کبھی جو آنکھوں کے آ گیا آفتاب آگے

 کبھی جو آنکھوں کے آ گیا آفتاب آگے

تِرے تصور میں ہم نے کر لی کتاب آگے

وہ بعد مدت ملا تو رونے کی آرزو میں

نکل کے آنکھوں سے گر پڑے چند خواب آگے

دل و نظر میں ہی اپنے خیمے لگا لیے ہیں

ہمیں خبر ہے کہ راستہ ہے خراب آگے

تم وہ پہلی لڑکی ہو

 تم وہ پہلی لڑکی ہو

 تم وہ پہلی لڑکی ہو

جس کو دیکھ کے

میری آنکھیں خوابوں سے بھر جاتی ہیں

پیار کی نیلی کرنیں

دل کے کمرے میں در آتی ہیں

چوم کے ماتھا مرا روز جگائے کوئی

چوم کے ماتھا مِرا روز جگائے کوئی

اٹھ کے دیکھوں تو نظر بھی نہیں آئے کوئی

پاؤں اٹھتے ہی چلے جاتے ہیں جنگل کی طرف

مجھ کو مانوس سی آواز بلائے کوئی

لوگ آتے ہیں ٹھہرتے ہیں چلے جاتے ہیں

ایسا لگتا ہے کہ مجھ میں ہے سرائے کوئی

اگرچہ زخم تو گہرا لگا ہے

اگرچہ زخم تو گہرا لگا ہے

مگر اس بار چلنا آ گیا ہے

گلہ مجھ کو نہیں ہے تم سے کوئی

ابھی تم سے فقط اتنا گلہ ہے

میں کیسے زندگی سے روٹھ جاؤں

کوئی مجھ سے ابھی تک روٹھتا ہے

سورج کبھی تو میرے نشانے پہ آئے گا

سورج کبھی تو میرے نشانے پہ آئے گا

پھر چاند🌕 کا دماغ ٹھکانے پہ آئے گا

میں مانتا ہوں کوئی نہیں اس سا خوش مزاج

میں جانتا ہوں جب وہ رُلانے پہ آئے گا

✨ہر کام اپنا ہو گا برابر اسی طرح✨

جھونکا ہوا کا دیپ🪔 جلانے پہ آئے گا

دل ہے تاریک اسے نور کا ہالہ کر دے

عارفانہ کلام نعتیہ کلام

دل ہے تاریک اسے نور کا ہالہ کر دے

اِک نظر میری طرف بھی شہِ والاؐ کر دے

خوف کے غار میں ہوں اور تعاقب میں عدو

کہہ دے مکڑی سے درِ غار پہ جالا کر دے

میں جسے بیچ کے اِک تیشۂ محنت لے لوں

کوئی آنسو💧 مِرا مٹی کا پیالہ کر دے

جلتا ہوا اک خواب یہاں چھوڑ کے جاؤں

جلتا ہوا اک خواب یہاں چھوڑ کے جاؤں

جنگل میں کوئی اپنا نشاں چھوڑ کے جاؤں

کچھ دیر تو آباد رہیں گے در و دیوار

آنگن میں چراغوں کا دھواں چھوڑ کے جاؤں

دل اس کا نہیں لگتا کہیں میرے علاوہ

میں تیری جدائی کو کہاں چھوڑ کے جاؤں

رات یہ کون مرے خواب میں آیا ہوا تھا

رات یہ کون مِرے خواب میں آیا ہوا تھا

صبح میں وادئ شاداب میں آیا ہوا تھا

اک پرندے کی طرح اڑ گیا کچھ دیر ہوئی

عکس اس شخص کا تالاب میں آیا ہوا تھا

میں بھی اس کیلئے بیٹھا رہا چھت پر شب بھر

وہ بھی میرے لئے مہتاب میں آیا ہوا تھا

ان آنکھوں کی اجازت مار دے گی

ان آنکھوں کی اجازت مار دے گی

مجھے اس بار ہجرت مار دے گی

ہنسی میں دکھ چھپا لیتا ہوں اپنے

کسی دن یہ سہولت مار دے گی

کبھی سوچا نہیں تھا تیرے ہوتے

کوئی تازہ محبت مار دے گی

اداس چاند کھلے پانیوں میں چھوڑ گیا

اداس چاند کھلے پانیوں میں چھوڑ گیا
وہ اپنا چہرہ مِرے آنسوؤں میں چھوڑ گیا
ہوا کے جھونکے سے لرزی تھی ایک شاخِ گل
کسی کا دھیان مجھے خوشبوؤں میں چھوڑ گیا
گلے ملے تھے محبت کی تیز دھوپ میں ہم
یہ کون اڑتے ہوئے بادلوں میں چھوڑ گیا

کب ہے ایسا کسی زنجیر نے جانے نہ دیا

کب ہے ایسا کسی زنجیر نے جانے نہ دیا
گھر سے باہر تِری تصویر نے جانے نہ دیا
دشت میں تیری صدا پر میں پہنچ سکتا تھا
پشت سے پھینکے گئے تیر نے جانے نہ دیا
روز اک خواب نے پاؤں سے سفر باندھا مگر
روز اک خواب کی تعبیر نے جانے نہ دیا

مرتی ہوئی زمین کو بچانا پڑا مجھے

مرتی ہوئی زمیں کو بچانا پڑا مجھے
بادل کی طرح دشت پہ آنا پڑا مجھے​
وہ کر نہیں رہا تھا مِری بات کا یقین
پر یوں ہوا کہ مر کے دکھانا پڑا مجھے​
بھولے سے مِری سمت کوئی دیکھتا نہ تھا
چہرے پہ اک زخم لگانا پڑا مجھے​

اک شخص پاس رہ کے بھی سمجھا نہیں مجھے

اِک شخص پاس رہ کے بھی سمجھا نہیں مجھے
اس بات کا ملال ہے، شِکوہ نہیں مجھے
میں اس کو بے وفائی کا الزام کیسے دوں
اس نے تو ابتدا سے ہی چاہا نہیں مجھے
کیا كيا امیدیں باندھ کر آیا تھا سامنے
اس نے تو آنکھ بھر کے بھی دیکھا نہیں مجھے