میری خاطر ہیر کے چاچے سے ٹکراویں گے کیا

 زعفرانی غزل

"دوست غم خواری میں میری سعی فرماویں گے کیا"

میری خاطر، ہیر کے چاچے سے ٹکراویں گے کیا

گنج زخمی ہے مگر ناخن بھی چھوٹے ہیں ابھی

"زخم کے بھرتے تلک ناخن نہ بڑھ جاویں گے کیا"

صاف کیوں آتی نہیں آواز موبی لنک پر

"ہم کہیں گے حال دل اور آپ فرماویں گے، کیا؟"

سونی ہو یا ایل جی ہو یا ہائیر یا ہٹاچی

 زعفرانی غزل

سونی ہو یا ایل جی ہو، یا ہائیر یا ہٹاچی

بِن ٹی وی کے زندہ نہیں رہ سکتی ہے چاچی

مقدور کہاں روز مِلن ہیر سے میرا

میں گُلشنِ معمار میں، وہ مائی کُلاچی

مانا کہ نہیں کوئی بھی کَل اونٹ کی سِیدھی

پر یاد رہے، اتنی بھی سیدھی نہیں ڈاچی

اہل خانہ ہیر کے تھے کس لیے تھانے گئے

 زعفرانی غزل

اہلِ خانہ ہیر کے، تھے کس لیے تھانے گئے؟

بھینس چوری کیس میں رانجھے کو پھنسوانے گئے

بے تُکے اشعار سُن کر خُون تو کھولا بہت

"لیکن اتنا تو ہُوا کچھ لوگ پہچانے گئے"

ہاتھ رکھتے تھے بہت ہلکا کبھی افطار میں

آہ لیکن اس برس، ہم بھی ہیں رمضانے گئے

وبا زن مریدی کی پھیلی ہے جاری شفا کی تلاش

 وبا زن مریدی کی پھیلی، ہے جاری شفا کی تلاش

ہے تشخیص آسان، سب کر رہے ہیں دوا کی تلاش

پرندوں میں اور پیٹؤوں میں یہی قدر ہے مُشترک

کہ دونوں کو ہے صُبح سے شام تک بس غذا کی تلاش

مِرا مشورہ مان لو؛ اور فوراً رچا لو بیاہ

اگر ہے تمہیں ایک انسائیکلوپیڈیا کی تلاش

باس طاقت کے نشے میں جس کا بھی نمرود ہے

 باس طاقت کے نشے میں جس کا بھی نمرُود ہے

ایک مچھر کی اُسے خدمت ابھی مقصُود ہے

دانت میں کیڑوں نے ہیں کیونکر بنا رکھے پلاٹ

سات پُشتوں سے اگر آبائی گھر امرُود ہے

چار چھ اچھے عمل شاید کیے ہوں گے مگر

قیس جی کی بونگیوں کی لِسٹ لامحدُود ہے

پڑے ہیں تھپڑ کے ساتھ جوتے بہت زیادہ بلا ارادہ

ہزل 

پڑے ہیں تھپڑ کے ساتھ جوتے بہت زیادہ بِلا ارادہ

کیا ہے رانجھے نے عقدِ ثانی کا جب ارادہ بلا ارادہ

طلب کیا دے کے دھمکیاں آج اس کی بیگم نے سوٹ چونکہ

تبھی ملاتا ہے لال مرچوں میں وہ بُرادہ بلا ارادہ

نہ پوچھ تعداد بالکوں کی، نواسیاں جس کی ہیں نواسی

پچاس پوتوں کا بن گیا ہے وہ آج دادا بلا ارادہ