دُور صحرا کی کڑی دُھوپ میں چھاؤں جیسا
وہ تو لگتا تھا مجھے میری دُعاؤں جیسا
اِک ریاست تھی میرے پاس نوابوں جیسی
اب تِرے شہر میں پھرتا ہوں گداؤں جیسا
اب اُسے ڈُھونڈتا پھرتا ہوں بیابانوں میں
جو میرے پاس سے گُزرا تھا ہواؤں جیسا
تُو نہ تھا پاس تو رُوٹھی تھیں بہاریں مجھ سے
جیسے موسم ہو میرے ساتھ خزاؤں جیسا
رُخِ روشن سے نکلتی تھیں شعائیں ہر دم
اس کی زُلفوں میں نظارہ تھا گھٹاؤں جیسا
اویس الحسن
No comments:
Post a Comment