نہ ہو کیوں کر محبت اس شہ لو لاک سے پیدا

 عارفانہ کلام حمد نعت منقبت

نہ ہو کیوں کر محبت اس شہِؐ لو لاک سے پیدا

کِیا جس کو خدا نے اپنے نورِ پاک سے پیدا

جنوں تُو سچ بتا یہ دشت کیا صحرائے بطحا ہے؟

کشش ہے اس جگہ کے ہر خس و خاشاک سے پیدا

عیاں ہے نغمۂ بُلبل سے گُلشن میں ثنا تیری

ترانہ کی صدا ہے ہر گُلِ صد چاک سے پیدا

جو روشن طور پر تھا وہ تجلی دل میں رکھتے ہیں

 عارفانہ کلام حمد نعت منقبت

جو روشن طور پر تھا وہ تجلّی دل میں رکھتے ہیں

رسول اللہﷺ کا نقشِ کفِ پا دل میں رکھتے ہیں

سمائی ہے محبت سرورِ کونینﷺ کی اس میں

کہاں ہم فکرِ دِیں اور فکرِ دنیا دل میں رکھتے ہیں

یہی جینے کا باعث ہے تمہارے نا مُرادوں کے

کہ پوشیدہ تمہاری یاد آقاﷺ دل میں رکھتے ہیں

ہوا ہے مد بسم اللہ غازہ تیری وحدت کا

 عارفانہ کلام حمد نعت منقبت

ہوا ہے مدِّ بسم اللہ غازہ تیری وحدت کا

بنا کیا خوب طغریٰ ہے یہ منشورِ سعادت کا

ہوئی ہے آیتِ الحمد سے رحمت تِری ظاہر

نہیں ہے اب تِرے بندوں کو کچھ کھٹکا قیامت کا

رسولِ ہاشمیﷺ جلوہ ہے تیرے نورِ اقدس کا

سہارا عاصیوں کو ہو گیا ان کی شفاعت کا

بھر دے تو ساقیا مئے اطہر سے جام کو

 عارفانہ کلام حمد نعت منقبت

بھر دے تو ساقیا مئے اطہر سے جام کو

ہو کر میں تر دماغ لکھوں اس کلام کو

حیراں ہوں دل میں نور یہ کس کا سماں گیا

جس نے نکال پھینکا خیالاتِ خام کو

جاروب کش ہے بادِ سحر کس کے باغ کی

ہر شاخِ گُل خمیدہ ہے کس کے سلام کو

لوح دل پر کھنچ گیا ہے یہ الف اللہ کا

 عارفانہ کلام حمد نعت منقبت

لوحِ دل پر کِھنچ گیا ہے یہ الف اللہ کا

ہے نشانِ عشقِ صادق وہ رسول اللہؐ کا

ناصیہ سائی جہاں کی آج کرتے ہیں ملک

ہوں گدا روزِ ازل سے میں اسی درگاہ کا

شعلۂ ہجرِ شہِ دیںﷺ نے جلایا ہے مجھے

لا مکاں تک اب دُھواں جاتا ہے میری آہ کا

حاصل ہے وہ دولت کہ زمانے میں غنی ہوں

 عارفانہ کلام حمد نعت منقبت

حاصل ہے وہ دولت کہ زمانے میں غنی ہوں

شیدا ہوں نبیﷺ کا میں 'اویسِ قرنی' ہوں

مدّاح رسولِ عربیﷺ کی ہوں ازل سے

بلبل ہے فدا جس پہ وہ مرغِ چمنی ہوں

اے جذبِ دلِ زار دکھا شہرِ مدینہ

مدت سے میں مشتاقِ غریب الوطنی ہوں