہے

کس نے آنکھوں کے دریچوں میں نشانی رکھی

پیاس جاگی، تو میں قطرے کا طلبگار ہوا

اس نے ہونٹوں پہ سمندر کی روانی رکھی

بیاض جاں کے صفحوں پر وہ جس کا نام لکھا تھا

بیاضِ جاں کے صفحوں پر وہ جس کا نام لکھا تھا

اسی کے واسطے اس دل نے ہر پیغام لکھا تھا

مِری قسمت کے لکھے کو مٹانا چاہتا تھا وہ

مِرے ہاتھوں کی ریکھاؤں میں جسکا نام لکھا تھا

کہ ٹوٹے دل کو لیکر اب مجھے بھی لوٹ جانا ہے

جو گزرا شہر میں تیرے، وہی انجام لکھا تھا

وہ لے کے پیاس کا صحرا یہاں تک آیا تھا

نہیں تھی جان مگر وہ بھی مسکرایا تھا

وطن کے نام پہ جس نے لہو بہایا تھا

میں اس کو بھولنا چاہوں یہ ہو نہیں سکتا

وہی تو ہے کہ بھنور سے نکال لایا تھا

وہ ایک شخص کہ چہرے کو پڑھ گیا کیسے

ہمارے حال پہ گرد و غبار چھایا تھا

جو سانس لیتا ہوں دل میں چبھن سی ہوتی ہے

جو سانس لیتا ہوں، دل میں چبھن سی ہوتی ہے

کہ شہرِ زیست میں ہر پل گھٹن سی ہوتی ہے

جو اپنی آنکھ سے سورج کو چھو نہیں سکتا

تِرے عروج پہ اس کو جلن سی ہوتی ہے

سفر نگاہ میں روشن تو خوب ہوتا ہے

سفر خیال سے لیکن تھکن سی ہوتی ہے

یہ تیری دید کا منظر ہے معجزہ تو نہیں

یہ تیری دید کا منظر ہے، معجزہ تو نہیں

کہ میرے ذہن کا یہ کوئی واہمہ تو نہیں

جو سرخ سرخ مناظر افق پہ بکھرے ہیں

نظر کا دھوکا ہے یا کوئی حادثہ تو نہیں

وہ رہگزر جو تِرے گھر کی سمت جاتی ہے

وہ چاہتوں کا مِری آخری سِرا تو نہیں

ماضی نے جو لکھی تھی وہ تحریر دیکھ لی

ماضی نے جو لکھی تھی وہ تحریر دیکھ لی

دنیا نے اپنے حال کی تصویر دیکھ لی

اب خیر ہی مناؤ، کہ شہرِ پناہ میں

پیاسی کسی کی آنکھ نے شمشیر دیکھ لی

دل نے تو کر لیا تِرے چہرے کا انتخاب

نظروں سے پوچھ لینا کہ تفسیر دیکھ لی

نہاں جو وہ نظارا ہے، کہاں ہے

نہاں جو وہ نظارا ہے، کہاں ہے

مِری قسمت کا تارا ہے، کہاں ہے

ہمیں جو کھینچتا ہے اپنی جانب

کہاں منظر وہ سارا ہے، کہاں ہے

وہ سپنا روز جس کو دیکھتا ہوں

تِرا ہی استعارا ہے، کہاں ہے

آنکھیں بجھی بجھی ہیں، مگر رات ہے کہاں

آنکھیں بجھی بجھی ہیں، مگر رات ہے کہاں

حصے میں میرے خواب کی سوغات ہے کہاں

بے سمت منزلوں کا میں کرتا رہا طواف

سایا بھی میرا اب کہ مِرے ساتھ ہے کہاں

اس کو بھی ہار اپنی نہیں ہے قبول، اور

میرے نصیب میں بھی لکھی مات ہے کہاں

میں یوں شکوہ نہیں کرتا مجھے گر مات بھی ہوتی

میں یوں شکوہ نہیں کرتا مجھے گر مات بھی ہوتی

شکستہ پر اگر ہوتا تو کوئی بات بھی ہوتی

سفر کی دھند آنکھوں میں کئی نقشے بناتی ہے

مگرشہپر یہ کہتے ہیں کہیں اب رات بھی ہوتی

ہمیشہ دوستوں سے اپنے میں ہی جیت جاتا ہوں

مقابل آئینہ ہوتا کبھی تو مات بھی ہوتی

خواہش دل کو بجھے بھی اک زمانا ہو گیا

خواہشِ دل کو بجھے بھی اک زمانا ہو گیا

بے بسی تجھ سے مِرا رشتا پرانا ہو گیا

تھا بہت مشہور وہ اپنے ہنر کے رنگ میں

آج پھر اس سے خطا کیوں ہر نشانا ہو گیا

آؤ پھر دل کی عبادت گاہ مشترکہ بنے

نفرتوں کے شہر میں آنسو بہانا ہو گیا