یوں تو معلوم نہیں کیا ہے حقیقت اپنی

 عارفانہ کلام حمد نعت منقبت

یوں تو معلوم نہیں کیا ہے حقیقت اپنی

مُستند ہے درِ حسّان سے نسبت اپنی

کوئی پُوچھے تو حوالہ تِرا دے دیتے ہیں

یوں تِرے نام سے ہو جاتی ہے عزت اپنی

نعت ہو، شعر ہو، نغمہ ہو، ثنا خوانی ہو

ان تک آواز تو پہنچے کسی صُورت اپنی

مِرا لہجہ،۔ مِری آواز انہیں بھا جائے

اے خدا تُو ہی دِکھا دے کوئی قدرت ایسی

خود کو کہتے ہو غلامِ شہِ بطحاﷺ اسرار

جاؤ آئینے میں دیکھو ذرا صُورت اپنی

اسرار احمد