ہو گئے جواں بچے بوڑھی ہو رہی ہے ماں

 ماؤں کے عالمی دن پر

ہو گئے جواں بچے، بوڑھی ہو رہی ہے ماں

بے چراغ آنکھوں میں خواب بو رہی ہے ماں

روٹی اپنے حصے کی دے کے اپنے بچوں کو

صبر کی ردا اوڑھے بھوکی سو رہی ہے ماں

دیکھ کر بہو کو، کیا یاد آ گیا اس کو

کن حسین خوابوں میں آج کھو رہی ہے ماں

گھر سے چیخیں اٹھ رہی تھیں اور میں جاگا نہ تھا

 گھر سے چیخیں اٹھ رہی تھیں اور میں جاگا نہ تھا 

اتنی گہری نیند تو پہلے کبھی سویا نہ تھا 

نشۂ آوارگی جب کم ہوا تو یہ کھلا 

کوئی بھی رستہ مِرے گھر کی طرف جاتا نہ تھا 

کیا گِلہ اک دوسرے سے بے وفائی کا کریں 

ہم نے ہی اک دوسرے کو ٹھیک سے سمجھا نہ تھا 

دوزخ بھی کیا گمان ہے جنت بھی ہے فریب

 دوزخ بھی کیا گمان ہے جنت بھی ہے فریب

ان وسوسوں میں میری عبادت بھی ہے فریب

دریا و دشت اور سمندر بھی ہیں سراب

دن کا اجالا رات کی ظلمت بھی ہے فریب

تیرا ہر اک خیال بھی اک خوش نما گمان 

دنیا ہی کیا خود اپنی حقیقت بھی ہے فریب

کیا مقدمہ چلے عدالت میں

 کیا مقدمہ چلے عدالت میں

شہر کا شہر ہے حراست میں​

بعد مدت کے دیکھ کر مجھ کو

پڑ گیا آئینہ بھی حیرت میں​

سچ ہے محتاج کب گواہی کا

تم نہ بولو میری وکالت میں

جب کوئی اہم فیصلہ کرنا

جب کوئی اہم فیصلہ کرنا

اپنے بچوں سے مشورہ کرنا

شعلۂ زیست جب تک نہ بجھے

دیپ بن کر یونہی جلا کرنا

میں نے سیکھا ہے اپنے بچوں سے

سچ کا اظہار برملا کرنا

بے سبب ترک شاعری کر کے

بے سبب ترک شاعری کر کے

کیسے زندہ ہوں خودکشی کر کے

آخر ایک دن مجھے بھی بجھنا ہے

اپنے حصے کی روشنی کر کے

ٹیپو سلطان اب بھی زندہ ہے

کیا ملا تجھ کو مخبری کر کے

زمینی کتاب

زمینی کتاب

اب تک آسمانوں سے

زمین پر کتابیں اتری ہیں

میں اس زمین کا شاعر ہوں

میری خواہش ہے کہ

ایک کتاب زمین سے

آسمانوں پر بھی اترے

جو اپنی خواہشوں میں تو نے کچھ کمی کر لی

جو اپنی خواہشوں میں تُو نے کچھ کمی کر لی

تو پھر یہ جان کہ تُو نے پیمبری کر لی

تجھے میں زندگی اپنی سمجھ رہا تھا، مگر

تِرے بغیر بسر میں نے زندگی کر لی

پہنچ گیا ہوں میں منزل پہ گردشِ دوراں

ٹھہر بھی جا کہ بہت تو نے رہبری کر لی

جب بھی دشمن بن کے اس نے وار کیا

جب بھی دشمن بن کے اس نے وار کیا

میں نے اپنے لہجے کو تلوار🗡 کیا

میں نے اپنے پھول سے بچوں کی خاطر

کاغذ کے پھولوں🎕 کا کاروبار کیا

میری محنت کی قیمت کیا دے گا تُو؟

میں نے دشت و صحرا کو گلزار کیا

دیواریں اتنی بھی اونچی نہ کرو

رابطہ

اپنی ذات

اپنے گھر

اپنے مذہب

اپنی تہذیب

اور اپنے قبیلے کی

دیواریں اتنی بھی اونچی نہ کرو

محرومی

محرومی

میں ماں باپ کے ہوتے ہوئے

یتیموں کی طرح

زندگی گزار رہا ہوں

تنہا کھڑا

اس کتیا کو دیکھ رہا ہوں

جو اپنے بچوں کے ساتھ کھیل رہی ہے

ہمیں نزدیک کب دل کی محبت کھینچ لاتی ہے

ہمیں نزدیک کب دل کی محبت کھینچ لاتی ہے؟

تجھے تیری، مجھے میری ضرورت کھینچ لاتی ہے

چھپا ہے جو خزانہ تہہ میں ان بنجر زمینوں کی

اسے باہر زمیں سے میری محنت کھینچ لاتی ہے

میں ماضی کو بھلا کر اپنے مستقبل میں زندہ ہوں

نگاہوں سے ہے جو اوجھل بشارت کھینچ لاتی ہے

کیسا ماتم کیسا رونا مٹی کا

کیسا ماتم، کیسا رونا مٹی کا

ٹوٹ گیا ہے ایک کھلونا مٹی کا 

مر کر بھی کب اس سے رشتہ ٹوٹے گا

میرا ہونا بھی ہے ہونا مٹی کا 

اک دن مٹی اوڑھ کے مجھ کو سونا ہے

کیا غم جو ہے آج بچھونا مٹی کا

خواب آنکھوں میں سجانا چھوڑ دے

خواب آنکھوں میں سجانا چھوڑ دے

ریت پہ دیوار اٹھانا چھوڑ دے

چھوڑ دے اس بے وفا کی آرزو

پتھروں سے دل لگانا چھوڑ دے

ذہن کہتا ہے زمانے کو بدل

دل یہ کہتا ہے زمانہ چھوڑ دے

آندھیوں میں اک دیا جلتا ہوا رہ جائے گا

آندھیوں میں اک دِیا🪔 جلتا ہوا رہ جائے گا

میں گزر جاؤں گا میرا نقش پا رہ جائے گا

خواہشوں کے سب پرندے شور سے اڑ جائیں گے

تُو کھڑا خاموش یونہی دیکھتا رہ جائے گا

وار کر سکتا تو ہوں میں اپنے دشمن پر، مگر

سوچتا ہوں پھر درمیاں فرق کیا رہ جائے گا

میں کسی قبر کے نشاں جیسا

تُو زمیں پر ہے کہکشاں جیسا

میں کسی قبر کے نشاں جیسا

میں نے ہر حال میں کیا ہے شکر

اس نے رکھا مجھے جہاں جیسا

ہو گئی وہ بہن بھی اب رخصت

پیار جس نے دیا تھا ماں جیسا