ہتھیلی پہ ہر اک لمحہ نہ تم جلتا دیا رکھنا

 ہتھیلی پہ ہر اک لمحہ نہ تم جلتا دِیا رکھنا

محبت بانٹنا لیکن نہ امید و صِلہ رکھنا

ہیں نازک آبگینے یہ نہ ان کو ٹھیس لگ جائے

ذرا سا سیکھ لو خوابوں کو آنکھوں میں چھپا رکھنا

ابھی آغاز الفت ہے ابھی سے تھک گئے ہو تم

بڑی پُر پیچ راہیں ہیں ذرا سا حوصلہ رکھنا

سبب برسات کا اشکوں کی طغیانی بنے گی

 سبب برسات کا اشکوں کی طغیانی بنے گی

ہیں کالی بدلیاں یہ رات طوفانی بنے گی

نہیں معلوم تھا یہ اے دلِ نادان ہم کو

اذیت اس قدر جذبوں کی ارزانی بنے گی

تیری فطرت میں شامل جلد بازی ہے تو سن لے

تیری عجلت پسندی ہی پشیمانی بنے گی

ہو جو اپنی ہی طلبگار کہیں میں تو نہیں

 ہو جو اپنی ہی طلبگار کہیں میں تو نہیں

کوئی تو ہے پس دیوار کہیں میں تو نہیں

یہ جو تو خواب ادھورے سے لیے پھرتا ہے

ان کی تعبیر دگر بار کہیں میں تو نہیں

تیرے دل میں جو خلش ہوتی ہے اس کا کے باعث

میں نہیں تھی مگر اس بار کہیں میں تو نہیں

یہ کیا کہ دامن دل کو سنبھالتے رہنا

 یہ کیا کہ دامن دل کو سنبھالتے رہنا

کہیں پکارے محبت تو ٹالتے رہنا

کسی کو خوابوں کی جاگیر سونپ کر پہلے

بڑے جتن سے اسی کو نکالتے رہنا

جو خیر چاہتے ہیں ان کو چاہنا نہ کبھی

تم آستینوں میں بس سانپ پالتے رہنا

میں خود آگاہ ہوتی جا رہی ہوں

 میں خود آگاہ ہوتی جا رہی ہوں

تیرے ہمراہ ہوتی جا رہی ہوں

زمانہ دیکھ کے کہتا ہے مجھ کو

کہ میں گمراہ ہوتی جا رہی ہوں

نجانے کب وہ ٹھوکر مار ڈالے

میں سنگِ راہ ہوتی جا رہی ہوں

مڑ کے تکتے ہیں کہاں چھوڑ کے جانے والے

 مڑ کے تکتے ہیں کہاں چھوڑ کے جانے والے

لاکھ دیں ان کو صدا ان کو بلانے والے

گردِ راہ جن کے مقدر میں لکھی ہوتی ہے

وہ ٹھکانوں پہ نہیں لوٹ کے آنے والے

کیسے ہوتا ہے بپا حشر بتاتے ہیں تجھے

جب ہوں محبوب کے تیور بھی زمانے والے

اسے کہنا کہ مجھ کو منتظر رہنا بہت تکلیف دیتا ہے

 اسے کہنا کہ

مجھ کو منتظر رہنا

بہت تکلیف دیتا ہے

کبھی آئے

مجھے دیکھے

کہ اس کی یاد میں ہم نے

وہ جو میرا ماہ تمام ہے

 وہ جو میرا ماہِ تمام ہے

دلِ منتظر کی یہ وحشتیں

یہ مِرا جنوں، میری شدتیں

ہیں جو ذہن و دل مِرے مضطرب

یہ مِری دعائیں، مِری طلب

سبھی اس کی ذات کے نام ہیں

وہ جو میرا ماہِ تمام ہے